Daniɛl 11:44 - NYANMIƐN NDƐ'N 1998

⁴⁴ Sanngɛ ndɛ nga be ´fin wia afiliɛ lika'n nun lɔ nin nglo lɔ be ba'n, be wa wlɛ i srɛ dan kpa. Ɔ ´fa ya kpa, ɔ man ɔ ´ko kun sran kpanngban kpa.

Daniɛl 11:44 ပူးပေါင်းရင်းမြစ်များ

Daniɛl 11:11

Ezipt famiɛn'n wa yo kɛ i ti a saci i ti su sa. Ɔ nin nglo lɔ lika'n i famiɛn be ´ko kun. I kusu, ɔ ´yiɛ i alɛ kunfuɛ mun kaka kpa. Sanngɛ be kpɔfuɛ'm be ´kwla be.

Daniɛl 11:30

Sran wie'm be ´fin wia atɔliɛ lɔ, be ´ba mmeli nun, be nin i be wa kun. I sa sin ɔ ´bubu i, kpɛkuun ɔ ´sɛ i sin. Ɔ wa fa ya dan kpa ekun. Ɔ ´fɛ i ya'n ɔ gua Nyanmiɛn i nvle'n nun sran'm bé su. Sanngɛ ɔ nin be nga be ´jaso Nyanmiɛn i sin'n, bé bo ´yo kun.

Daniɛl 11:43

Ɔ ´fa Ezipt lɔfuɛ'm be anwlɛn su ninnge mun, be sika ɔkwlɛ o, be jɛtɛ ufue o, be ninnge nga bé gua ti dandan mun o, ɔ ´fa be. Ɔ ´sie Libifuɛ mun nin Etiopifuɛ mun.

Daniɛl 11:45

Ɔ ´kplɛn i tannin sua mun jenvie'n nin Nyanmiɛn i oka b'ɔ o mɛn bɔ i klanman'n lɛ-man wunsu'n be afiɛn. Lɛ yɛ wie'n ɔ wa fɛ i-ɔ, sran fi su ukɛ-mɛn i.»

Sa nglô yile 16:12

Be nun kun ko utuli i klowa'n nun ninnge liɛ'n nzue ba dan bɔ be flɛ i Efrat'n nun. Nzue'n wieli nun, ɔ man famiɛn'm bɔ be fin wia afiliɛ lɔ'n be nyannin sinwlɛ .

Sa nglô yile 17:13

Be blu sɔ'n be akunndan'n ti kun, be sielɛ bɔ be sie'n, nin be kwlalɛ bɔ be kwla'n be ´yaci be man nnɛn'n, ɔ ´sie, ɔ ´kwla.