Daniɛl 11:4 - NYANMIƐN NDƐ'N 1998

⁴ Ɔ nin i sɔ'n kwlaa'n, kɛ ɔ ko nyan manndran'n, i kwlalɛ b'ɔ kwla'n ɔ ´wie, i famiɛn diwlɛ'n i nun wa bubu nnan. Nɛ́n i osu'n nun sran yɛ ɔ ´trɛn i ja nun-ɔn. Sran ngbɛn mun yɛ be wa fa lika nin-ɔn. Sanngɛ be wunmiɛn liɛ'n su ju-man kɛ i liɛ'n sa.

Daniɛl 11:4 ပူးပေါင်းရင်းမြစ်များ

Jue Mun 39:6

Min nguan nyanman'n i tɛnndɛn'n ɔ ti kɛ bé sa klun'n i tɛtrɛ nun'n sa. Min nguan'n ti-man like fi ɔ nyrun. Man klɔ sran'n ɔ yo juejuejue sɛ, sanngɛ ɔ ti kɛ aunngban sa.

Akunndanfuɛ'n 4:8

Sa sɔ'n yɛlɛ sran kun bɔ i kunngba cɛ yɛ ɔ wo-ɔ, ɔ lɛ-man sran, ɔ lɛ-man ba, ɔ lɛ-man niaan, sanngɛ kɛ ɔ di junman sa'n, ɔ de-man wunmiɛn. Ɔ kunndɛ kɛ ɔ ´nyɛn i wun ´tra su. Ɔ se kɛ: «?Wan li yɛ n di junman wla sɔ'n m mɛn i bɔ i ti yɛ mín wla kwla gua-man ase mlɔnmlɔn nin-ɔn?» I sɔ sa'n ɔ ti sa ya. Sa sɔ'n tra sran i akunndan'n su, yɛ i kwlaa ti afɛ ngbɛn .

Zeremi 12:15

Sanngɛ kɛ n ko tu be n ko wɔ'n, i sin n wa si be aunnvuɛ. N ´fa be n sa be sin be lika kunngun mun nin mɛn kunngun'm be nun.

Zeremi 12:17

Sanngɛ nvle nga i waan ɔ di-man su'n, n ´tu i bo kɛ waka sa, n ´kun i.› » Anannganman'n yɛ ɔ kan sɔ-ɔ.

Zeremi 18:7

Ɔ ju blɛ wie-ɔ n kan kɛ n ´tu nvle wie annzɛ kusu famiɛn diwlɛ wie bo kɛ waka sa, wie ju kusu-ɔ, n kan kɛ m ´bubu i annzɛ n ´nunnun i.

Zeremi 31:40

Fuɛn nin nzuɛn bɔ luilui o nun'n, be kongo lika ng'ɔ o lɛ ngbɛn'n lele b'ɔ ´fa ju Sedrɔn nzue ba'n nuan'n nin nnɛn kpanngɔ anuan'n i cɔnjɔ'n su wia afiliɛ lɔ lika liɛ nun'n, i sɔ lika'm be kwlakwla be ´yo min liɛ. Be su saci-man be, be su nunnun-man be le.»

Zeremi 45:4

Anannganman'n waan n se wɔ kɛ yoo: «Like nga n kplannin'n, n wo i bubulɛ. Like nga n tali'n, n wo i bo tulɛ. Ɔ lɛ-man mɛn'n i lika kun b'ɔ ´kalɛ-ɔ.

Zeremi 49:36

N ´sunman aunngban nnan Elam lɔ: be sa bɛ su liɛ, fama su liɛ, nglo lɔ liɛ, asiɛ'n su wa liɛ. Kpɛkuun, n ´kpaja Elamfuɛ mun man aunngban sɔ'n be fa be wɔ. Mɛn nga Elamfuɛ be su bo-man je be ko tran-man nun'n, i sɔ mɛn liɛ'n nun-man lɛ.

