Daniɛl 10:8 - NYANMIƐN NDƐ'N 1998

⁸ Min ba kunngba yɛ n kali lɛ yɛ n wunnin aolia nun like dan sɔ nin-ɔn. Min wunmiɛn'n wieli. Min nyrun'n kacili, ɔ kpali sa fuaii, n lɛ-man wunmiɛn kun.

Daniɛl 10:8 ပူးပေါင်းရင်းမြစ်များ

Bo Bolɛ 32:31

Zakɔb waan: «N wunnin Nyanmiɛn i nyrun'n weiin sa, sanngɛ m'an wu-man.» I sɔ'n ti, ɔ flɛli lika sɔ'n kɛ Peniɛl. Peniɛl i bo'n yɛlɛ Nyanmiɛn i nyrun'n.

Ezipt Lɔ Tulɛ'n 3:3

Moiz waan: «N wa kpɛ min nyin nan n ´nian abonuan sa nga, yɛ n ´wun sa nga ti bɔ susrɛ'n yra-man'n.»

Daniɛl 10:16

Kpɛkuun like kun ti kɛ klɔ sran sa ɔ kannin mín nuan bui'n. N ukeli mín nuan'n n seli sran ng'ɔ jin min nyrun lɛ'n kɛ: ‹Nannan, aolia nun like'n ɔ boli mín wla, i yɛ ɔ yoli yɛ man fanngan fi nun-man min nun kun nin-ɔn.

Daniɛl 10:17

?Ɔ ´yo sɛ nan min bɔ n ti-man like fi'n min nin wɔ bɔ a ti min Min'n y'a ijɔ? Afin kɛ n wo yɛ'n, n lɛ-man fanngan, yɛ n de-man wunmiɛn bɔbɔ.›

Daniɛl 7:28

Ndɛ nga i awieliɛ'n yɛ ɔ o lɛ-ɔ. M bɔbɔ min Daniɛl, srɛ dan kpa kunnin min, n kpali sa fuaii. Yɛ i sɔ sa'm be kali min klun tititi.»

Daniɛl 8:27

Kɛ ɔ yoli sɔ'n, min Daniɛl, min wunnɛn'n lololi min sa kplɛkɛɛ, yɛ n tɔli tukpacɛ, n dili cɛn kaka. I sin n jasoli nan m'an di famiɛn i junman mun. Srɛ dan kpa kunnin min like nga n wunnin be bɔ n si-man bé bo'n ti.»

Daniɛl 8:7

N ´wun i-ɔ, ɔ'a si bua nene'n ɔ jin i su ɔ su bo i, ɔ bubuli i wɛ nnyɔn mun. Ɔ suli bua nene'n yili i ase. Bua nene sɔ'n kwla jrɛn-mɛn i nyrun mlɔnmlɔn. Ɔ tiɛtiɛli i su. Sran fi ɔ'a kwla de-mɛn i i sa nun.

Abakik 3:16

Kɛ n tili nganniɛn'n, nanwlɛ, i liɛ'n n wieli je mlɔnmlɔn. N gua sa yɔyɔyɔ kokolɛ'n dunman nun. Kpɛkuun srɛ b'ɔ kun min'n ti, mín wun glɔli min. Mín ja'm be lololi mín bo kplokoo. I ti n wa tran lɛ bɔ koun m ´minndɛ be nga be kle e yalɛ'n be awlaboɛ cɛn'n nan e nin be e ´ko kun.

Matthieu 17:6

Kɛ i sɔnnzɔnfuɛ'm be tili sran nɛn sɔ'n, srɛ dan kpa kunnin be nan b'a tɔ b'a utu bé nyin ase.

Marc 9:6

Srɛ b'ɔ kun be'n ti ɔ wun-man ndɛ ng'ɔ `kan-an.

Jean 16:32

Cɛn wie lele, cɛn sɔ'n ɔ'a ju bɔbɔ, amun kwlaa amun ´sanndi kɔ amun awlo, amun ´yaci n kunngba, sanngɛ ɔ su ka-man kunngba, afin min nin e Si'n yɛ e wo-ɔ.

2 Korɛntfuɛ Mun 12:7

Kɛ ɔ ko yo nan m'an tu-man min wun abonuan sa bɔ Nyanmiɛn yi be nglo kleli min ti'n, ɔ man tukpacɛ wie tɔli n su ɔ kali min kplo'n nun. Ɔ ti kɛ Satan i anz sa, ɔ ba m bolɛ nan m'an tu-man min wun .

Sa nglô yile 1:17

Kɛ n wunnin i'n, n finnin ase i bo lɛ, yɛ n kacili kɛ fuɛn sa. Ɔ fɛ i sa fama'n fuali min wun yɛ ɔ seli kɛ: «Nán srɛ kun wɔ ! Min yɛ n ti like'n kwlaa i klikli nin i awieliɛ nin-ɔn.