Daniɛl 11:37 - NYANMIƐN NDƐ'N 1998

³⁷ Famiɛn'n i nyin su yi-man amuɛn nga i nannan'm be sɔ be'n, yɛ amuɛn kun, ng'ɔ ti bla'm be anwlɛn su like dan'n ɔ su bu-mɛn i like fi. Afin ɔ wa se i wun kɛ ɔ ti dan tra amuɛn'm be kwlakwla, i nyin su yi-man wie fi.

Daniɛl 11:37 ပူးပေါင်းရင်းမြစ်များ

Bo Bolɛ 3:16

Yɛ ɔ se bla'n kɛ: «N ´yo man ɔ wunnzɛlɛ nun afɛ'n wa yo dan. Kɛ a ´wu ba'n, a ´wun nyrɛnnɛn kpa. Wɔ anwlɛn'n wa tran ɔ́ wun su, sanngɛ ɔ ´sie wɔ.»

Bo Bolɛ 3:5

Nyanmiɛn bɔbɔ si kɛ cɛn nga amun di'n, amún nyin ´ti. Amun ´yo kɛ i bɔbɔ sa, amun ´si sa kpa'n nin sa tɛ'n.»

Ngɔjue Fɛfɛ Kpa'n 7:10

Sɛ ɔ́ nuan'n ɔ ti nzan'n, wuun n ´se kɛ man ɔ yo nɛnkɛn-nɛnkɛn kɛ nzan ng'ɔ ti kpa'n sa. Nzan sɔ'n ti min adeba'n i kunngba liɛ. Kɛ e ´lafi'n, nzan sɔ'n ɔ sonji é nuan bui'n su.

Ezai 14:13

A seli ɔ klun lɔ kɛ: «N ´fu lele n ju nyanmiɛn su lɔ. N ´fa min famiɛn bia'n n ´sie i Nyanmiɛn i nzraama'm be su nglo. N ´ko tran oka bɔ ninnge nga be su be'n be kwlakwla be yia su'n i su. N ´ko tran be oka su'n wie.

Ezai 14:14

N ´fu nyanmiɛn ble'n i su lɔ, e nin Nyanmiɛn b'ɔ like fi nun-mɛn i sin'n e ´sɛ.»

Ezekiɛl 24:16

«Klɔ sran, n wa yi wɔ aklunjuɛ like'n sa fo ɔ nyrun lɛ, sanngɛ nán yo sɛ, nán sun, nán ɔ nyinma nzue gua.

Ezekiɛl 28:2

«Klɔ sran, kan kle Tir famiɛn'n kɛ: ‹Anannganman Nyanmiɛn wan yoo: A tuli ɔ́ wun dan. A seli kɛ: N ti kɛ Nyanmiɛn sa. M'an tran be nga be ti kɛ Nyanmiɛn sa'n be bia'n su jenvie i afiɛn! Sanngɛ sran yɛlɛ wɔ, wɔ akunndan'n ti klɔ sran akunndan.

Daniɛl 11:36

Nga famiɛn'n klo kɛ ɔ ´yo'n yɛ ɔ ´yo-ɔ. Ɔ ´yo wun tufuɛ, ɔ ´se i wun kɛ ɔ ti dan tra amuɛn'm be ngba. I ti ɔ wa kan Nyanmiɛn Kpli'n i wun ndɛ tɛtɛ kpa nga be kan-man'n. Ɔ ´nyan jranwlɛ lele ´fa ju cɛn bɔ Nyanmiɛn i ya'n ɔ ´tɛ nglo'n. Kpɛkuun Nyanmiɛn wa yo nga i waan ɔ ´yo'n .

Daniɛl 11:38

Amuɛn ng'ɔ wa sɔ'n, yɛlɛ fiawlɛ klɔ'm be amuɛn'n. Amuɛn sɔ'n i nannan'm b'a si-mɛn i. Ɔ ´fa sika ɔkwlɛ, nin jɛtɛ ufue, nin yɛbuɛ kpakpa mun, ɔ nin ninnge wie bɔ be lɛ nyrun'n fa mɛn i.

Daniɛl 8:11

Ɔ ti nyanman lele toli nyanmiɛn su lɔfuɛ'm bé su kpɛn'n i lɔ. Ɔ man be yacili tɛ nga be yi man kpɛn sɔ'n cɛn kwlakwla'n i yilɛ, nan ɔ'a yo kpɛn'n i tranwlɛ'n i fiɛn.

Mmla'n 21:11

kpɛkuun amun nun kun ɔ ´nian bla'm be nun-ɔn, ɔ'a wun klanman kun, kpɛkuun ɔ'a klo i'n, yɛ i waan ɔ ´fɛ i yo i yi'n,

Mmla'n 5:21

Nán man ɔ́ nyin blo ɔ wiengu i like wie su, i yi o, i sua o, i fie o, i sa nun junman difuɛ yasua o, i sa nun junman difuɛ bla o, i nannin o, i aflunmun o, nán man ɔ́ nyin blo wie fi su .»

2 Tɛsalonikfuɛ Mun 2:4

Ɔ ´kpɔ like nga sran'm be bu be Nyanmiɛn be kwlaa nin like nga sran'm be koto bé bo be sɔ be'n be kwlaa, ɔ ´fɛ i ti kplakpla be lele ɔ ko tran Nyanmiɛn i sua'n nun, ɔ ´se kɛ i bɔbɔ yɛ ɔ ti Nyanmiɛn nin-ɔn .

1 Timote 4:3

Be se kɛ nán man be ja bla nin bian, yɛ nán man be di like nga Nyanmiɛn yili be'n be ngba. Sanngɛ Nyanmiɛn yili ninnge sɔ mun kɛ be nga be lafi i su bɔ be si nanwlɛ'n, be lɛ i ase nan be di.