Ezekiɛl 37:9

Ɔ seli min kɛ: «Klɔ sran, kan mín nuan ndɛ'n kle Wawɛ'n, kan mín nuan ndɛ'n. Se Wawɛ'n kɛ, ndɛ nga Anannganman Nyanmiɛn kan'n yɛ: ‹Wawɛ, bla aunngban bue nnan'm be nun nan fita fuɛn nga'm be su, man be nyan nguan ekun.› »

Daniɛl 7:2

Ɔ seli kɛ: «Kɔnguɛ kɛ n ´cɛn laliɛ'n, n wunnin kɛ aunngban'n ɔ fin mɛn'n i bue nnan'n su ba sa vuu yɛ ɔ wa fitali jenvie dan'n su.

Daniɛl 7:6

Kɛ i sɔ liɛ'n sinnin'n, n ´nian-an nnɛn kun ekun yɛ, ɔ fa kangale. Ndɛwa o i wia sin kɛ anunman wie sa, i ndɛwa sɔ'm be ti nnan. Ɔ lɛ ti nnan. Be mɛnnin i kwlalɛ kɛ ɔ `sie ninnge'n kwlaa.

Daniɛl 7:8

Kɛ n wo lɛ bɔ n ´niɛn i wɛ sɔ mun'n, kpɛkuun i wɛ kaan kun ekun su fi ba. Kpɛkuun laa liɛ'm be nun nsan b'a tutu b'a gua. I wɛ uflɛ sɔ'n, ɔ lɛ nyinma kɛ sran sa. Ɔ lɛ nuan ɔ fa kan wun tulɛ ndɛ mun.»

Daniɛl 8:22

Kɛ i wɛ sɔ'n buli'n, wɛ nnan uflɛ be fifili i osu'n nun, wɛ nnan sɔ'm be ti famiɛn diwlɛ nnan'm be nzɔliɛ, be wa sin klikli liɛ'n i osu'n nun. Sanngɛ be tinmin'n su ju-man kɛ i liɛ'n sa.

Daniɛl 8:8

Boli kpakpuɛ'n ɔ nyannin wunmiɛn dan kpa. Sanngɛ kɛ ɔ nyannin fanngan juli i juwlɛ'n, kpɛkuun i wɛ dan'n buli. I wɛ nnan uflɛ be fifili klikli'n i osu'n nun. I wɛ sɔ'm be ti sroesroe, bé nyin kpɛ mɛn i bue nnan'm be su.

Zakari 2:6

Yɛ n usɛli i kɛ: «?A ´ko nin?» I waan: «N ´ko sunnzun Zerizalɛm, n ´nian kɛ i tɛtrɛ nun nin i tɛnndɛn nun be fa ti'n.»

Zakari 6:5

Kpɛkuun anz'n tɛli min su kɛ: «Aunngban bue nnan nga be fɛ i wa be fɛ i wa be ko jrannin mɛn wunmuan'n i Min'n nyrun'n be su kɔ siɛn'n .»

Matthieu 12:25

Kɛ Jésus wunnin be akunndan'n, ɔ seli be kɛ: «Sɛ famiɛn kun i sran b'ɔ sie be'n be bu be wun nun'n, i mɛn ɔ ´saci, yɛ klɔ kwlaa annzɛ awlo kwlaa bɔ be nunfuɛ'm bu nun'n be su kwla cɛ-man.

JÉSUS-CHRIST I DYASIN FE'N BO LUC KLELI'N 12:20

Sanngɛ Nyanmiɛn usali bian sɔ'n kɛ: ‹?Sinnglinfuɛ, ndɛ kɔnguɛ be ´fa wɔ, yɛ ninnge nga a yiayia be su yɛ'n, ɔ ´kɔ waan sa nun ?›

Sa nglô yile 7:1

I sin, n wunnin anz nnan be jinjin asiɛ'n i cɔnjɔ nnan'n bé su. Be jin aunngban b'ɔ fin asiɛ'n i bue nnan su'n nun, be tra nun kɛ nán man ɔ fita asiɛ'n nin jenvie'n bé su yɛ nán man ɔ fita waka fi kun .