Daniɛl 11:2 - NYANMIƐN NDƐ'N 1998

² Siɛn'n n wa kan nanwlɛ ndɛ'n n kle wɔ.» «Famiɛn nsan be wa kaci be wiengu Pɛrs mɛn'n su. I sin famiɛn nnan su b'ɔ wa ba'n ɔ wa nyɛn i wun kpa tra be nga be dun mmua i nyrun'n. Blɛ bɔ i anyanbeun ninnge'm be wa mɛn i wunmiɛn'n, ɔ wa yo i kwlaa ng'ɔ kwla yo'n nan ɔ nin Grɛk mɛn'n b'a kun'n.

Daniɛl 11:2 ပူးပေါင်းရင်းမြစ်များ

Ɛsdras 4:24

Zerizalɛm lɔ Nyanmiɛn sua'n i kplanlɛ'n jrannin. Ɔ jrannin lele juli Dariis b'ɔ ti Pɛrs famiɛn'n i sielɛ'n i afuɛ nnyɔn'n su.

Ɛsdras 4:7

Yɛ Artaksɛrksɛs b'ɔ ti Pɛrs famiɛn'n i blɛ su'n, Bislam, Mitrɛdat, Tabeɛl, ɔ nin be nga be nin be di junman'n, be klɛli fluwa ko mɛnnin i. Fluwa sɔ'n be fali Aramfuɛ'm be aniɛn'n i fluwa mma nga be fa klɛ'n yɛ be klɛli-ɔ. Be klɛli i Aramfuɛ'm be aniɛn'n nun.

Ɛstɛr 1:1

Famiɛn Asieris blɛ su yɛ sa ng'ɔ o yɛ'n juli-ɔ. Asieris sɔ'n i sielɛ'n fɛli i Ɛnd lele fa juli Etiopi. Ɔ sieli mɛn akpasua-akpasua ya ablaɔn-nin-nso .

Nyanndra Mun 22:21

Min waan, n ´klɛ man wɔ sɔ nan sɛ be sunman wɔ kɛ a ko usa sa'n, w'a wun nanwlɛ'n w'a kan kle sran ng'ɔ sunmannin wɔ'n.

Daniɛl 10:1

Siris b'ɔ ti Pɛrs famiɛn'n i sielɛ'n i afuɛ nsan su'n, Nyanmiɛn kannin ndɛ kun kleli Daniɛl b'ɔ suan Bɛltsazar'n. Ndɛ sɔ'n ti nanwlɛ. Ɔ kan alɛ dan kpa kun b'ɔ wa tɔ'n i ndɛ. Daniɛl buli i akunndan kpa yɛ ɔ wunnin i bo. Aolia nun like b'ɔ wunnin i'n ti yɛ ɔ wunnin i bo nin-ɔn .

Daniɛl 11:25

Ɔ ´dun mmua i sonja kpanngban'm be nyrun. I wunmiɛn nin anwlɛn b'ɔ lɛ i'n ti, ɔ nin Ezipt famiɛn'n be ´kun. Ezipt famiɛn'n ɔ ´fɛ i wun wla alɛ'n nun, ɔ nin i sonja mun yɛ be ´kɔ-ɔ. Be ´sɔn kpa, yɛ be wunmiɛn'n ´yo dan kpa. Sanngɛ Ezipt famiɛn'n su nyan-man jranwlɛ, afin be ´cici i wun ndɛ.

Daniɛl 7:5

Nnɛn'n i nnyɔn su'n ti kɛ nnɛn ngble wie bɔ be flɛ i urs'n sa, ɔ sɛ nguku. Nvɛn ba nsan bo i je nun. Be seli i kɛ: ‹Jaso nan di nnɛn kpanngban.›

Daniɛl 8:21

Boli kpakpuɛ'n ɔ ti Grɛk famiɛn diwlɛ'n i nzɔliɛ, i wɛ tɛnndɛn ng'ɔ jin i nyinma nnyɔn'm be afiɛn'n, ɔ ti famiɛn diwlɛ sɔ'n i famiɛn klikli'n i nzɔliɛ.

Daniɛl 8:26

Aolia nun sraka nga be yi i nnɔsua nin nglɛmun nga a wunnin be'n, be ti nanwlɛ. Sanngɛ ɔ liɛ'n, man ninnge sɔ nga a wunnin be lɛ'n be ka ɔ klun lɔ, afin ɔ ti blɛ ng'ɔ ba mmua-mmua lɔ'n i nun ndɛ mun.›

Daniɛl 8:4

Kɛ n ´nian'n, n wunnin kɛ bua nene'n ɔ toto i wɛ'n wia atɔliɛ bue liɛ'n su lɔ nin nglo lɔ, nin ngua lɔ. Nnɛn uflɛ fi kwla jrɛn-mɛn i nyrun. Be kwla de-man sran fi i sa nun. Like kwlaa ng'ɔ klo kɛ ɔ ´yo'n yɛ ɔ yo-ɔ. Kpɛkuun ɔ yo dan kɔ i nyrun.

Amɔs 3:7

Nanwlɛ, sa kwlaa nga Anannganman waan ɔ ´yo'n, san ɔ ´dun mmua kan kle i sufuɛ nga be ijɔ i nuan'n .

Jean 10:35

E si kɛ sran fi kwla nunnun-man Nyanmiɛn ndɛ nga be klɛli'n. Be klɛli i kɛ be nga Nyanmiɛn fɛ i mmla mannin be'n be ti kɛ Nyanmiɛn sa.

Sa nglô yile 21:5

Sran ng'ɔ ti bia'n su'n seli kɛ: «Nian, m'an kaci like'n kwlaa uflɛ.» Yɛ ɔ seli ekun kɛ: «Klɛ ndɛ nga, afin min ndɛ'n ti nanwlɛ, be kwla fa su .»