Daniɛl 11:16 - NYANMIƐN NDƐ'N 1998

¹⁶ Sran ng'ɔ ´jaso i wun kɛ ɔ nin i be ´kun'n, sa kwlaa ng'ɔ klo kɛ ɔ ´fa yo i'n yɛ ɔ ´fa yo i-ɔ. Sran fi su jrɛn-mɛn i nyrun. Ɔ wa tran mɛn ng'ɔ ti klanman tra mɛn'm be kwlakwla'n i nun, ɔ ´nunnun like ng'ɔ o nun'n kwlaa.

Daniɛl 11:16 ပူးပေါင်းရင်းမြစ်များ

Ezai 8:8

Ɔ ´kata Zida mɛn'n i su, ɔ ´yi lele ɔ di lika'n, ɔ ´ju be kɔmin nun. Ee! Emaniɛl, be su wun-man nzue'n i cenje'n kun, nzue'n ɔ ´di ɔ mɛn'n wunmuan'n.»

Zeremi 3:19

Sɛ n ´kwla se'n, laa n waan: «N klo kɛ n ´fa wɔ n ´yo min wa yasua klikli nan m ´man wɔ mɛn klanman kpa kun bɔ i yɛ ɔ ti mɛn'm be kwlakwla be nun klanman nin-ɔn. N waan: ‹A wa flɛ min kɛ Baba.› A su kpɔci-man min.

Daniɛl 11:3

Sanngɛ yasua sran kun wa jaso su Grɛk mɛn'n nun lɔ, ɔ wa yo famiɛn. Ɔ wa nyan nyrun dan. Like kwlaa nga i waan ɔ ´yo'n yɛ ɔ ´yo-ɔ.

Daniɛl 11:36

Nga famiɛn'n klo kɛ ɔ ´yo'n yɛ ɔ ´yo-ɔ. Ɔ ´yo wun tufuɛ, ɔ ´se i wun kɛ ɔ ti dan tra amuɛn'm be ngba. I ti ɔ wa kan Nyanmiɛn Kpli'n i wun ndɛ tɛtɛ kpa nga be kan-man'n. Ɔ ´nyan jranwlɛ lele ´fa ju cɛn bɔ Nyanmiɛn i ya'n ɔ ´tɛ nglo'n. Kpɛkuun Nyanmiɛn wa yo nga i waan ɔ ´yo'n .

Daniɛl 11:41

Ɔ ´fa mɛn ng'ɔ ti klanman tra mɛn'm be kwlakwla'n, ɔ ´kun lɛ sran kpanngban kpa. Sanngɛ Edɔmfuɛ mun, nin Moabfuɛ mun, ɔ nin Amɔnfuɛ'm be safunyrɛn dandan'm be ´nyan bé ti, ɔ su nyan-man be.

Daniɛl 11:45

Ɔ ´kplɛn i tannin sua mun jenvie'n nin Nyanmiɛn i oka b'ɔ o mɛn bɔ i klanman'n lɛ-man wunsu'n be afiɛn. Lɛ yɛ wie'n ɔ wa fɛ i-ɔ, sran fi su ukɛ-mɛn i.»

Daniɛl 5:19

Nyanmiɛn man ɔ nyannin nyrun, i ti nvle'm be kwlaa, ɔ nin mɛnmɛn'm be kwlaa be nun sran mun bɔ be kan aniɛn wafa-wafa'n kwlaa'n be sroli i, be usuli i nyrun. Sran kwlaa nga famiɛn sɔ'n ɔ klo kɛ ɔ ´kun i'n, ɔ su kun i. Sran nga i waan ɔ ´yaci i lɛ'n, ɔ yaci i lɛ. Sran ng'ɔ klo kɛ ɔ ´mɛn i kɔmin su'n, ɔ mɛn i kɔmin su. Sran nga kusu bɔ i waan ɔ ´yo i wannzo'n, ɔ su yo.

Daniɛl 8:4

Kɛ n ´nian'n, n wunnin kɛ bua nene'n ɔ toto i wɛ'n wia atɔliɛ bue liɛ'n su lɔ nin nglo lɔ, nin ngua lɔ. Nnɛn uflɛ fi kwla jrɛn-mɛn i nyrun. Be kwla de-man sran fi i sa nun. Like kwlaa ng'ɔ klo kɛ ɔ ´yo'n yɛ ɔ yo-ɔ. Kpɛkuun ɔ yo dan kɔ i nyrun.

Daniɛl 8:7

N ´wun i-ɔ, ɔ'a si bua nene'n ɔ jin i su ɔ su bo i, ɔ bubuli i wɛ nnyɔn mun. Ɔ suli bua nene'n yili i ase. Bua nene sɔ'n kwla jrɛn-mɛn i nyrun mlɔnmlɔn. Ɔ tiɛtiɛli i su. Sran fi ɔ'a kwla de-mɛn i i sa nun.

Daniɛl 8:9

I wɛ kaan kpa kun fifili laa liɛ sɔ'm be nun kun nun, ɔ trɛ ɔli ngua bue liɛ'n su lɔ nin wia afiliɛ bue'n su lɔ, ɔ nin mɛn klanman kpa'n i bue liɛ'n su lɔ.

Zozie 1:5

Sran fi su kwla jran-man ɔ nyrun lele san ɔ́ wie. N wa jran ɔ́ sin kɛ n jrannin Moiz i sin'n sa. N su kpɔci-man wɔ le. N ´jran ɔ́ sin titi.