Daniɛl 10:5 - NYANMIƐN NDƐ'N 1998

⁵ M ´man mín nyin'n su-ɔ, sran kun yɛ ɔ o yɛ: lɛn tralɛ yɛ ɔ wlɛ i wun-ɔn, cisu bɔ be fa sika ɔkwlɛ jrɛiin yoli'n i kun ci i afiɛn.

Daniɛl 10:5 ပူးပေါင်းရင်းမြစ်များ

Ezai 11:5

Ɔ ´fa mmla'n i su falɛ'n ɔ ´fa cici i ti, yɛ ɔ ´fa nanwlɛ dilɛ'n ɔ ´fa ci i afiɛn kɛ bé bo kplo sa.

Zeremi 10:9

Be ko fa jɛtɛ ufue fɛtɛfɛtɛ Tarsis lɔ annzɛ sika ɔkwlɛ nnya Ifaz lɔ. Sika tɔnfuɛ'm be di i wun junman, ajuin difuɛ'm be di i wun junman, kpɛkuun be fa kɛtɛ i wun klanman cɛ. Be yo wie ɔkwlɛ, wie kusu ti ɔkwlɛ srosrowa. I kwlaa ng'ɔ o lɛ'n, ɔ ti ajuin difuɛ'm bé sa nuan like.

Ezekiɛl 9:2

N ´nian-an, sran nsiɛn yɛ be fin nglo lɔ anuan dan'n i atin liɛ'n nun lɔ be su ba yɛ, be abɔlɛ yolɛ ninnge'm be o bé sa nun sɛsɛsɛ. Sran kun o be nun, i wun tralɛ liɛ'n ti lɛn, fluwa klɛlɛ like kun wo kplo ng'ɔ ci i bo'n su. Be wa jrannin Nyanmiɛn sɔwlɛ bɔ aaba yɛ be fa yoli'n i wun lɛ.

Zakari 1:8

Zakari kɛnnin i kɛ: Kɛ n lali kɔnguɛ'n, like nga n wunnin i'n yɛ. Sran kun wo nnɛn kpanngɔ zoun kun su, ɔ jin mirt waka'm be afiɛn tɔnun'n nun. Nnɛn kpanngɔ wie'm be o i sin lɔ: wie ti zoun, wie ti ble nzue-nzue, wie kusu ti ufue .

Efɛzfuɛ Mun 6:14

Ɔ man an `tanndan amun wun an `jran kekle. An `fa nanwlɛ'n yo kɛ kplo sa, an `fa ci amún bo. An `yo sa ng'ɔ ti i nuan su'n, man ɔ yo kɛ like kokloko bɔ an ´fa kata amun wue'n su'n sa.

Zozie 5:13

Le kun kɛ bɔ Zozie kɔ Zeriko b'ɔ mantannin lɔ koko'n, ɔ ´nian-an, sran kun yɛ ɔ jin i nyrun ndɛnman su yɛ, tokofi o i sa nun. Zozie wunngeli i wun lɛ yɛ ɔ usɛli i kɛ: «?A ti e sinfuɛ annzɛ a ti e kpɔfuɛ'm be nun wie?»