Daniɛl 11:15 - NYANMIƐN NDƐ'N 1998

¹⁵ Siri famiɛn'n ɔ wa ba, ɔ wa kplankplan fa kwle mun klɔ bɔ be si bé wun'n be nun kun i wun, ɔ ´fu su, ɔ ´utu klɔ sɔ'n, ɔ ´fa. Ngua wa famiɛn'n, ɔ nin i safunyrɛn'm be su jrɛn-mɛn i nyrun. Be wie fi su nyan-man manndran nan b'a jrɛn i nyrun.

Daniɛl 11:15 ပူးပေါင်းရင်းမြစ်များ

Zeremi 33:4

Min Anannganman bɔ n ti Izraɛl Nyanmiɛn'n, ndɛ nga n kan'n yɛ. Klɔ nga nun sua mun nin Zida famiɛn'n i sua nga be nin Babilɔnifuɛ mun be ´ko kun alɛ bɔ fuɛn'm be ´yi be'n, bé wun ndɛ yɛ n wa kan kle wɔ-ɔ. N ´fa ya n ´kun sran mun be ´yi sua sɔ mun. Klɔ nga sufuɛ'm be aeliɛ tɛtɛ'n ti n su nian-man be nyrun.

Zeremi 5:10

Be `fu Zerizalɛm i vinyi'm be su be saci be, sanngɛ nán be nunnun be mlɔnmlɔn. Be `kpɛ vinyi sa mun, afin be ti-man min liɛ.

Zeremi 52:4

Ɔ man Nɛbikadnɛzar nin i sonja'm be kwlakwla be bali kɛ be nin Zerizalɛmfuɛ mun be ´kun. Kɛ ɔ ´yo sɔ'n, wuun Sedesias yoli famiɛn ɔ'a di afuɛ ngwlan. Afuɛ ngwlan su'n i anglo blu'n su yɛ be bali-ɔ, wuun anglo'n ɔ'a di le blu. Be boli be nanmue'n klɔ'n i sin. Lika gbagblagba nga be ko jran su ko kun alɛ'n, be kplɛnnin i sɔ kpanngban bo sin yiali klɔ'n.

Zeremi 6:6

Anannganman b'ɔ sie mɛn wunmuan'n waan: ‹An `kpɛ waka nan an `fa kplan akpa Zerizalɛm wun.› Klɔ sɔ'n nin fɔ bulɛ fata. Sran mianmianlɛ'n yɛ ɔ ti i nunfuɛ'm be junman-an.

Ezekiɛl 17:17

Kannzɛ bɔ Ezipt famiɛn'n ɔ fali alɛ kunfuɛ kpanngban fa mɛnnin i'n, be su kwlɛ-mɛn i uka, blɛ bɔ Babilɔnifuɛ'm be ´kplan be nyrɛn, be ´fu kunman nan be ´nunnun sran kpanngban'n.

Ezekiɛl 4:2

Kɛ be nian nzɔliɛ sɔ'n, man ɔ kle weiin kɛ b'a utu klɔ'n, nan b'a fu kunman b'a sin a yiɛ i, b'a si i wun talɛ yɛ b'a fa alɛ ninnge mun b'a siesie i wun sɛsɛsɛ a sin a yia nun.

Daniɛl 11:14

I blɛ sɔ nun'n, sran kpanngban be ´jaso Ezipt famiɛn'n i wun. Daniɛl, sran wie'm bɔ be o ɔ nvle'n nun'n bɔ be klo fanngan su ninnge'm be yolɛ'n, be wa jaso i wun, kɛ ɔ ´yo nan aolia nun like nga a wunnin i'n ɔ'a kpɛn su'n ti. Sanngɛ be ´tɔ.

Daniɛl 11:6

Kɛ ɔ di afuɛ nnyɔn kun'n, bé nuan wa sɛ. Famiɛn ng'ɔ o ngua wa'n, i wa bla'n ɔ wa ja famiɛn ng'ɔ o nglo lɔ'n yɛ be afiɛn'n ´sɛ. Sanngɛ bla sɔ'n, i kwlalɛ b'ɔ lɛ i'n ɔ su cɛ-mɛn i sa nun. I wun'n su tran-man nguan nun yɛ i mma'm be kusu be ´wu. I blɛ sɔ nun'n bla'n ɔ ´wu wie. I wunfuɛ'm be kwlaa, i si o, i wun o, be ´wu.

Daniɛl 8:7

N ´wun i-ɔ, ɔ'a si bua nene'n ɔ jin i su ɔ su bo i, ɔ bubuli i wɛ nnyɔn mun. Ɔ suli bua nene'n yili i ase. Bua nene sɔ'n kwla jrɛn-mɛn i nyrun mlɔnmlɔn. Ɔ tiɛtiɛli i su. Sran fi ɔ'a kwla de-mɛn i i sa nun.

Zozie 1:5

Sran fi su kwla jran-man ɔ nyrun lele san ɔ́ wie. N wa jran ɔ́ sin kɛ n jrannin Moiz i sin'n sa. N su kpɔci-man wɔ le. N ´jran ɔ́ sin titi.