Daniɛl 11:21 - NYANMIƐN NDƐ'N 1998

²¹ Sran ng'ɔ wa ´trɛn i ja nun'n, ɔ ´yo sran kun b'ɔ lɛ-man nyrun bɔ be fa famiɛn bia'n be mɛn i-ɔ. Kɛ lika'n ti fɔun'n, bian sɔ'n ɔ wa fa gblɛ yɛ ɔ de famiɛn bia nin-ɔn.

Daniɛl 11:21 ပူးပေါင်းရင်းမြစ်များ

Jue Mun 12:8

Klunwifuɛ'm be ongo-ongo bé wun yɛ be kpɛ sin-ɔn. Kɛ sran wie'm be yo sa tɛ'n, be nga be bu-man Nyanmiɛn nin i nuan ndɛ'n be like fi'n, ɔ yo be wie'm be fɛ. Anannganman, a ´nian e su, a ´sasa e titi sran sɔ'm be lika.

Jue Mun 15:4

Ɔ nin sran nga Nyanmiɛn a yi i blo'n bé nuan sɛ-man. Sanngɛ ɔ klo sran nga i nyin yi Nyanmiɛn'n. Sɛ ɔ ta nda wie'n, kannzɛ ɔ wa miɛn i sa kasiɛn'n, ɔ kpɛ-mɛn i ndɛ ng'ɔ kannin'n i wun.

Jue Mun 55:21

Nian, gblɛfuɛ'n, ɔ nin i janvuɛ mun b'a nyɛn i. Nda ng'ɔ tali'n, ɔ'a di-man su kun.

Ezai 32:5

Sran b'ɔ ti sinnglinfuɛ'n, be su se-man kɛ ɔ ti sran ndɛnman su kun. Sran b'ɔ ti gblɛfuɛ'n, be su se-man kɛ ɔ ti sran bɔ i klun ti ufue'n kun.

Daniɛl 11:20

Sran ng'ɔ wa kaci i'n, ɔ ´fa famiɛn wlɛfuɛ kun yɛ ɔ ´fa sie i famiɛn diwlɛ'n i akpasua klanman kpafuɛ'n su-ɔ. I bɔbɔ'n ɔ su di-man le nnyɔn, be ´bu i bue. Nán kɛ ya annzɛ alɛ yɛ be ´fa bu i bue-ɔ.

Daniɛl 11:32

Famiɛn sɔ'n, i bɔbɔ ɔ ´lakalaka be nga be ´jaso Nyanmiɛn i sin'n. Sanngɛ be kwlaa nga be o Nyanmiɛn sin'n, be ´jran kekle.

Daniɛl 11:34

Yalɛ klelɛ sɔ nun'n, be ukafuɛ'm be su sɔn-man, afin be nga be ´jran bé sin'n, be ´yo i bé nuan bui su.

Daniɛl 11:7

I awlo nunfuɛ'm be nun kun yɛ ɔ wa sin i si i ajalɛ nun-ɔn. Ɔ ´kɔ lele ɔ ´ju nglo lɔ famiɛn i sonja'm be fiawlɛ'm be nun, ɔ ´kle sonja sɔ'm be nun kpa, ɔ nin be ´kun, ɔ ´kwla be.

Daniɛl 4:17

A wunnin waka dan kun. I ti'n to nyanmiɛn b'ɔ la nglo lɔ plaii'n. Asiɛ'n i lika kwlaa nga be wo lɛ'n, bé nyin tɛ i.

Daniɛl 7:8

Kɛ n wo lɛ bɔ n ´niɛn i wɛ sɔ mun'n, kpɛkuun i wɛ kaan kun ekun su fi ba. Kpɛkuun laa liɛ'm be nun nsan b'a tutu b'a gua. I wɛ uflɛ sɔ'n, ɔ lɛ nyinma kɛ sran sa. Ɔ lɛ nuan ɔ fa kan wun tulɛ ndɛ mun.»

Daniɛl 8:23

Kɛ famiɛn diwlɛ sɔ'n be ko sin ko wie, bɔ sran'm be sa tɛ yolɛ'n ɔ'a yo dan ɔ'a tratra su'n, famiɛn tutrefuɛ kun b'ɔ ti gblɛ kpɛfuɛ dan kpa'n ɔ wa ba.

Daniɛl 8:25

Gblɛ b'ɔ si i kpɛ dan'n ti'n, ɔ ´laka sran mun. I wun tulɛ'n ti'n, ɔ ´nunnun sran kpanngban bɔ be bu i kɛ be su di alaje'n. Yɛ ɔ wa jaso famiɛn'm be Famiɛn'n i wun. Sanngɛ ɔ wa tɔ, sran sa su kɛn-mɛn i nan ɔ'a tɔ .

Daniɛl 8:9

I wɛ kaan kpa kun fifili laa liɛ sɔ'm be nun kun nun, ɔ trɛ ɔli ngua bue liɛ'n su lɔ nin wia afiliɛ bue'n su lɔ, ɔ nin mɛn klanman kpa'n i bue liɛ'n su lɔ.

Naɔm 1:14

Ninivfuɛ mun, Anannganman ɔ'a fua a kle amun. I waan: «Amun su nyan-man osufuɛ fi b'ɔ ´suan amun dunman nin-ɔn. Amun amuɛn sua'n nun amuɛn mma nga amun fali waka yɛ be sɛli'n nin nga amun fali blalɛ yɛ be yoli'n, n ´saci be. Kunman nga be ko sie amun nun'n, n su kpɛ. N su kpɛ, afin amun ti-man like fi min nyrun kun.»

1 Samiɛl 3:13

N seli i kɛ nyrɛnnɛn nga n ´fa yi i awlofuɛ'm bé su'n, be ´ka nun titi, afin kɛ i mma'm be yoli min finfin'n, ɔ tili, sanngɛ ɔ'a tu-man be fɔ.