Daniɛl 11:24 - NYANMIƐN NDƐ'N 1998

²⁴ Kɛ lika'n ti fɔun'n, ɔ kɔ lika kpa bɔ be yo i nun like-ɔ ɔ yo ye'n be nun. Ɔ ´yo like nga i si nin i nannan'm b'a yo-man'n. Ɔ ´fɛn lika sɔ'm be nun ninnge mun, ɔ ´cɛcɛ ninnge nga be fɛnnin'n, nin anyanbeun ninnge mun ´fa mɛn i sran liɛ mun. Ɔ wa bu akunndan kɛ ɔ ´fa alɛ'n lele ɔ ko kpu sran'm be fiawlɛ klɔ'm be su. Sanngɛ i kwlaa sɔ'n ɔ su cɛ-man.

Daniɛl 11:24 ပူးပေါင်းရင်းမြစ်များ

Neemi 9:25

Be fali klɔ nga talɛ si be wun'n mun ɔ nin asiɛ bɔ be yo like ye'n mun. Be fali sua bɔ ninnge kpakpa'm b'a yi be'n mun, nin nzue gbo bɔ b'a dun mmua kpɛ be'n mun, nin vinyi fie mun, nin olivie fie mun, ɔ nin waka nga be di be mma'n i sɔ kpanngbangban. Be dili like kpa be ku yili, be yoli sa lɔklɔlɔklɔɔ, be dili fɛ ɔ klun-ufue'n ti.

Nyanndra Mun 17:8

Sran'm be bu i kɛ sran like cɛlɛ'n ɔ ti muae like nan be bɔ be yo i sɔ'n, i yɛ man like kwlaa nga be yo'n ɔ yo kpa man be-ɔ.

Nyanndra Mun 19:6

Sran dan'n i lakafuɛ sɔnnin. Sran ng'ɔ cɛcɛ sran'n be ninnge'n, be di-mɛn i janvuɛ'm be yalɛ.

Nyanndra Mun 23:7

Afin akunndan ng'ɔ bu i klun lɔ'n, ɔ nin i nuan su ndɛ'n ti-man kun. Ɔ se wɔ kɛ: «Aliɛ yɛ ɔ o lɛ-ɔ, di, yɛ nzan yɛ ɔ o lɛ-ɔ, nɔn.» Sanngɛ ng'ɔ ´kɛn i lɛ'n, nɛ́n i klun su-ɔ.

Ezekiɛl 34:14

N ´fa be n kɔ didiwlɛ kpa nun, be didiwlɛ'n ɔ ´tran oka fleiin'm be su Izraɛl lɔ. Lɛ yɛ be ´de wunmiɛn fɔun yɛ be ´di like kpa Izraɛl oka'm be su-ɔ!

Ezekiɛl 38:10

Anannganman Nyanmiɛn wan yoo: I cɛn sɔ nun'n, akunndan wie'm be wa ba ɔ́ ti nun. Like nga a ´bu i akunndan kɛ a ´yo'n, ɔ su yo-man like kpa kpa.

Daniɛl 11:23

Blɛ nga sran'm be ko fa bé bo be ko blɛ i'n, ɔ ´fa gblɛgblɛ'n lele ɔ ´fa de mɛn'n. Kannzɛ bɔ sran nga be jin i sin'n b'a sɔn-man'n, sanngɛ i wunmiɛn'n wa yo dan kɔ i nyrun.

Daniɛl 7:25

Ɔ wa di Nyanmiɛn bɔ like fi nun-mɛn i sin'n i jɔlɛ tɛ. Ɔ ´kle Nyanmiɛn i nvle'n nunfuɛ'm be nyrɛnnɛn. Ɔ ´bu akunndan kɛ ɔ ´kaci blɛ'n i siesielɛ nga be siesieli'n, yɛ ɔ ´kaci mmla'n. Nyanmiɛn i nvle nunfuɛ'm be ´trɛn i sielɛ'n i bo lele afuɛ nsan nin sin .

Kalɛ 13:20

Amun `nian kɛ be asiɛ'n fa ti'n, sɛ be yo su like-ɔ ɔ yo kpa o, sɛ kusu be yo su like-ɔ ɔ yo-man kpa o, sɛ waka o lɔ o, sɛ kusu waka nun-man lɔ o. Amun `tra amun anwlɛn nan amun `ko fa mɛn sɔ'n nun lɔ waka mma'n wie bla.» Afin kɛ ɔ ´yo sɔ'n, wuun be o vinyi mma klikli'n i tilɛ blɛ'n nun.

Matthieu 9:4

Jésus wunnin be akunndan'n, nan ɔ'a se kɛ: «?Nguɛ ti yɛ amun akunndan'n ti tɛ sɔ-ɔ?

Jɔlɛ Difuɛ Mun 9:4

Yɛ be fali jɛtɛ ufue ableso Baal-Bɛrit i sua nun lɔ be fa mɛnnin i-ɔ. Abimelɛk fa mannin sran finfinfuɛ nin nzajefuɛ mun yɛ be suli i su-ɔ.