Daniɛl 10:21 - NYANMIƐN NDƐ'N 1998

²¹ Sran fi su uka-man min nan e nin kpɔfuɛ sɔ mun y'a kun, san anz Mikaɛl b'ɔ ti Izraɛl i sasafuɛ'n yɛ ɔ ´uka min-ɔn.› »

Daniɛl 10:21 ပူးပေါင်းရင်းမြစ်များ

Daniɛl 10:13

Sanngɛ wawɛ ng'ɔ sasa Pɛrs famiɛn diwlɛ'n, ɔ buli min nyrun cɛn ba ablaɔn-nin-kun. Mikaɛl b'ɔ ti anz dan kun'n, ɔ wa ukali min. Yɛ n kali Pɛrs famiɛn'm bé wun lɛ lɔuun.

Daniɛl 12:1

«I blɛ sɔ nun'n, Mikaɛl b'ɔ ti anz'm be su kpɛn'n, b'ɔ sasa ɔ nvle nunfuɛ mun'n, ɔ ´ba. Blɛ sɔ'n wa yo awlaboɛ blɛ. I sɔ awlaboɛ liɛ'n, kɛ ɔ fin cɛn bɔ mɛn'n wo lɛ lele b'ɔ ´fa ju ndɛ yɛ'n, be nian wun-mɛn i sɔ le. Blɛ sɔ nun'n, ɔ nvle nunfuɛ bɔ be klɛli be dunman nguan fluwa'n nun'n be ´fite nun .

Daniɛl 12:4

Wɔ Daniɛl, fa ndɛ nga sie ɔ klun, nán yi fluwa nga i nun ndɛ'n i nglo kle sran fi ka nan awieliɛ blɛ'n ɔ'a ju. Blɛ sɔ nun'n, sran kpanngban kpa be ´kanngan nun, yɛ be silɛ'n ɔ ´uka su .»

Daniɛl 8:26

Aolia nun sraka nga be yi i nnɔsua nin nglɛmun nga a wunnin be'n, be ti nanwlɛ. Sanngɛ ɔ liɛ'n, man ninnge sɔ nga a wunnin be lɛ'n be ka ɔ klun lɔ, afin ɔ ti blɛ ng'ɔ ba mmua-mmua lɔ'n i nun ndɛ mun.›

Daniɛl 9:22

Ɔ kleli min like, kpɛkuun ɔ seli min kɛ: ‹Daniɛl, m bali kɛ n wa tike sa su n kle wɔ.›

Daniɛl 9:25

Like ng'ɔ fata kɛ a si i nan a wun i wlɛ'n yɛ ɔ o yɛ. Kɛ ɔ fɛ i cɛn bɔ be kannin Zerizalɛmfuɛ'm bé sin salɛ ndɛ'n, nin Zerizalɛm klɔ'n i uflɛ kplanlɛ ndɛ'n lele b'ɔ ´fa ju blɛ nga be ´fa gua famiɛn ng'ɔ ´sie'n i ti su ngo'n, ɔ ti blɛ nso. Blɛ kun ti afuɛ nso. I sin be wa fa blɛ ablesiɛn-nin-nnyɔn be ´fa kplan klɔ'n nin i wun awa dan'n be uflɛ, sanngɛ blɛ'n ɔ wa yo kekle.

Amɔs 3:7

Nanwlɛ, sa kwlaa nga Anannganman waan ɔ ´yo'n, san ɔ ´dun mmua kan kle i sufuɛ nga be ijɔ i nuan'n .

Sa nga bé yôli'n 15:15

Ndɛ sɔ'n ɔ nin Nyanmiɛn nuan ijɔfuɛ'm be ndɛ'n ti kun, afin be klɛli i kɛ:

Jude 1:9

Sanngɛ i nun nga anz kpɛnngbɛn Misɛl nin mmusu'm bé si Satan be ´kpli Moiz fuɛn'n, bɔ be ´si akplowa'n, anz sɔ'n ɔ'a kwla kɛn-mɛn i ndɛ tɛ, sanngɛ ɔ seli i kɛ: «Min Min'n ko wun wɔ !»

Sa nglô yile 12:7

Alɛ tɔli nyanmiɛn su lɔ. Misɛl nin i anz mun be nin dragɔn nin i anz mun be kunnin .