Daniɛl 11:23 - NYANMIƐN NDƐ'N 1998

²³ Blɛ nga sran'm be ko fa bé bo be ko blɛ i'n, ɔ ´fa gblɛgblɛ'n lele ɔ ´fa de mɛn'n. Kannzɛ bɔ sran nga be jin i sin'n b'a sɔn-man'n, sanngɛ i wunmiɛn'n wa yo dan kɔ i nyrun.

Daniɛl 11:23 ပူးပေါင်းရင်းမြစ်များ

Bo Bolɛ 34:13

Kpɛkuun Zakɔb i mma'm be fali gblɛ be fa tɛli Sisɛm nin i si Amɔr be su sokpalɛ bɔ Sisɛm sokpali be niaan bla Dina'n ti.

Nyanndra Mun 11:18

Like nga sran tɛfuɛ'n yo'n, ɔ nyan-man su. Sran nga kusu bɔ kpa'n yɛ ɔ yo sin'n, kannzɛ ɔ yo sɛ san ɔ ´nyan su le .

Daniɛl 11:22

Alɛfuɛ fi su kwlɛ-mɛn i, ɔ ´nunkun be kwlaa kpɛkuun ɔ ´kun anuansɛ nga be di i nvle'n nun'n i su kpɛn'n.

Daniɛl 11:24

Kɛ lika'n ti fɔun'n, ɔ kɔ lika kpa bɔ be yo i nun like-ɔ ɔ yo ye'n be nun. Ɔ ´yo like nga i si nin i nannan'm b'a yo-man'n. Ɔ ´fɛn lika sɔ'm be nun ninnge mun, ɔ ´cɛcɛ ninnge nga be fɛnnin'n, nin anyanbeun ninnge mun ´fa mɛn i sran liɛ mun. Ɔ wa bu akunndan kɛ ɔ ´fa alɛ'n lele ɔ ko kpu sran'm be fiawlɛ klɔ'm be su. Sanngɛ i kwlaa sɔ'n ɔ su cɛ-man.

Daniɛl 8:24

I tinmin'n wa yo dan kpa, sanngɛ nán kɛ tinmin sɔ'n fin i bɔbɔ ti-ɔ. Ɔ wa saci ninnge mun kpa, like kwlaa ng'ɔ wa yo'n, ɔ ´yo ye i sa nun. Ɔ ´nunnun sran nga be ti tinwa mun nin Nyanmiɛn i nvle'n nunfuɛ mun bɔbɔ .

Daniɛl 8:25

Gblɛ b'ɔ si i kpɛ dan'n ti'n, ɔ ´laka sran mun. I wun tulɛ'n ti'n, ɔ ´nunnun sran kpanngban bɔ be bu i kɛ be su di alaje'n. Yɛ ɔ wa jaso famiɛn'm be Famiɛn'n i wun. Sanngɛ ɔ wa tɔ, sran sa su kɛn-mɛn i nan ɔ'a tɔ .

Rɔmfuɛ Mun 1:29

Sa tɛtɛ yolɛ'n kwlaa ɔ'a kun be kpo, be ti sran tɛ, be konvi ti kpli, be klun yo wi, bé nyin ci sran nin like, be kun sran, be klo utre, be ti gblɛ, be bu sran akunndan tɛ, be bla,

2 Korɛntfuɛ Mun 11:3

Srɛ kun min kɛ nan man be wa saci amún ti nun b'ɔ man an su fa-man amún wla'n kwlaa guɛ-mɛn i Krist su kun, ɔ ´yo kɛ kɛ wuo i gblɛ'n ti ɔ laka Ɛv b'ɔ nyɛnnin i'n sa .

2 Tɛsalonikfuɛ Mun 2:9

Satan yɛ ɔ ´tin bian b'ɔ di-man mmla'n su sɔ'n yɛ ɔ ´ba-a, ɔ man ɔ wa yo sa kekleekle'n kwlaa, ɔ ´yi atrɛ, yɛ ɔ ´yo abonuan sa gblɛ nun .