Daniɛl 11:25 - NYANMIƐN NDƐ'N 1998

²⁵ Ɔ ´dun mmua i sonja kpanngban'm be nyrun. I wunmiɛn nin anwlɛn b'ɔ lɛ i'n ti, ɔ nin Ezipt famiɛn'n be ´kun. Ezipt famiɛn'n ɔ ´fɛ i wun wla alɛ'n nun, ɔ nin i sonja mun yɛ be ´kɔ-ɔ. Be ´sɔn kpa, yɛ be wunmiɛn'n ´yo dan kpa. Sanngɛ Ezipt famiɛn'n su nyan-man jranwlɛ, afin be ´cici i wun ndɛ.

Daniɛl 11:25 ပူးပေါင်းရင်းမြစ်များ

Nyanndra Mun 15:18

Sran ng'ɔ fa ya ndɛndɛ'n ɔ klɔklɔ utre. Sran nga kusu bɔ i anwlɛn'n ti wɛtɛɛ'n ɔ tra utre.

Nyanndra Mun 28:25

Wun tufuɛ'n ɔ kpɛ utre ba. Sran nga kusu b'ɔ fɛ i wun man Anannganman'n, ɔ nyan muae.

Daniɛl 11:10

Nglo lɔ lika'n i famiɛn'n i mma'm be ´buabua bé wun be ´kɔ alɛ kunlɛ. Kɛ be ´kɔ sɔ'n, be ´fa alɛ kunfuɛ kaka kpa. Ba'm be nun kun nin i sonja liɛ'm be ´tra be mɛn nnyɔn'm be awɛ'n su, be ´kpa bo'n bo sa waa kɛ nzue ba wie bɔ ɔ'a yi dan b'ɔ su sonji lika'n kwlaa nun'n sa. Kɛ be ´sa bé sin be ´ba be mɛn'n nun'n, be wa utu be kpɔfuɛ'm be klɔ kun bɔ i wun ti siwa'n.

Daniɛl 11:2

Siɛn'n n wa kan nanwlɛ ndɛ'n n kle wɔ.» «Famiɛn nsan be wa kaci be wiengu Pɛrs mɛn'n su. I sin famiɛn nnan su b'ɔ wa ba'n ɔ wa nyɛn i wun kpa tra be nga be dun mmua i nyrun'n. Blɛ bɔ i anyanbeun ninnge'm be wa mɛn i wunmiɛn'n, ɔ wa yo i kwlaa ng'ɔ kwla yo'n nan ɔ nin Grɛk mɛn'n b'a kun'n.

Daniɛl 11:40

Blɛ'n i awieliɛ lɔ'n, Ezipt famiɛn'n ɔ nin i be ´kun, yɛ Siri famiɛn'n kusu wa fa kakaklolo mun, nin nnɛn kpanngɔ mun, nin mmeli kaka kpa ɔ ´ba kɛ aunngban dan sa. Ɔ ´fa i sonja'm be ´wlu mɛn kaka nun, be ´kpɛ mɛn'm be anyialiɛ mun kɛ nzue bɔ ɔ'a yi dan b'ɔ su sonji'n sa.

Daniɛl 11:5

Sran ng'ɔ wa yo mɛn'n i ngua wa famiɛn'n, ɔ wa nyan kwlalɛ. Sanngɛ famiɛn i awlo lɔ sran dandan ng'ɔ ´siesie be'n, be nun kun i kwlalɛ liɛ'n wa trɛ i liɛ'n. I akpasua ng'ɔ ´sie i'n, ɔ wa cɛn trɛ i liɛ'n.