Daniɛl 12:1 - NYANMIƐN NDƐ'N 1998

¹ «I blɛ sɔ nun'n, Mikaɛl b'ɔ ti anz'm be su kpɛn'n, b'ɔ sasa ɔ nvle nunfuɛ mun'n, ɔ ´ba. Blɛ sɔ'n wa yo awlaboɛ blɛ. I sɔ awlaboɛ liɛ'n, kɛ ɔ fin cɛn bɔ mɛn'n wo lɛ lele b'ɔ ´fa ju ndɛ yɛ'n, be nian wun-mɛn i sɔ le. Blɛ sɔ nun'n, ɔ nvle nunfuɛ bɔ be klɛli be dunman nguan fluwa'n nun'n be ´fite nun .

Daniɛl 12:1 ပူးပေါင်းရင်းမြစ်များ

Jue Mun 56:8

?Sa tɛtɛ nga be ´yo be lɛ'n, nan be nyan bé ti? Ee Nyanmiɛn, fa bé wun ya nan yi be ase!

Jue Mun 69:28

Ka sa tɛ nga be yoli'n be kwlakwla. Nán bé wun yo ɔ fɛ le.

Ezai 4:3

I sɔ nun'n, sran nga be ´ka Siɔn lɔ'n, sran nga be ´ka Zerizalɛm lɔ'n, be ´flɛ be kɛ Anannganman i sran mun. Be sɔfuɛ mun yɛ Anannganman klɛli be dunman i fluwa'n nun kɛ be `tran Zerizalɛm lɔ-ɔ .

Ezai 9:7

Sa nga Anannganman ´fa wla Zakɔb i osu'n nunfuɛ'm be nun'n, ɔ kan kleli be. Sa sɔ'n ɔ'a tɔ Izraɛlfuɛ'm be su.

Zeremi 30:10

Anannganman waan: «Zakɔb, min sufuɛ, nán srɛ kun wɔ Izraɛl, yaci usulɛ'n. Se kɛ sɛ, n su wa de wɔ mɛn mmua'n nun lɔ m ´ba. N su wa de ɔ osu'n nunfuɛ mun mɛn nga be ti kanga lɔ'n i nun m ´ba. Zakɔb, a ´sa ɔ sin ba, a ´di alaje, a ´tran fɔuun! Sran fi su kle-man wɔ yalɛ kun.»

Zeremi 30:7

Nguɛ nyrɛnnɛn liɛ yɛlɛ nga! Afin cɛn sɔ'n yo sro, be nian wun-mɛn i sɔ cɛn'n wie le. Ɔ ti Zakɔb osufuɛ mun be awlaboɛ blɛ. Sanngɛ be ´fin nun fite .»

Ezekiɛl 13:9

«N ´yi min kwlalɛ bɔ n kwla'n i nglo n ´kle be nga be tɔn bé wun suɛn kɛ be ti min nuan ijɔfuɛ'n, bɔ be kpɛ bé ti nun kɛ b'a wun aolia nun like kpɛkuun be bua ato be wunnzue yilɛ'm be nun'n. Be liɛ'n, be su tran-man min sran'm be anyia'n nun wie, be su klɛ-man be dunman Izraɛlfuɛ'm be nun wie, yɛ be su sa-man be sin be tran-man be mɛn'n nun wie kun. Kɛ ɔ ko yo sɔ'n, kpɛkuun be wa si jrɛiin kɛ min yɛ n ti Anannganman Nyanmiɛn nin-ɔn.

Ezekiɛl 34:24

Min Anannganman, n ´yo be Nyanmiɛn, yɛ David b'ɔ ti min sufuɛ'n ɔ ´yo be kpɛn.» Min Anannganman yɛ n kan sɔ-ɔ.

Ezekiɛl 5:9

N wa kle amun nun. Sa nga n wa fa wla amun nun'n, n nian yo-mɛn i sɔ le. Yɛ n su yo-mɛn i sɔ'n wie kun le. Afin tete sa dan kpa yɛ an yoli-ɔ .

