Daniɛl 12:10 - NYANMIƐN NDƐ'N 1998

¹⁰ Afɛ'n ti, sran kpanngban kpa be wa yo saun, be ´yo weiin, yɛ be ´yo jrɛiin. Sran tɛtɛ bɔ be wun-man sa wlɛ'n, be ´yo sa tɛ'n be ´kɔ be nyrun, sanngɛ ngwlɛlɛfuɛ'm be ´wun sa ng'ɔ su ju'n i wlɛ.

Daniɛl 12:10 ပူးပေါင်းရင်းမြစ်များ

Jue Mun 107:43

Man sran b'ɔ ti ngwlɛlɛfuɛ'n ɔ bu sa sɔ'm be akunndan kpa nan ɔ wun kɛ Anannganman i klun ti ufue.

Jue Mun 51:7

Nian, sa tɛ nun yɛ be wuli min-ɔn, afin sa tɛ nun yɛ min nin wunnzɛli min-ɔn .

Nyanndra Mun 1:5

Sɛ bɔ akunndanfuɛ'n bɔbɔ sie i su ti'n, ɔ ´si sa uflɛ uka laa liɛ'n su. Sɛ sran nga be ti ngwlɛlɛfuɛ'n be ti'n, be ´wun wafa ng'ɔ fata kɛ be nanti'n.

Ezai 1:18

Anannganman wan yoo: «Amun `bla man e ti é wun aniɛn. Sɛ amún sa tɛ bɔ amun yo'n be ti kɛ like ɔkwlɛ youun wie sa bɔbɔ'n, be ´fɛn fitafita kɛ jese fɔkɔ sa. Sɛ be ti kɛ like ble tikitiki wie sa bɔbɔ'n, be ´yo ufue fuai kɛ bua ndrɛ sa.

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Ezekiɛl 47:11

Jenvie sɔ'n i bla mun nin i fɛtɛ mun be liɛ be su yo-man saun, be ´yo njin ngunmin.

Daniɛl 11:33

Nvle'n nun ngwlɛlɛfuɛ'm be ´kle sran kpanngban be like. Blɛ kaan sa nun'n, sran wie'm be ´kun wie mun, be ´yra wie mun, yɛ be ´wla wie'm be bisua. Kwlaa nan b'a yo be sɔ'n, be ´dun mmua fɛn bé bo ninnge mun.

Daniɛl 11:35

Be ´kun ngwlɛlɛfuɛ'm be nun sran kpanngban. Be wulɛ'n ɔ ´yo nvle nunfuɛ'm be saun, ɔ ´yo be jrɛiin, yɛ ɔ ´yo be weiin, lele awieliɛ'n ´fa ju. Afin kɛ ɔ ´yo sɔ'n, wuun awieliɛ'n nian ju-man.

Daniɛl 12:3

Sran ngwlɛlɛfuɛ'm be ´yo nyɛnmɛn kɛ nyanmiɛn su lɔ'n fa yo klanman'n sa. Be nga be kle sran'm bé Nyanmiɛn i atin'n, be ´kpaja kɛ nzraama'm be sa tititi.

Ndɛ Nga Nyanmiɛn I Nuan Ijɔfuɛ Oze Kannin'n 14:9

?Efraimfuɛ mun, nguɛ ti yɛ man amun ko bua amuɛn ndɛ nun-ɔn? M bɔbɔ min n ´tɛ amun srɛlɛ'n su, n ´nian amun su. M bɔbɔ n ti kɛ siprɛs waka bɔ blɛ kwlaa nun i nnya'm be ti ble mlanmlan klanman'n sa. Min fanngan nun ti yɛ amun ninnge'm be ´yo ye-ɔ.»

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »

Malasi 3:3

Ɔ ´tran ase, ɔ ´tɔn sika'n, ɔ ´yi i nun fiɛn'n, ɔ ´yo Levi i osu'n nun Nyanmiɛn nyrun jranfuɛ'm be saun kɛ be fa yo sika ɔkwlɛ ɔ nin jɛtɛ ufue'm be saun'n sa. Kpɛkuun siɛn'n, sɛ be wa man Anannganman i like'n, be ´nanti i mmla'n su yɛ be ´mɛn i-ɔ.

Marc 4:11

Ɔ seli be kɛ: «Amun yɛ be yi Nyanmiɛn sielɛ'n i wun akunndan bɔ sran wun-mɛn i wlɛ'n i nglo kleli amun-ɔn, sanngɛ be nga be ti-man e liɛ'n, be liɛ'n kwlaa sin nyanndra nun

JÉSUS-CHRIST I DYASIN FE'N BO LUC KLELI'N 24:25

Yɛ Jésus seli be kɛ: «An wun-man sa wlɛ, yɛ ndɛ nga Nyanmiɛn nuan ijɔfuɛ'm be kannin'n, an ka-man lɛ fɛ-mɛn i ngba su!

