Daniɛl 11:8 - NYANMIƐN NDƐ'N 1998

⁸ Yɛ be amuɛn mun nin be ninnge kpakpa bɔ be ti sika ɔkwlɛ nin jɛtɛ ufue ninnge'n, ɔ ´fa be kɔ Ezipt. I sin ɔ wa cuɛn i wun afuɛ kaka Siri famiɛn'n i wun mmua.

Daniɛl 11:8 ပူးပေါင်းရင်းမြစ်များ

Bo Bolɛ 31:30

Ɔ wla lo ɔ́ si i awlo lɔ ti yɛ a su kɔ-ɔ. ?Yɛ sanngɛ nzu sa ti yɛ a wuali min amuɛn mun-ɔn?»

2 Samiɛl 5:21

Filistifuɛ'm be yacili be amuɛn'm be lɛ nan David nin i sran'm b'a isa be b'a wɔ.

Ezipt Lɔ Tulɛ'n 12:12

Kɔnguɛ nga, n wa sinsin Ezipt mɛn'n nun'n, n ´kun sran'm bé wa klikli mun, n ´kun nnɛn'm bé wa klikli'm be wie. N wa bu amuɛn nga be wo Ezipt mɛn'n nun'n be fɔ. Min yɛ n ti Anannganman nin-ɔn.

Ezai 2:16

Cɛn sɔ nun'n, ɔ nin Tarsis lɔ mmeli dandan'n be kwlaa be ´nyɛn i, ɔ nin mmeli nglanman'm be kwlaa be ´nyɛn i.

Ezai 37:19

Be guali lɔ amuɛn'm be sin nun, be wɔli be nun, yɛlɛ kɛ be ti-man Nyanmiɛn, afin sran sa yɛ ɔ yoli be-ɔ, waka ɔ nin yɛbuɛ yɛ be fa yoli be-ɔ.

Zeremi 46:25

Anannganman b'ɔ sie mɛn wunmuan'n, b'ɔ ti Izraɛl Nyanmiɛn'n wan yoo: «N tɛ bu amuɛn nga be flɛ i Amɔn'n i fɔ. Yɛ Ezipt mɛn'n nin i amuɛn mun, ɔ nin i famiɛn mun, n ´tu be fɔ. Ezipt famiɛn'n nin sran nga be fa bé wla guɛ i su'n, n ´tu be fɔ.

Daniɛl 10:3

N di-man aliɛ fɛfɛ fi. Nnɛn nin nzan fi ɔ'a kan-man mín nuan. M'an kpakpa-man lele le mɔcuɛ nsan sɔ'n ɔ wieli.

Daniɛl 11:9

I sin Siri famiɛn'n ɔ ´kɔ Ezipt mɛn'n nun lɔ nan ɔ'a sɛ i sin i mɛn liɛ'n nun.

Ndɛ Nga Nyanmiɛn I Nuan Ijɔfuɛ Oze Kannin'n 13:15

Efraimfuɛ'm b'a yo kpa be lika'n nun lɛ, sanngɛ aunngban klakla'n kusu i ja o atin nun ɔ su ba, Anannganman yo man aunngban sɔ'n ɔ fin aawlɛ flɛnnɛn'n nun lɔ yɛ ɔ ba-a. Ɔ man be nzue ti'n ɔ wu kee, ɔ man be nzue gbo'n ɔ ´wie nun. Be kpɔfuɛ'm be wa fɛn be trɔ'n nun ninnge kpakpa mun weiin.»

Ndɛ Nga Nyanmiɛn I Nuan Ijɔfuɛ Oze Kannin'n 8:6

Nannin ba ng'ɔ o lɛ'n, amun bɔbɔ yɛ amun kpɛli i ba-a, ajuin difuɛ'n yɛ ɔ yili-ɔ, ɔ kwla nian-man sran su. I sɔ'n ti Samarifuɛ'm be nannin ba bɔ be fa sika ɔkwlɛ be yoli'n, n wa fufu nun.

Kalɛ 33:4

Kɛ be ´kɔ'n, wuun Eziptfuɛ'm be su sie be talua ba nga Anannganman boli be bɔ be wuli bé sa nun'n mun. Talua ba'm be wulɛ sɔ'n, Anannganman fa guali Eziptfuɛ'm be amuɛn'm be nyin ase.

Mmla'n 12:3

Amun `bubu be amuɛn sɔwlɛ mun, amun `bubu be yɛbuɛ nga be takali be mun, amun `yra be waka nga be sɔ be'n, amun `bubu be amuɛn nga be yoli be mun, yɛ amun `nunnun be dunman'n lika nga be o nun lɛ'n be nun.

Jɔlɛ Difuɛ Mun 18:24

Mika waan: «?Kɛ amun usa min kɛ nzu ti yɛ n kpan'n, n wun-mɛn i wlɛ. Min amuɛn'n bɔ n yoli be'n, amun fali be, kpɛkuun amun fali min amuɛn'm be nyrun tranfuɛ'n ekun. ?Yɛ nzu yɛ ɔ ka mín sa nun-ɔn?»