Daniɛl 10:13

Sanngɛ wawɛ ng'ɔ sasa Pɛrs famiɛn diwlɛ'n, ɔ buli min nyrun cɛn ba ablaɔn-nin-kun. Mikaɛl b'ɔ ti anz dan kun'n, ɔ wa ukali min. Yɛ n kali Pɛrs famiɛn'm bé wun lɛ lɔuun.

Daniɛl 10:21

Sran fi su uka-man min nan e nin kpɔfuɛ sɔ mun y'a kun, san anz Mikaɛl b'ɔ ti Izraɛl i sasafuɛ'n yɛ ɔ ´uka min-ɔn.› »

Daniɛl 11:45

Ɔ ´kplɛn i tannin sua mun jenvie'n nin Nyanmiɛn i oka b'ɔ o mɛn bɔ i klanman'n lɛ-man wunsu'n be afiɛn. Lɛ yɛ wie'n ɔ wa fɛ i-ɔ, sran fi su ukɛ-mɛn i.»

Daniɛl 7:10

Sin kun fin sran oke'n i nyrun lɛ, ɔ nyrɛn kɛ nzue ba dan wie sa, kpɛkuun ɔ sonji. Sran akpi sɔ lele akpi be su i. Yɛ sran akpingbin be jinjin i nyrun lɛ. Yɛ jɔlɛ difuɛ'm be trannin ase nan b'a tike fluwa'm be su .

Daniɛl 9:12

Like nga ɔ waan a ´yo e nin é su kpɛnngbɛn nga be sie ye'n, a yoli. A fa nyrɛnnɛn yili e bɔ e o Zerizalɛm'n e su. I sɔ nyrɛnnɛn liɛ'n, be nian wun-mɛn i wun su mɛn'n i lika uflɛ le.

Zoɛl 2:2

Cɛn sɔ'n ɔ ´yo aosin tritritri, cɛn sɔ'n ɔ ´yo nzue mlanlɛ lika sa tuun yɛ ɔ yo bɔlɛ ufue lika sa munnduun. Kakaa fa fa nga be ba'n, be sɔnnin kpa, be yo wlɛ. Kɛ be ´ba'n, lika'n lu kɛ sɛnzɛ'n su tɔ oka'm be su sa. I sɔ like liɛ'n, be nian wun-man wie asiɛ'n su le, i kusu be su ko wun-man wie asiɛ'n su le mlɔnmlɔn kun.

Malasi 3:16

Kpɛkuun be nga bé nyin yi Anannganman'n, be yiali be kokoli bé wun. Be ndɛ nga be kannin'n, Anannganman fɛli i su sieli i bo ɔ tili. Be nga bé nyin yi Anannganman b'ɔ kan ndɛ kle be-ɔ be fa'n, be klɛli be dunman i bɔbɔ i nyrun lɛ .

Matthieu 24:21

Afin blɛ sɔ'n nun'n, nyrɛnnɛn'n ɔ ´yo dan bɔ kɛ ɔ fin mɛn'n i bo bolɛ'n nun lele ndɛ, i wunsu nian yo-man le yɛ i wunsu su yo-man kun le .

Marc 13:19

Afin blɛ sɔ'n wa yo nyrɛnnɛn blɛ kun bɔ kɛ ɔ fin lalaa bɔ Nyanmiɛn yili mɛn'n lele b'ɔ ´fa ju ndɛ'n, i wunsu nian yo-man le, yɛ i wunsu su yo-man kun le .

JÉSUS-CHRIST I DYASIN FE'N BO LUC KLELI'N 10:20

Kannzɛ n seli sɔ'n, nán amun klun jɔ ninnge'm bɔ be sro amun'n ti, sanngɛ man amun klun jɔ amun dunman bɔ b'a klɛ i nyanmiɛn su lɔ'n ti .»

Rɔmfuɛ Mun 11:15

?Afin sɛ be ase sielɛ kan bɔ Nyanmiɛn sieli be'n ɔ man mɛn nunfuɛ'm be nin Nyanmiɛn be afiɛn a sɛ'n, kɛ ɔ ko fa be ekun'n, ɔ ´yo sɛ? Sɛ ɔ yo i sɔ'n, be nga be wuli'n be ´nyan nguan!