Jean 18:37

Ɔ man Pilat usɛli i kɛ: «?Ɔ man a ti famiɛn?» Jésus tɛli i su kɛ: «Yɛ ɔ́ nuan o su lɛ-ɔ, n ti famiɛn. Nian sa ti bɔ be wu min'n, sa ti bɔ m bali mɛn'n nun'n yɛ: m bali kɛ n ´kan ndɛ ng'ɔ ti nanwlɛ'n kle sran mun. Sran kwlaa ng'ɔ si nanwlɛ'n, ɔ ti ndɛ nga n kan'n. »

Jean 7:17

Sran ng'ɔ klo kɛ ɔ ´yo Nyanmiɛn klun sa'n, ɔ ´si kɛ like nga n kle'n ɔ fin i annzɛ m bɔbɔ n kpɛ n klun yɛ n kle-ɔ.

Jean 8:47

Sran ng'ɔ ti Nyanmiɛn liɛ'n, ɔ tie ndɛ ng'ɔ kan'n. Kɛ bɔ an ti-mɛn i liɛ'n ti yɛ ndɛ ng'ɔ kan'n an ti-man nin-ɔn.»

1 Korɛntfuɛ Mun 6:11

Kɛ laa amun nun sran wie'm be ti sɔ-ɔ. Sanngɛ siɛn'n, e Nyanmiɛn a wunnzin amun, ɔ'a fa amun a kaci i liɛ mlɔnmlɔn, yɛ ɔ'a bu amun sran kpa e Min Jésus-Krist dunman nun nin i Wawɛ'n i fanngan nun.

2 Korɛntfuɛ Mun 7:1

N sran kpa mun, sa nga Nyanmiɛn seli kɛ ɔ ´yo be'n, i kwlaa sɔ'n ti'n, man e wla sa ng'ɔ saci sran'n i kwlaa nin akunndan tɛtɛ'n kwlaa be ase. Sɛ e waan e nyin yi Nyanmiɛn'n, man e nian e wun kpa kɛ nán man sa kaan sa tran e nin i ye afiɛn.

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

Hébreu 12:10

Kpa nga é si'm be waan e yo bɔ i ti yɛ be tu e fɔ'n, ɔ ti le nnyɔn kun liɛ, sanngɛ nga Nyanmiɛn fa tu ye'n, e kpa yolɛ mlɔnmlɔn ti-ɔ nan e kaci kɛ i sa.

1 Piɛr 1:22

Kɛ an fali ndɛ nanwlɛ'n su'n, bɔ amún wun sa'n wieli'n, ɔ man an klo-man amun niaan Kristfuɛ mun amún nuan bui su. I sɔ'n ti, an `klo amun wun kpa, an `tu amun klun yo sa ng'ɔ kle kɛ an klo amun wun'n.

1 Piɛr 1:7

i sɔ'n nun yɛ be ´wun kɛ an lafi Nyanmiɛn su kpa-a. Sika ɔkwlɛ bɔ cɛn wie ɔ ´saci'n, be klo i nian. Amun kusu kɛ an lafi Nyanmiɛn su'n, an ti kpa tra sika ɔkwlɛ, sanngɛ san be ´sa amun nian. Yɛ kɛ be wun kɛ an lafi i su kpa'n, cɛn nga Jésus-Krist wa yi i wun nglo'n, be ´manman amun, be ´yi amun ayɛ, yɛ be ´yo amun mo.

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.

Sa nglô yile 16:11

Nyrɛnnɛn bɔ be wunnin i'n nin bé kannin'n ti, be kpɛli Nyanmiɛn nzowa. Sanngɛ b'a yaci-man be nyoliɛ tɛtɛ'n.

Sa nglô yile 19:14

Nyanmiɛn su lɔ alɛ kunfuɛ'm be fu nnɛn kpanngɔ ufue'm bé su, be su i su. Be tralɛ nga be wla'n ti lɛn kplɔkɔɔ ufue yɛiin.

Sa nglô yile 19:8

Be man ɔ'a kla lɛn kplɔkɔɔ nyannyan b'ɔ ti yɛiin'n.» Lɛn kplɔkɔɔ sɔ'n yɛlɛ sa nga Nyanmiɛn sran'm be yo b'ɔ ti su'n.

Sa nglô yile 22:11

Sran ng'ɔ yo sa tɛ'n, man ɔ yo wɔ i nyrun, sran ng'ɔ ti fiɛn'n, man ɔ kɛ i fiɛn'n su, sran ng'ɔ ti sran kpa'n, man ɔ yo sa kpa'n wɔ i nyrun, yɛ sran ng'ɔ ti Nyanmiɛn liɛ'n, man ɔ yo i liɛ tititi!»

Sa nglô yile 3:18

I sɔ'n ti, n ´kan kle amun kɛ sika ɔkwlɛ bɔ b'a klo i'n wo ń sa nun, an `to nan an yo anyanbeunfuɛ. Yɛ an `to tralɛ ufue fa wla amun wun nan b'a wun-man kɛ amún wun ti kplɛn nan amún nyin a gua-man ase. An `to ayre fa kpɛ amún nyin su nan an wun ase.

1 Samiɛl 24:13

Anannganman bɔbɔ yɛ ɔ ´bu ndɛ sɔ nin-ɔn. Mín wun akunndan tɛ'n bɔ a bu'n ti Anannganman ɔ ´tu mín ti ngondin. M bɔbɔ n su ´yo-man wɔ like fi.