Daniɛl 11:45 - NYANMIƐN NDƐ'N 1998

⁴⁵ Ɔ ´kplɛn i tannin sua mun jenvie'n nin Nyanmiɛn i oka b'ɔ o mɛn bɔ i klanman'n lɛ-man wunsu'n be afiɛn. Lɛ yɛ wie'n ɔ wa fɛ i-ɔ, sran fi su ukɛ-mɛn i.»

Daniɛl 11:45 ပူးပေါင်းရင်းမြစ်များ

Jue Mun 48:2

Anannganman ti dan. Kɛ ɔ o i bɔbɔ i klɔ'n nun nin i oka'n su'n, ɔ nin manmanlɛ fata lele tra su.

Ezai 10:12

Sɛ Anannganman ko wie i junman'n kwlakwla di Siɔn oka'n su lɔ nin Zerizalɛm lɔ'n, ɔ nin Asiri famiɛn'n be ´yia nun i wun tulɛ'n nin i wun dandan yolɛ'n ti.

Ezai 11:9

Be su yo-man sa tɛ Anannganman i oka'n su, be su saci-man like fi Anannganman i oka'n su. Kɛ jenvie'n i nzue'n ɔ kata i bo lɔ'n su'n ju'n, i kunngba nin-ɔn, asiɛ'n wunmuan'n su sran'm be ´si Anannganman lelele .

Ezai 14:13

A seli ɔ klun lɔ kɛ: «N ´fu lele n ju nyanmiɛn su lɔ. N ´fa min famiɛn bia'n n ´sie i Nyanmiɛn i nzraama'm be su nglo. N ´ko tran oka bɔ ninnge nga be su be'n be kwlakwla be yia su'n i su. N ´ko tran be oka su'n wie.

Ezai 2:2

Cɛn wie lele'n, oka nga Anannganman i sua'n kplan su'n, ɔ wa taka oka'm be su, yɛ ɔ ´yo fleiin tra kpɔlɛ mun. Nvle-nvle'm be kwlaa be ´tu sa kpu be kɔ lɔ.

Ezai 27:13

I cɛn sɔ nun'n, be ´fita nnɛn wɛ dan'n nun. Yɛ be nga be sanngan Asirifuɛ'm be nun'n, ɔ nin be nga be bo sanndili Ezipt mɛn'n nun'n, be ´koto Anannganman i bo oka b'ɔ ti i liɛ'n klonglo'n b'ɔ o Zerizalɛm lɔ'n su .

Ezai 65:25

Blo alua nin bua'n be ´didi likawlɛ, asɔmɔli'n ɔ ´di ijre kɛ nannin sa, wuo'n kusu, ndutre yɛ ɔ ´di-ɔ. Be su yo-man sa tɛ, yɛ be su saci-man like min oka'n su.» Anannganman'n yɛ ɔ se sɔ-ɔ.

Ezai 66:20

Sran sɔ'm bɔ n ´sunman be'n, be ´fa amun niaan bɔ be o nvle-nvle'm be kwlaa be nun lɔ mun ´ba: be ´ba nnɛn kpanngɔ'm bé su, nin kakaklolo'm bé su, nin kakaklolo bɔ be kata bé su'm be su, nin milɛ'm bé su, ɔ nin nyɔnngɔnmɛn'm bé su. Be ´fa be ba lele ´ju min oka'n su Zerizalɛm wa. Ɔ ´yo kɛ be sraka liɛ yɛ be su yi be man min sa. N ´sɔ nun kɛ Izraɛlfuɛ'm be sraka ninnge'm bɔ be guɛ i like saun nun be fa blɛ min min sua'n nun lɔ'n sa.» Anannganman yɛ ɔ se sɔ-ɔ.

Ezekiɛl 39:2

N ´cuɛn wɔ, yɛ n ´fa wɔ n kɔ. N ´fa wɔ n kɔ mɛn'n i nglo-nglo lɔ kpa nan a ko tɔ Izraɛl oka'm be su.

Daniɛl 11:16

Sran ng'ɔ ´jaso i wun kɛ ɔ nin i be ´kun'n, sa kwlaa ng'ɔ klo kɛ ɔ ´fa yo i'n yɛ ɔ ´fa yo i-ɔ. Sran fi su jrɛn-mɛn i nyrun. Ɔ wa tran mɛn ng'ɔ ti klanman tra mɛn'm be kwlakwla'n i nun, ɔ ´nunnun like ng'ɔ o nun'n kwlaa.

Daniɛl 11:41

Ɔ ´fa mɛn ng'ɔ ti klanman tra mɛn'm be kwlakwla'n, ɔ ´kun lɛ sran kpanngban kpa. Sanngɛ Edɔmfuɛ mun, nin Moabfuɛ mun, ɔ nin Amɔnfuɛ'm be safunyrɛn dandan'm be ´nyan bé ti, ɔ su nyan-man be.

Daniɛl 11:44

Sanngɛ ndɛ nga be ´fin wia afiliɛ lika'n nun lɔ nin nglo lɔ be ba'n, be wa wlɛ i srɛ dan kpa. Ɔ ´fa ya kpa, ɔ man ɔ ´ko kun sran kpanngban kpa.

Daniɛl 2:35

Kɛ ɔ yoli sɔ'n, i blalɛ o i aaba o, i jɛtɛ ufue o, i sika ɔkwlɛ o, be kwlaa be fufuli kpɛ kunngba, be kacili ndutre. Aunngban'n mannin be su kɛ ɔ fa man ble ja'n su sa, ɔ fitali be ɔli, b'a wun-man be osu mlɔnmlɔn kun. Sanngɛ yɛbuɛ b'ɔ wa finnin like ng'ɔ ti kɛ waka sran sa'n, ɔ kacili oka dan kpa kun, yɛ ɔ dili asiɛ wunmuan'n .

