Daniɛl 12:2 - NYANMIƐN NDƐ'N 1998

² Sran kpanngban bɔ be o ndia nun'n be ´jaso. Wie'm be ´nyan anannganman nguan, wie'm be kusu be ´wun nyannzuɛn b'ɔ lɛ-man awieliɛ'n.

Daniɛl 12:2 ပူးပေါင်းရင်းမြစ်များ

Nyanndra Mun 12:8

Sran kun bɔ be ´klo i sa lɛ'n, ɔ fin i ngwlɛlɛ b'ɔ si i'n. Sran nga kusu b'ɔ fa sinnzin yolɛ'n fa cici i ti'n, bé nyin ci i sɔfuɛ'n.

Ezai 26:19

Amun fuɛ nga be wuli'n be ´sa bé sin wa ekun. Min sran nga be sinnin wie nun'n be ´cɛn. Amun nga amun o ndutre'n nun'n, amun `tinnge, man amun klun jɔ, yɛ amun `bo sro. Anannganman, ɔ bɔlɛ ufue'n ɔ ti kɛ like b'ɔ kpaja weiin'n sa, yɛ asiɛ'n ɔ man be nga be wuli'm be ´sa bé sin wa ekun.

Ezai 66:24

«Yɛ kɛ be ´fin min sua'n nun ´fite'n, be wa wun be nga be yoli nyin kekle min su'm be saka mun. Afin asɔnniɛn nga be ´di saka sɔ mun'n be su wu-man, yɛ sin b'ɔ yra be'n, ɔ su nuan-man. Saka sɔ'm be ´yo sran'm be kwlaa be sro.»

Zeremi 20:11

Sanngɛ Anannganman'n b'ɔ ti kɛ safunyrɛn sa'n, ɔ jin min sin. Min kpɔfuɛ'm be wa tɔ. Nán be yɛ be ´kwla-a. Be su nyan-man jranwlɛ, ɔ man be ´wun nyannzuɛn. Nyannzuɛn nga be wun i'n, ɔ su titi-man le. Bé wla su fi-mɛn i le.

Ezekiɛl 37:12

I sɔ'n ti'n, sa nga n seli kɛ n wa yo'n, bɔ n kan kleli wɔ'n, kan kle be. Se be kɛ: ‹Anannganman Nyanmiɛn waan yoo: N wa tike amun asieliɛ'm be su, nan n ´tu amun. Kɛ bɔ amun ti min sran mun'n, n ´fa amun n sa amun sin Izraɛl mɛn b'ɔ ti amun mɛn'n i nun lɔ .

Ndɛ Nga Nyanmiɛn I Nuan Ijɔfuɛ Oze Kannin'n 13:14

N ´de be, ɔ man be su kɔ-man blɔlɔ. N ´to bé ti wie'n i sa nun. ?Nja wie, wɔ alɛ ninnge'm be o nin? ?Nja wie, ɔ duwlɛ'n wo nin? N si-man sran aunnvuɛ .

Matthieu 25:46

Sran sɔ'm be liɛ'n, be ´kɔ lika bɔ lɔ nyrɛnnɛn'n wie-man'n nun'n, sanngɛ nanwlɛfuɛ'm be ´nyan anannganman nguan .»

Sa nga bé yôli'n 24:15

N lafi Nyanmiɛn su kɛ sran kpa mun o, sran tɛ mun o, be ´cɛn, yɛ be kusu be lafi i sɔ'n su wie.

Sa nga bé yôli'n 7:60

Kpɛkuun ɔ kotoli nan ɔ'a kpan kekle kpa kɛ: «Nannan, sa nga be yo min yɛ'n, nán fa sie ɔ klun.» Kɛ i nuan'n tɔli cɛ'n, yɛ ɔ kali nun-ɔn. Sɔl sa o Etiɛni kunlɛ'n nun wie.

Rɔmfuɛ Mun 9:21

?Sɛ ufuɛ'n ɔ kwla fa-man ufa tɔlɛ kunngba'n wu-man sɛ wafa ng'ɔ klo'n, sɛ ɔ wu i klanman o, sɛ ɔ wu-mɛn i klanman kpa o, ɔ kwla yo-mɛn i sɔ?

1 Tɛsalonikfuɛ Mun 4:14

Afin e lafi su kɛ Jésus wuli yɛ ɔ cɛnnin, ɔ man e lafi su kɛ Nyanmiɛn man be nga be lafi i su bɔ be wuli'n, be nin Jésus be ´ba.

Sa nglô yile 20:12

Yɛ n wunnin be nga be wuli'n, sɛ be lɛ nyrun o, sɛ be lɛ-man nyrun o, be jinjin bia'n nyrun lɛ. Be trɛli fluwa wie'm be nun. Yɛ be trɛli kun ekun nun, i yɛ ɔ ti nguan fluwa nin-ɔn. Be niannin fluwa'm be nun, be wunnin sa nga be bɔ be wuli'm be yoli'n, i su yɛ be jran be dili be jɔlɛ nin-ɔn.