Daniɛl 11:3 - NYANMIƐN NDƐ'N 1998

³ Sanngɛ yasua sran kun wa jaso su Grɛk mɛn'n nun lɔ, ɔ wa yo famiɛn. Ɔ wa nyan nyrun dan. Like kwlaa nga i waan ɔ ´yo'n yɛ ɔ ´yo-ɔ.

Daniɛl 11:3 ပူးပေါင်းရင်းမြစ်များ

Daniɛl 11:16

Sran ng'ɔ ´jaso i wun kɛ ɔ nin i be ´kun'n, sa kwlaa ng'ɔ klo kɛ ɔ ´fa yo i'n yɛ ɔ ´fa yo i-ɔ. Sran fi su jrɛn-mɛn i nyrun. Ɔ wa tran mɛn ng'ɔ ti klanman tra mɛn'm be kwlakwla'n i nun, ɔ ´nunnun like ng'ɔ o nun'n kwlaa.

Daniɛl 11:36

Nga famiɛn'n klo kɛ ɔ ´yo'n yɛ ɔ ´yo-ɔ. Ɔ ´yo wun tufuɛ, ɔ ´se i wun kɛ ɔ ti dan tra amuɛn'm be ngba. I ti ɔ wa kan Nyanmiɛn Kpli'n i wun ndɛ tɛtɛ kpa nga be kan-man'n. Ɔ ´nyan jranwlɛ lele ´fa ju cɛn bɔ Nyanmiɛn i ya'n ɔ ´tɛ nglo'n. Kpɛkuun Nyanmiɛn wa yo nga i waan ɔ ´yo'n .

Daniɛl 5:19

Nyanmiɛn man ɔ nyannin nyrun, i ti nvle'm be kwlaa, ɔ nin mɛnmɛn'm be kwlaa be nun sran mun bɔ be kan aniɛn wafa-wafa'n kwlaa'n be sroli i, be usuli i nyrun. Sran kwlaa nga famiɛn sɔ'n ɔ klo kɛ ɔ ´kun i'n, ɔ su kun i. Sran nga i waan ɔ ´yaci i lɛ'n, ɔ yaci i lɛ. Sran ng'ɔ klo kɛ ɔ ´mɛn i kɔmin su'n, ɔ mɛn i kɔmin su. Sran nga kusu bɔ i waan ɔ ´yo i wannzo'n, ɔ su yo.

Daniɛl 7:6

Kɛ i sɔ liɛ'n sinnin'n, n ´nian-an nnɛn kun ekun yɛ, ɔ fa kangale. Ndɛwa o i wia sin kɛ anunman wie sa, i ndɛwa sɔ'm be ti nnan. Ɔ lɛ ti nnan. Be mɛnnin i kwlalɛ kɛ ɔ `sie ninnge'n kwlaa.

Daniɛl 8:21

Boli kpakpuɛ'n ɔ ti Grɛk famiɛn diwlɛ'n i nzɔliɛ, i wɛ tɛnndɛn ng'ɔ jin i nyinma nnyɔn'm be afiɛn'n, ɔ ti famiɛn diwlɛ sɔ'n i famiɛn klikli'n i nzɔliɛ.

Efɛzfuɛ Mun 1:11

Like kwlaa nga Nyanmiɛn klo kɛ ɔ yo'n, ɔ yo, ɔ man kɛ e nin Krist e kacili sran wunmuan'n ɔ fa e kacili i liɛ, afin i bɔbɔ yɛ ɔ sieli i sɔ-ɔ.

Hébreu 2:4

Kɛ Nyanmiɛn yi atrɛ b'ɔ yo abonuan sa nin sa kekleekle fanunfanun'n, b'ɔ fa like nga i Wawɛ'n man sran yo'n man sran kɛ i klun klo'n sa'n, ɔ guali be ndɛ'n su.

Jacques 1:18

I ndɛ nanwlɛ'n ti ɔ fa e kaci i wa i klun klo su nan y'a yo like ng'ɔ yili be'n be kwlaa be nun klikli.