Daniɛl 11:27 - NYANMIƐN NDƐ'N 1998

²⁷ Famiɛn nnyɔn'm be ´kunndɛ kɛ be ´yo be wiengu tɛ. Blɛ bɔ be wo aliɛ'n sin'n, ato ngunmin yɛ be ´bua kle be wiengu-ɔ. Sanngɛ sa fi su ju-man. Afin kɛ ɔ ´yo sɔ'n, wuun blɛ kasiɛn'n nian ju-man ka.

Daniɛl 11:27 ပူးပေါင်းရင်းမြစ်များ

2 Samiɛl 13:26

Absalɔm waan: «Yoo, sɛ ɔ waan a kɔ-man'n, man min niaan bian Amnɔn i atin man ɔ ko sunman ye.» Famiɛn'n usɛli i kɛ: «?Ɔ `ko yo nzu ɔ lika lɔ?»

Jue Mun 12:2

Anannganman, de ye! Ɔ sufuɛ nanwlɛfuɛ'm be su nunnun. Be bɔ be lafi be su-ɔ ɔ yo ye'n, be wun-man be wie fi kun.

Jue Mun 52:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Dɔɛg b'ɔ fin Edɔm'n, i kɔlɛ b'ɔ ɔli ko seli Sail kɛ: « David ɔli Asimelɛk wun lɔ'n,» i su jue-ɔ. I waan:

Jue Mun 58:2

?Sran mun, amun nanwlɛ ti-ɔ, kɛ amun muan amun nuan'n su'n, ɔ ´yo sɛ nan amu'an kwla di jɔlɛ mun? ?Sɛ amun yo sɔ'n, amun ´kwla kan sran'm be ndɛ mun nin nanwlɛ?

Jue Mun 62:9

Sran mun, amun `fa amún wun wlɛ i sa nun tititi. Like ng'ɔ mian amún sa'n, amun `kan kle i. Ɔ ti e fiawlɛ.

Jue Mun 64:6

Be wla be wiengu fanngan sa tɛ sɔ'm be yolɛ'n nun. Bé bo yo kun yɛ be kunndɛ be aya'n i suawlɛ nvialiɛ nun-ɔn. Be waan: «Nga, sran fi su wun-man ye o!»

Nyanndra Mun 12:20

Be nga be bu akunndan tɛ'n, gblɛ'n wo be anwlɛn'n nun. Be nga kusu bɔ anuansɛ ndɛ yɛ be kan kle sran mun'n, aklunjuɛ'n ti be liɛ.

Nyanndra Mun 19:21

Sran i klun akunndan'n sɔnnin, sanngɛ Anannganman i klun lɔ liɛ nga i waan ɔ ´yo'n, yɛ ɔ yo-ɔ.

Nyanndra Mun 26:23

Sran nga bɔ i nuan nun ndɛ'n ti nɛnkɛn-nɛnkɛn ngbɛn bɔ i klun ti-man ufue'n, ɔ ti kɛ sika fiɛn bɔ b'a klo i b'a guɛ i sɛ wie wun'n sa.

Ezekiɛl 17:9

Se be kɛ: ‹Kosan nga Anannganman Nyanmiɛn usa'n yɛ: ?Vinyi sɔ'n ɔ kwla yo kpa? ?Anunman nyin klikli'n ɔ ko tutu-mɛn i olui'n yɛ ɔ su ti-mɛn i su mma, nan i waka nin i nnya nga be waan be ´fɛfɛ'n b'a wu kee? Sɛ i waan ɔ su tu i bo'n, nán wunmiɛn dan nin sran kpanngban yɛ ɔ kunndɛ-ɔ .

Daniɛl 10:1

Siris b'ɔ ti Pɛrs famiɛn'n i sielɛ'n i afuɛ nsan su'n, Nyanmiɛn kannin ndɛ kun kleli Daniɛl b'ɔ suan Bɛltsazar'n. Ndɛ sɔ'n ti nanwlɛ. Ɔ kan alɛ dan kpa kun b'ɔ wa tɔ'n i ndɛ. Daniɛl buli i akunndan kpa yɛ ɔ wunnin i bo. Aolia nun like b'ɔ wunnin i'n ti yɛ ɔ wunnin i bo nin-ɔn .