Rɔmfuɛ Mun 11:26

Kɛ ɔ ko yo sɔ'n, ndɛ nga be klɛli i kɛ Izraɛlfuɛ'm be kwlaa be ´nyan bé ti'n, ɔ ´kpɛn su. Afin be klɛli i kɛ: «Bé Defuɛ'n ´fin Siɔn, ɔ ´yo man Zakɔb anunman'm bɔ be sro-man Nyanmiɛn'n be ´sro i .

Efɛzfuɛ Mun 1:21

Krist sie like'n kwlaa blɛ nga e o nun yɛ'n. Yɛ ɔ ´sie like'n kwlaa blɛ ng'ɔ ´ba lɔ'n. Krist sie mmusu mun, nin kpɛnngbɛn mun, nin bae, nin be nga be sie sran mun ɔ nin sran nga be lɛ dunman'm be kwlaa.

Filipfuɛ Mun 4:3

Yɛ ɔ kusu bɔ a ti n wiengu junman difuɛ kpa'n, n ´srɛ wɔ, uka bla sɔ mun, afin be nin min nin Kleman ɔ nin n wiengu junman difue mun yɛ e kplili jasin fɛ'n i bolɛ'n i wun nin-ɔn. Be kwlaa sɔ'n, be dunman ti klɛwa nguan fluwa'n nun.

Jude 1:9

Sanngɛ i nun nga anz kpɛnngbɛn Misɛl nin mmusu'm bé si Satan be ´kpli Moiz fuɛn'n, bɔ be ´si akplowa'n, anz sɔ'n ɔ'a kwla kɛn-mɛn i ndɛ tɛ, sanngɛ ɔ seli i kɛ: «Min Min'n ko wun wɔ !»

Sa nglô yile 12:7

Alɛ tɔli nyanmiɛn su lɔ. Misɛl nin i anz mun be nin dragɔn nin i anz mun be kunnin .

Sa nglô yile 13:8

Be kwlaa nga be o mɛn'n nun'n, bɔ kɛ be ´bo mɛn'n i bo'n b'a klɛ-man be dunman Bua Gbanflɛn bɔ be kunnin i'n i nguan fluwa nun'n, be ´koto i bo.

Sa nglô yile 17:14

Be nin Bua Gbanflɛn'n be ´kun, sanngɛ Bua Gbanflɛn'n nin be nga ɔ flɛli be'n, b'ɔ fali be'n, bɔ be fa bé wun mɛntɛn i kpa'n, be ´kwla be blu sɔ'n, afin i yɛ ɔ sie be kwlaa nga be sie sran'n nin famiɛn mun-ɔn .»

Sa nglô yile 20:12

Yɛ n wunnin be nga be wuli'n, sɛ be lɛ nyrun o, sɛ be lɛ-man nyrun o, be jinjin bia'n nyrun lɛ. Be trɛli fluwa wie'm be nun. Yɛ be trɛli kun ekun nun, i yɛ ɔ ti nguan fluwa nin-ɔn. Be niannin fluwa'm be nun, be wunnin sa nga be bɔ be wuli'm be yoli'n, i su yɛ be jran be dili be jɔlɛ nin-ɔn.

Sa nglô yile 20:15

Sran kwlaa nga b'a klɛ-mɛn i dunman nguan fluwa nun'n, be fɛ i yili sin dan'n nun.

Sa nglô yile 3:5

Sran ng'ɔ kwla'n, kɛ ɔ ´wlɛ i wun tralɛ ufue sɔ-ɔ. N su nunnun-mɛn i dunman'n nguan fluwa'n nun. M ´bo i dunman n kle min Si nin i anz mun .

Sa nglô yile 7:14

N se i kɛ: «Nannan, wɔ yɛ a si be-ɔ.» Yɛ ɔ seli n kɛ: «Be nga be fin afɛ dan'n nun mun-ɔn. Be kpuli be tralɛ mun Bua Gbanflɛn'n i mmoja'n nun yɛ be fieli-ɔ .