Daniɛl 11:33 - NYANMIƐN NDƐ'N 1998

³³ Nvle'n nun ngwlɛlɛfuɛ'm be ´kle sran kpanngban be like. Blɛ kaan sa nun'n, sran wie'm be ´kun wie mun, be ´yra wie mun, yɛ be ´wla wie'm be bisua. Kwlaa nan b'a yo be sɔ'n, be ´dun mmua fɛn bé bo ninnge mun.

Daniɛl 11:33 ပူးပေါင်းရင်းမြစ်များ

Daniɛl 12:10

Afɛ'n ti, sran kpanngban kpa be wa yo saun, be ´yo weiin, yɛ be ´yo jrɛiin. Sran tɛtɛ bɔ be wun-man sa wlɛ'n, be ´yo sa tɛ'n be ´kɔ be nyrun, sanngɛ ngwlɛlɛfuɛ'm be ´wun sa ng'ɔ su ju'n i wlɛ.

Malasi 2:7

Min nyrun jranfuɛ mun yɛ be kle sran'm be ngwlɛlɛ atin nin-ɔn. Min mmla nun ndɛ'n, be yɛ sran'm be wa usa be-ɔ. Afin be ti min Anannganman bɔ n sie mɛn wunmuan'n min nuan ijɔfuɛ.

Matthieu 10:21

Sran bɔ be ti niaan'n, kun ɔ wa fɛ i niaan bian wlɛ sran'm bé sa nun kɛ be `kun i, yɛ sran wie'm be wa yo be mma'm be sɔ wie, ba'm be ´jao be si nin be nin'm be wun kɛ be ´kun be.

Matthieu 13:11

Jésus seli be kɛ: «Amun yɛ be yi Nyanmiɛn sielɛ'n i wun akunndan bɔ sran wun-mɛn i wlɛ'n i nglo kleli amun-ɔn, sanngɛ be nga'm be liɛ'n, b'a sie-mɛn i sɔ.

Matthieu 20:23

Yɛ ɔ seli be kɛ: «Ɔ ti nanwlɛ kɛ amun wa nɔn n klowa'n nun wie, sanngɛ n fama su nin m bɛ su tranlɛ liɛ'n, nán min yɛ m man-an, san be nga n Si sie mannin be'n, be yɛ be ´tran lɛ-ɔ.»

Matthieu 24:9

Be wa fa amun wla nyrɛnnɛn nun, be ´kun amun, yɛ nvle'n kwlaa be ´kpɔ amun n dunman nun.

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Jean 16:2

Be ´kan amun bo Nyanmiɛn ndɛ suanlɛ nin i srɛlɛ sua'm be nun, yɛ cɛn wie be nga be kun amun'n, be ´bu i kɛ Nyanmiɛn yɛ be su su i-ɔ.

Sa nga bé yôli'n 11:26

Kɛ ɔ wunnin i'n, ɔ fɛ i ɔli Antiɔs. Be dili afuɛ wunmuan kun asɔnun sɔ'n nun, be kɔ asɔnunfuɛ'm be anyia'm be bo, be kle sran kpanngban kpa be like. Antiɔs lɔ yɛ be boli Jésus sɔnnzɔnfuɛ'm be flɛlɛ kɛ Kristfuɛ'n i bo-ɔ.

Sa nga bé yôli'n 14:21

Be boli jasin fɛ klɔ sɔ'n su, be nyannin sran kpanngban lɛ, be kleli be like nan be kusu b'a kaci Jésus sɔnnzɔnfuɛ. I sin be sali bé sin Listri nin Ikoni yɛ Antiɔs,

1 Korɛntfuɛ Mun 4:9

Afin m bu i kɛ Nyanmiɛn a yo e bɔ Jésus sunmannin ye'n kɛ e nun-man sran nun sa. Y'a kaci finfinfuɛ sran nin anz'm be nyrun kɛ sran bɔ be su wa kun i sa.

2 Timote 1:12

I sɔ'n ti yɛ n wun nyrɛnnɛn nga-a, sanngɛ ɔ nin i sɔ'n ngba'n, nyannzuɛn kun-man min, afin n si sran nga n fa ń wla'n guɛli i su'n. N si weiin kɛ like kwlaa nga ɔ fa wlali min sa nun'n, i bɔbɔ kwla nian su lele fa ju cɛn sɔ'n nun.

2 Timote 4:6

N liɛ'n, m'an kaci kɛ nzan bɔ be fa gua man Nyanmiɛn'n sa, n kɔlɛ'n ɔ'a ju.

Hébreu 11:34

be nuan sin sroesroe, yɛ be flo be nga be waan be ´fa tokofi kun be'm bé sa nun. Be nga be lɛ-man wunmiɛn'n be nyannin fanngan, be yoli yakpa alɛ nun, yɛ be fuannin nvle wie'm be sonja mun .

Sa nglô yile 1:9

Min Zan bɔ n ti amun niaan'n, kɛ e nin Jésus e kacili sran wunmuan'n ti, ɔ man min nin amun e wun nyrɛnnɛn, ɔ sie ye, yɛ e tra ye anwlɛn. Nyanmiɛn ndɛ nin Jésus ndɛ bɔ n kan'n ti, be fa min ɔli lika bɔ be flɛ i Patmɔs'n, bɔ nzue sin yiɛ i'n nun.

Sa nglô yile 17:6

N wunnin bla sɔ'n, Nyanmiɛn i sran mun nin be nga be lafi Jésus su bɔ i ti be kunnin be'n, be mmoja'n ɔ'a bo bla sɔ'n kɛ nzan sa. Kɛ n wunnin i'n, ɔ boli mín nuan dan kpa.

Sa nglô yile 2:13

N si amun tranwlɛ'n, lɔ yɛ Satan i bia'n wo-ɔ. Sanngɛ ɔ nin i sɔ ngba'n, an fa amun wun mantan n kpa. Antipas b'ɔ kan min ndɛ'n tititi'n, i nun nga bɔbɔ bɔ be kunnin i amun wun lɔ lika nga Satan tran lɔ'n, amu'an yi-man amún wla n su.

Sa nglô yile 6:9

Kɛ Bua Gbanflɛn'n kpɛli like nga be fa cicili fluwa'n i nnun su nun'n, n wunnin be nga Nyanmiɛn ndɛ'n nin Jésus ndɛ bɔ be kan'n ti be kunnin be Nyanmiɛn sɔwlɛ'n bo'n.

Sa nglô yile 7:14

N se i kɛ: «Nannan, wɔ yɛ a si be-ɔ.» Yɛ ɔ seli n kɛ: «Be nga be fin afɛ dan'n nun mun-ɔn. Be kpuli be tralɛ mun Bua Gbanflɛn'n i mmoja'n nun yɛ be fieli-ɔ .