Daniɛl 12:12 - NYANMIƐN NDƐ'N 1998

¹² Be nga be jran kekle nan be minndɛ cɛn akpi kun cɛn ya nsan cɛn ablasan-nin-nnun'n (1.335) be liɛ su ti ye.

Daniɛl 12:12 ပူးပေါင်းရင်းမြစ်များ

Ezai 30:18

I sɔ'n ti, Anannganman'n sunnzun kɛ ɔ ´yo amun ye, i waan ɔ ´si amun aunnvuɛ. Afin Anannganman ti Nyanmiɛn kun b'ɔ yo sa i nuan su. Be kwlaa bɔ be fa bé wla guɛ i su'n, be liɛ su ti ye .

Ezekiɛl 4:6

Kɛ a ko di i sɔ cɛn ba liɛ mun b'ɔ ko wie'n, la ɔ́ sa fama'n su siɛn'n, a wa sua Zidafuɛ'm bé sa tɛ liɛ mun cɛn ba ablanan. I sɔ nun'n, cɛn ba kun nga m mian wɔ bɔ a di'n, ɔ nin afuɛ nuan kun bɔ be dili i i sa tɛ yolɛ nun'n be ´sɛ.

Daniɛl 8:14

Anz klikli'n tɛli su kɛ: ‹Ɔ fata kɛ nglɛmun nin nnɔsua, nglɛmun nin nnɔsua sɔ lele akpi nnyɔn ya nsan (2.300) be sin kwlaa nan Nyanmiɛn i tranwlɛ'n ɔ'a yo saun ekun.› »

Rɔmfuɛ Mun 11:15

?Afin sɛ be ase sielɛ kan bɔ Nyanmiɛn sieli be'n ɔ man mɛn nunfuɛ'm be nin Nyanmiɛn be afiɛn a sɛ'n, kɛ ɔ ko fa be ekun'n, ɔ ´yo sɛ? Sɛ ɔ yo i sɔ'n, be nga be wuli'n be ´nyan nguan!

Sa nglô yile 11:2

Sanngɛ yaci Nyanmiɛn i sua'n i awlo klun'n lɛ, nán sunnzun. Afin be fa mannin be nga be ti-man Zuif'n, be ´wlan-wlan Nyanmiɛn klɔ'n su anglo ablanan-nin-nnyɔn, be ´saci i .

Sa nglô yile 12:6

Bla sɔ'n wanndi ɔli aawlɛ flɛnnɛn nun lɔ. Nyanmiɛn mɛnnin i tranwlɛ kun lɔ kɛ be mɛn i like diwa lɔ cɛn ba akpi kun cɛn ba ya nnyɔn cɛn ba ablesiɛn (1.260).

Sa nglô yile 13:5

Be mɛnnin i atin kɛ ɔ ´ijɔ kpakpa, yɛ ɔ ´saci Nyanmiɛn dunman. Yɛ be mɛnnin i atin kɛ ɔ ´sie anglo ablanan-nin-nnyɔn .

Sa nglô yile 20:4

N wunnin bia mun, be nga be ti be su'n, be sieli be kɛ be di jɔlɛ. Be nga ndɛ nanwlɛ bɔ Jésus yili i nglo'n, nin Nyanmiɛn i ndɛ'n bɔ be kan ti be kunnin be'n, bɔ b'a koto-man nnɛn'n i wunsu bɔ be yoli'n i bo'n, bɔ nnɛn'n i nzɔliɛ'n nun-man be ngban su nin bé sa'n su'n, n wunnin be wawɛ'n. Be cɛnnin, yɛ be nin Krist be dili famiɛn afuɛ akpi .