Daniɛl 11:28

Kɛ Siri famiɛn'n ɔ ´sɛ i sin i mɛn'n nun lɔ'n, ɔ ´fa anyanbeun ninnge kpanngban kpa yɛ ɔ ´kɔ-ɔ. I klun su jɔ-man Nyanmiɛn i nvle'n nun sran'm be wun. Ɔ man ɔ ´bu be sacilɛ akunndan. Ɔ ´saci be nan ɔ'a sɛ i sin ɔ'a wɔ i mɛn'n nun.

Daniɛl 11:29

Kɛ blɛ nga be sieli'n ko ju'n, nglo lɔ famiɛn'n ɔ ´sɛ i sin Ezipt famiɛn'n i mɛn'n nun wa ekun. Sanngɛ balɛ kasiɛn liɛ nga su yo-man kɛ klikli liɛ'n sa.

Daniɛl 11:35

Be ´kun ngwlɛlɛfuɛ'm be nun sran kpanngban. Be wulɛ'n ɔ ´yo nvle nunfuɛ'm be saun, ɔ ´yo be jrɛiin, yɛ ɔ ´yo be weiin, lele awieliɛ'n ´fa ju. Afin kɛ ɔ ´yo sɔ'n, wuun awieliɛ'n nian ju-man.

Daniɛl 11:40

Blɛ'n i awieliɛ lɔ'n, Ezipt famiɛn'n ɔ nin i be ´kun, yɛ Siri famiɛn'n kusu wa fa kakaklolo mun, nin nnɛn kpanngɔ mun, nin mmeli kaka kpa ɔ ´ba kɛ aunngban dan sa. Ɔ ´fa i sonja'm be ´wlu mɛn kaka nun, be ´kpɛ mɛn'm be anyialiɛ mun kɛ nzue bɔ ɔ'a yi dan b'ɔ su sonji'n sa.

Daniɛl 8:17

Gabriɛl bali lika nga n wo nun'n i wun koko lɛ. Kɛ ɔ mantannin min'n, srɛ dan kpa kunnin min, yɛ n utuli mín nyin ase-ɔ. Ɔ seli min kɛ: ‹Wɔ, klɔ sran, si kɛ like nga a wunnin i lɛ'n, ɔ ti mɛn'n i awieliɛ'n i wun ndɛ.›

Daniɛl 8:19

I sin ɔ seli min kɛ: ‹B'a sie blɛ kun bɔ Nyanmiɛn i ya'n ɔ wa jɔ, bɔ mɛn'n ɔ wa wie-ɔ. I sɔ blɛ'n i nun'n, sa nga be wa ju'n mun yɛ n wa tike be su n ´kle wɔ lɛ-ɔ.

Abakik 2:3

Ndɛ nga n ´kan be n ´kle wɔ yɛ'n, be yolɛ blɛ nian ju-man. Kannzɛ ɔ cɛ lele-ɔ ɔ ´cɛ ngbɛn, san i blɛ sɔ'n ´ju le. Man i li cɛ bɔ lele, sanngɛ fa wɔ wla gua su. I kwlaa b'ɔ yoli o, san i sɔ sa liɛ'n ɔ ´tɔ, ɔ su sɛn-mɛn i wun .

Sa nga bé yôli'n 1:7

Ɔ seli be kɛ: «Cɛn sɔ'n nin blɛ sɔ'n bɔ e Si bɔbɔ sieli'n, ɔ ti-man amun ndɛ su.

Sa nga bé yôli'n 17:31

Yɛlɛ kɛ ɔ'a sie cɛn kun bɔ sɛ cɛn sɔ'n ju'n, ɔ man be ´fa sran'n bɔ be o mɛn'n nun'n be kwlaa ba sran b'ɔ sieli i'n i ja su, ɔ ´di jɔlɛ be weinwein. Kɛ Nyanmiɛn cɛnnin sran sɔ'n, ɔ ti nzɔliɛ b'ɔ kle sran'm be kwlaa kɛ ɔ sieli i jɔlɛ difuɛ sakpa .»

1 Tɛsalonikfuɛ Mun 5:1

Aniaan mun, e bo-man wɛ e klɛ-man amun blɛ nin cɛn nga sa sɔ'm be ´yo'n i su fluwa.