Daniɛl 10:6 - NYANMIƐN NDƐ'N 1998

⁶ I wunnɛn'n fa yɛbuɛ kpakpa'n i wie. I nyrun'n kpaja nyannyan kɛ nyanmiɛn'n i sin b'ɔ kpa'n sa. I nyinma'm be ti kɛ tɛ bɔ b'a sɔ i nuan'n sa. I sa nin i ja'm be ti nglannglan kɛ aaba bɔ i wun ti treketreke'n sa. I aniɛn'n tɛ kɛ sran kaka yɛ be su ijɔ sa .

Daniɛl 10:6 ပူးပေါင်းရင်းမြစ်များ

Ezipt Lɔ Tulɛ'n 28:20

Nyanman nnan su'n, be `yo i nin krisɔlit kun, kɔrnalin kun, yɛ zasp kun. Yɛbuɛ wafa-wafa sɔ mun'n, man kun tran sika ɔkwlɛ buati kun nun, kun tran sika ɔkwlɛ buati kun nun.

Ngɔjue Fɛfɛ Kpa'n 5:14

I sa'm be ti kɛ sika ɔkwlɛ nga bɔ b'a fa krizoliti b'a wlawla be nun'n sa. I wunnɛn'n ɔ ti kɛ sui je bɔ b'a yo i wun treketreke bɔ b'a fa safir b'a siesie su'n sa.

Ezekiɛl 1:14

Nnɛn sɔ'm be tru ko guɛ i wa, be tru ko guɛ i wa. Be wanndi ndɛndɛ kpa kɛ ngblannan ba b'ɔ su kpɛn'n sa.

Ezekiɛl 1:16

Kondokaa sɔ'm be ti nyannyan kɛ yɛbuɛ kpa b'ɔ lɛ gua'n sa. Be fa bé wun. Kɛ a wun be sa-a, ɔ waan kun wo i wiengu klun.

Ezekiɛl 1:24

Kɛ be ´nanti kɔ'n, n ti be ndɛwa'm be tɛlɛ bɔ be tɛ'n. Be tɛ kɛ jenvie'n yɛ ɔ su bo sa, be tɛ kɛ Nyanmiɛn b'ɔ kwla like kwlaa yo'n su ijɔ sa, annzɛ kusu kɛ alɛ kunfuɛ bɔ be sɔnnin kpa'n be nganniɛn'n sa. Kɛ be jran'n, be kan be ndɛwa'm be ase.

Ezekiɛl 1:7

Bé ja'm be tinngɛ sa floloflolo, yɛ bé ja ngbabua'm be ti kɛ nannin ba ja bui sa, kpɛkuun be ti nglannglan kɛ aaba bɔ b'a di i wun junman kpa'n sa.

Ezekiɛl 10:9

N wunnin i kɛ kondokaa nnan be o anz sɔ'm be wun sɛsɛsɛ, anz kun wun lɛ kondokaa kun, kun wun lɛ kondokaa kun. Kondokaa sɔ'm be bo mianmian kɛ yɛbuɛ kpa bɔ be flɛ i krizoliti'n sa.

Ezekiɛl 40:3

Ɔ fa min ɔli lɔ. N ´nian-an, sran kun b'ɔ ti kɛ aaba sran sa'n yɛ o yɛ. Lɛn nyanman kun wo i sa nun. Yɛ ndɛma nga be fa sunnzun like'n i kun wo i sa nun. Ɔ jin nglo anuan kun wun lɛ.

Ezekiɛl 8:2

N ´nian-an, like wie yɛ ɔ o yɛ, kɛ ɔ fɛ i bo lengle'n nun lele b'ɔ ´fa ju i ngua lɔ'n ɔ fali sran, kpɛkuun kɛ ɔ fɛ i i bo lengle'n nun lɛ lele b'ɔ ´fa ju i nglo lɔ'n, ɔ ti nyannyan kɛ yɛbuɛ kpa wie yɛ ɔ su bo mianmian sa.

Matthieu 17:2

I wunnɛn'n kacili be nyrun, i nyrun'n yoli kɛ wia'n bɔ bo'n sa, yɛ i tralɛ'n yoli ufue nyɛnnyɛnnyɛn.

Matthieu 28:3

I wun'n kpaja kɛ nyanmiɛn i sin b'ɔ kpa'n sa, yɛ i tralɛ'n fɛn fitafita kɛ nyanmiɛn ufue sa.

JÉSUS-CHRIST I DYASIN FE'N BO LUC KLELI'N 9:29

Kɛ be ´koko yalɛ sɔ'n, i nyrun'n kacili, yɛ i tralɛ'n kacili ufue nyɛnnyɛnnyɛn.

Sa nglô yile 10:1

Yɛ n wunnin anz wunmiɛnfuɛ kun, ɔ fin nyanmiɛn su lɔ ɔ su jra. Nyanmiɛn ble kun wo i wun, nyanngondin sin yiɛ i ti'n, i nyrun'n ti kɛ wia'n sa, yɛ i ja waka'n ti kɛ sin b'ɔ jue tiaan'n sa.

Sa nglô yile 19:12

I nyinma'n sɔ kɛ sin sa, sika kle kpanngban wo i ti. Be klɛ dunman kun i wun, sran fi si-mɛn i san i bɔbɔ yɛ ɔ si i-ɔ .

Sa nglô yile 2:18

«Nian ndɛ nga n klo kɛ a klɛ ko man Tiatir lɔ asɔnun'n i anz'n yɛ: ‹M bɔ n ti Nyanmiɛn Wa'n, bɔ min nyinma'm be sɔ kɛ sin sa'n, bɔ n ja'm be ti kɛ aaba bɔ b'a kpitɛ i wun sa'n, n se kɛ yoo :

Sa nglô yile 21:20

kun ti sardɔniks, kun ti sarduani, kun ti krisɔlit, kun ti beril, kun ti topaz, kun ti krisɔpras, kun ti yasɛnt, yɛ kun ti ametist.