Daniɛl 7:26

I sin'n, nyanmiɛn su lɔ jɔlɛ difuɛ'm be ´yia, kpɛkuun be ´de nnɛn sɔ'n i sa nun kwlalɛ'n, be ´saci kwlalɛ sɔ'n, yɛ be su wun-mɛn i kun.

Daniɛl 8:25

Gblɛ b'ɔ si i kpɛ dan'n ti'n, ɔ ´laka sran mun. I wun tulɛ'n ti'n, ɔ ´nunnun sran kpanngban bɔ be bu i kɛ be su di alaje'n. Yɛ ɔ wa jaso famiɛn'm be Famiɛn'n i wun. Sanngɛ ɔ wa tɔ, sran sa su kɛn-mɛn i nan ɔ'a tɔ .

Daniɛl 9:16

Ɔ sa bɔ a yo be i nuan su'n ti'n, gua ɔ ya dan ng'ɔ kunnin wɔ Zerizalɛm klɔ'n b'ɔ ti wɔ oka'n i wun'n i ase. Afin é sa tɛ mun nin e nannan'm be fɔnlɛ'm be ti, Zerizalɛm nin ɔ nvle'n b'a sokpa sran nga be sin yia be lɛ'n be nun.

Daniɛl 9:20

«N kannin ndɛ ekun, n srɛli Nyanmiɛn, n dili mín sa tɛ'm be nanwlɛ, n kannin Izraɛlfuɛ bɔ be ti min nvle'n nunfuɛ mun bé sa tɛ'm bé wun ndɛ. N sun flɛli Anannganman min Nyanmiɛn'n i lika b'ɔ ti i liɛ klonglo'n i dunman nun ti.

Zoɛl 2:20

Amun kpɔfuɛ nga be fin mɛn'n i nglo lɔ be bali'n, n ´fuan be. N ´kankan be bo ´kɔ mmua, be ´kɔ aawlɛ flɛnnɛn'n i wun lɔ. Be nga be dun mmua be nyrun'n, n ´su be n ´guɛ i jenvie ng'ɔ ti njin nzue klakla'n nun. Be nga be o siɛn'n, n ´su be n ´guɛ i jenvie bɔ be flɛ i Mediterane'n nun. Be fuɛn'm be ´bɔn tɛ, be bɔnlɛ'n ɔ ´de lika'n kwlaa.» Be nga be kleli amun nyrɛnnɛn'n, kɛ be awieliɛ'n ɔ ´wie be kɛ nga sa .

Mise 4:2

Nvle-nvle be nunfuɛ mun be ´tu ajalɛ be ´kɔ, be ´se kɛ: «An `bla man e wɔ Anannganman i oka'n su lɔ. E `wɔ Zakɔb i Nyanmiɛn'n i sua'n nun lɔ nan ɔ `kle ye kɛ e `nanti'n, nan e `nanti i atin'n su, afin Siɔn lɔ yɛ mmla'n fin-ɔn. Zerizalɛm lɔ yɛ Nyanmiɛn ndɛ'n fin ba-a.»

Zakari 14:8

Blɛ sɔ nun'n, nzue nyinma kun ´tɛ Zerizalɛm, ɔ ´sonji. I bue ´kɔ jenvie ng'ɔ o wia afiliɛ lɔ lika'n nun, i bue kusu ´sonji kɔ jenvie kun ng'ɔ o wia atɔliɛ lɔ'n nun. Wawa nun o, munngun nun o, kɛ ɔ'a nyan sonjilɛ'n, yɛ ɔ'a nyɛn i-ɔ.

Kalɛ 34:5

Kɛ ɔ ko ju Azmɔn'n, ɔ bli ekun ko to Ezipt nzue ba'n, kpɛkuun ɔ ju jenvie nga be flɛ i Mediterane'n su lɔ.

2 Tɛsalonikfuɛ Mun 2:4

Ɔ ´kpɔ like nga sran'm be bu be Nyanmiɛn be kwlaa nin like nga sran'm be koto bé bo be sɔ be'n be kwlaa, ɔ ´fɛ i ti kplakpla be lele ɔ ko tran Nyanmiɛn i sua'n nun, ɔ ´se kɛ i bɔbɔ yɛ ɔ ti Nyanmiɛn nin-ɔn .

2 Tɛsalonikfuɛ Mun 2:8

Kɛ ɔ ko yo sɔ'n, bian b'ɔ di-man mmla'n su'n ɔ wa yi i wun nglo, yɛ kɛ e Min Jésus ´ba bɔ i nyrun ti nyannyan'n, ɔ ´fitɛ i fuu, ɔ ´kun i ɔ ´nunkun i .

Sa nglô yile 13:10

Sran nga be sieli kɛ be `wlɛ bisua'n, san be ´wlɛ, yɛ sran ng'ɔ fa tokofi kun sran'n, san be ´fa tokofi kun i wie. I kwlaa sɔ'n nun'n, man be wun kɛ Nyanmiɛn i sran'm be lɛ anwlɛn yɛ be lafi i su .

Sa nglô yile 20:2

Dragɔn bɔ be flɛ i wuo lalaa'n, bɔ be flɛ i ekun kɛ mmusu'm bé si Satan'n, anz sɔ'n ɔ trɛli i yɛ ɔ cili i, ɔ ´ka lɛ lele afuɛ akpi.

Sa nglô yile 20:9

Be sanndili asiɛ'n su lika'n kwlaa, be sin yia Nyanmiɛn sran mun nin klɔ nga Nyanmiɛn klo i'n. Sanngɛ sin fin nyanmiɛn su lɔ tɔli be nun, yɛ ɔ yrali be sekesekeseke .