Daniɛl 12:11 - NYANMIƐN NDƐ'N 1998

¹¹ Kɛ ɔ ´fɛ i cɛn bɔ be ´tannin sraka nga be yi be man Nyanmiɛn cɛn kwlakwla'n i atin'n, bɔ be ´fa tete like'n be ´sie i Nyanmiɛn sɔwlɛ'n su'n, cɛn ba akpi kun cɛn ba ya nnyɔn cɛn ba ablangwlan (1.290) ɔ ´sin .

Daniɛl 12:11 ပူးပေါင်းရင်းမြစ်များ

Ezipt Lɔ Tulɛ'n 29:38

«Man cɛn kwlakwla be fa bua nga b'a kpɛ cro'n sɔ nnyɔn bɔ be lɛ afuɛ kunngun'n be fa yi tɛ min sɔwlɛ'n su be man min tititi.

Ezekiɛl 4:6

Kɛ a ko di i sɔ cɛn ba liɛ mun b'ɔ ko wie'n, la ɔ́ sa fama'n su siɛn'n, a wa sua Zidafuɛ'm bé sa tɛ liɛ mun cɛn ba ablanan. I sɔ nun'n, cɛn ba kun nga m mian wɔ bɔ a di'n, ɔ nin afuɛ nuan kun bɔ be dili i i sa tɛ yolɛ nun'n be ´sɛ.

Daniɛl 1:12

«N ´srɛ wɔ kpa ti-ɔ, sa ye cɛn ba blu nan nian. E ninnge nga e di be'n, nán nnɛn tran nun yɛ man be man e nzue ngbɛn nan e nɔn.

Daniɛl 11:31

Ɔ ´sunman sonja wie mun, be wa fa Nyanmiɛn i sua'n be ´yo i fiɛn. Tɛ nga be yi fa man Nyanmiɛn cɛn kwlakwla'n, be ´tannin i atin. Be ´fa like sacifuɛ'n i tete like'n be ´sie i Nyanmiɛn sɔwlɛ'n su .

Daniɛl 7:25

Ɔ wa di Nyanmiɛn bɔ like fi nun-mɛn i sin'n i jɔlɛ tɛ. Ɔ ´kle Nyanmiɛn i nvle'n nunfuɛ'm be nyrɛnnɛn. Ɔ ´bu akunndan kɛ ɔ ´kaci blɛ'n i siesielɛ nga be siesieli'n, yɛ ɔ ´kaci mmla'n. Nyanmiɛn i nvle nunfuɛ'm be ´trɛn i sielɛ'n i bo lele afuɛ nsan nin sin .

Daniɛl 8:26

Aolia nun sraka nga be yi i nnɔsua nin nglɛmun nga a wunnin be'n, be ti nanwlɛ. Sanngɛ ɔ liɛ'n, man ninnge sɔ nga a wunnin be lɛ'n be ka ɔ klun lɔ, afin ɔ ti blɛ ng'ɔ ba mmua-mmua lɔ'n i nun ndɛ mun.›

Daniɛl 9:27

Kɛ ɔ wa ju afuɛ nso kasiɛn'n i awieliɛ'n, ɔ wa mianmian sran kpanngban kpa. Kɛ ɔ di afuɛ nsan nin sin'n, ɔ wa tannin sraka yilɛ'n nin cɛlɛ yilɛ'm be atin. Like sacifuɛ sɔ'n, tete sa ng'ɔ wa yo be'n, be kwla kan-man. Ɔ ´yo i sɔ lele ɔ ´fa ju cɛn nga be kleli i kɛ i bɔbɔ saci'n.»

Ndɛ Nga Nyanmiɛn I Nuan Ijɔfuɛ Oze Kannin'n 3:4

Afin Izraɛlfuɛ'm be wa ka sa lele be su nyan-man famiɛn kun, be su nyan-man famiɛn i awlo sran dan kun, be su yi-man tɛ kun, be su sɔ-man yɛbuɛ kun. Kpɛkuun ninnge nga be fa si Nyanmiɛn i klun sa'n, be su nyɛn-mɛn i kun.

Matthieu 24:15

«I sɔ'n ti, Tete Like bɔ Nyanmiɛn nuan ijɔfuɛ Daniɛl kɛnnin i ndɛ'n, blɛ nga an wun kɛ ɔ o Nyanmiɛn lika nun'n, man be nga be o Zide'n be wanndi ɔ oka'n su lɔ. Man sran ng'ɔ kanngan ndɛ sɔ'n, ɔ bu i akunndan !

Marc 13:14

«Amun ´wun Tete Like'n kɛ ɔ o lika ng'ɔ fata-man kɛ ɔ tran nun'n i nun. Man sran ng'ɔ kanngan ndɛ sɔ'n ɔ bu i akunndan. Kɛ an wun i sɔ'n, man be nga be o Zide lɔ'n be wanndi wɔ oka'm bé su .

Sa nglô yile 11:2

Sanngɛ yaci Nyanmiɛn i sua'n i awlo klun'n lɛ, nán sunnzun. Afin be fa mannin be nga be ti-man Zuif'n, be ´wlan-wlan Nyanmiɛn klɔ'n su anglo ablanan-nin-nnyɔn, be ´saci i .

Sa nglô yile 12:6

Bla sɔ'n wanndi ɔli aawlɛ flɛnnɛn nun lɔ. Nyanmiɛn mɛnnin i tranwlɛ kun lɔ kɛ be mɛn i like diwa lɔ cɛn ba akpi kun cɛn ba ya nnyɔn cɛn ba ablesiɛn (1.260).

Sa nglô yile 13:5

Be mɛnnin i atin kɛ ɔ ´ijɔ kpakpa, yɛ ɔ ´saci Nyanmiɛn dunman. Yɛ be mɛnnin i atin kɛ ɔ ´sie anglo ablanan-nin-nnyɔn .