Daniɛl 11:6 - NYANMIƐN NDƐ'N 1998

⁶ Kɛ ɔ di afuɛ nnyɔn kun'n, bé nuan wa sɛ. Famiɛn ng'ɔ o ngua wa'n, i wa bla'n ɔ wa ja famiɛn ng'ɔ o nglo lɔ'n yɛ be afiɛn'n ´sɛ. Sanngɛ bla sɔ'n, i kwlalɛ b'ɔ lɛ i'n ɔ su cɛ-mɛn i sa nun. I wun'n su tran-man nguan nun yɛ i mma'm be kusu be ´wu. I blɛ sɔ nun'n bla'n ɔ ´wu wie. I wunfuɛ'm be kwlaa, i si o, i wun o, be ´wu.

Daniɛl 11:6 ပူးပေါင်းရင်းမြစ်များ

Zɔb I Nyrɛnnɛn Wunlɛ 38:15

Sanngɛ sran nga be bu-man min Nyanmiɛn min like fi'n be kannin b'ɔ kpaja'n ɔ fi be sa. Bé sa bɔ be mannin su'n, ɔ'a bu.

Jue Mun 10:5

Like kwlaa nga klunwifuɛ sɔ'n yo'n, ɔ yo ye i sa nun kpan! Nyanmiɛn i fɔ b'ɔ bu sran'n, ɔ bu-mɛn i like fi. I kpɔfuɛ'm bé bo kankanlɛ'n ɔ ti sa pɔpɔ i sa nun.

Ezekiɛl 30:21

«Klɔ sran, m'an bu Ezipt famiɛn'n i sa'n. Ɔ nyan-man sran nan ɔ'a yo i ayre nan ɔ'a cici su. Ɔ'a nyan-man sran b'ɔ cici su nan ɔ'a nyan fanngan ɔ'a tra tokofi nun-ɔn.

Daniɛl 11:13

Siri famiɛn'n wa yia sonja uflɛ mun, be kpanngban ɔ ´tra klikli liɛ mun. Kɛ ɔ di afuɛ nnyɔn kun'n, ɔ nin alɛ kunfuɛ sɔ'm be ´sa be sin be nin be alɛ ninnge ngbli-ngbli mun.

Daniɛl 11:15

Siri famiɛn'n ɔ wa ba, ɔ wa kplankplan fa kwle mun klɔ bɔ be si bé wun'n be nun kun i wun, ɔ ´fu su, ɔ ´utu klɔ sɔ'n, ɔ ´fa. Ngua wa famiɛn'n, ɔ nin i safunyrɛn'm be su jrɛn-mɛn i nyrun. Be wie fi su nyan-man manndran nan b'a jrɛn i nyrun.

Daniɛl 11:40

Blɛ'n i awieliɛ lɔ'n, Ezipt famiɛn'n ɔ nin i be ´kun, yɛ Siri famiɛn'n kusu wa fa kakaklolo mun, nin nnɛn kpanngɔ mun, nin mmeli kaka kpa ɔ ´ba kɛ aunngban dan sa. Ɔ ´fa i sonja'm be ´wlu mɛn kaka nun, be ´kpɛ mɛn'm be anyialiɛ mun kɛ nzue bɔ ɔ'a yi dan b'ɔ su sonji'n sa.

Daniɛl 11:7

I awlo nunfuɛ'm be nun kun yɛ ɔ wa sin i si i ajalɛ nun-ɔn. Ɔ ´kɔ lele ɔ ´ju nglo lɔ famiɛn i sonja'm be fiawlɛ'm be nun, ɔ ´kle sonja sɔ'm be nun kpa, ɔ nin be ´kun, ɔ ´kwla be.

Zakari 11:16

Afin n su wa fa nnɛn kankanfuɛ uflɛ kun m ´ba mɛn'n nun. I sɔ nnɛn kankanfuɛ liɛ'n, sɛ be ´kun bua o, nɛ́n i ndɛ-ɔ, sɛ bua ´mlin o, nán kɛ ɔ ´ko kunndɛ i ti-ɔ, sɛ bua wun sanndi-mɛn i o, nán kɛ ɔ ´yo i ayre ti-ɔ. Bua nga be tɛ yo juejue'n, ɔ su ta-man be. Be nga b'a lo lɛklɛlɛklɛ'n be dilɛ cɛ yɛ ɔ si i-ɔ. Bé ja bui tutulɛ'n yɛ ɔ ´tutu-ɔ.