Daniɛl 10:19 - NYANMIƐN NDƐ'N 1998

¹⁹ Yɛ ɔ seli min kɛ: ‹Nyanmiɛn i anwlɛn su sran, nán srɛ kun wɔ. Man ɔ́ wun jɔ wɔ fɔuun. Tra wɔ anwlɛn, man ɔ wunmiɛn'n bla.› Kɛ ɔ ´kan ndɛ'n kle min sɔ'n, kpɛkuun min wunmiɛn'n bali min nun. Yɛ n seli i kɛ: ‹Nannan, sɛ ɔ waan a ´kan ndɛ'n kan, afin w'a man min wunmiɛn.›

Daniɛl 10:19 ပူးပေါင်းရင်းမြစ်များ

Jue Mun 138:3

I nun bɔ n kpan flɛli wɔ'n, a tɛli mín su. A wlali min fanngan, a mannin min wunmiɛn.

Ezai 35:4

Be nga bé wla ɔ'a bo'n, amun `se be kɛ: «Amun `jran kekle, nán srɛ kun amun, amun Nyanmiɛn'n yɛ. Ɔ ba kɛ ɔ wa tu amun klunngbɔ'n ´man amun, yɛ sa nga amun kpɔfuɛ'm be yoli amun'n, ɔ ´yi man be. I bɔbɔ su ba amun delɛ.»

Ezai 41:10

nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .

Ezai 41:14

Zakɔb osu nunfuɛ mun, amun bɔ amun ti kɛ kakaa kanngan mun sa'n, Izraɛlfuɛ kanngan nga amun kali lɛ'n, nán srɛ kun amun, n su ba amun ukalɛ. Min Anannganman bɔ n ti Izraɛl Nyanmiɛn'n, bɔ n ti amún ti kpɔfuɛ'n, min yɛ n se sɔ-ɔ.

Daniɛl 10:18

Kpɛkuun like nga n wunnin i b'ɔ ti kɛ klɔ sran sa'n, ɔ kannin min ekun nan ɔ'a man min wunmiɛn.

Daniɛl 9:23

Kɛ a boli ɔ srɛlɛ'n bo cɛ'n, be kannin ndɛ kun, m bali kɛ n wa kan ndɛ sɔ'n n ´kle wɔ. Afin a ti Nyanmiɛn i anwlɛn su sran. Mian ɔ nyin nan wun ndɛ sɔ'n i wlɛ nan wun aolia nun sa nga i bo.

Ndɛ Nga Nyanmiɛn I Nuan Ijɔfuɛ Aze Kannin'n 2:4

I ti Zorobabɛl, mian ɔ́ nyin, Zozadak wa Zozie, wɔ bɔ a ti min nyrun jranfuɛ'm bé su kpɛn'n, tra wɔ anwlɛn! Amun kwlaa nga amun wo Izraɛl mɛn'n nun'n, amun `tra amun anwlɛn yɛ amun `di junman'n, afin m bɔbɔ min Anannganman bɔ n sie mɛn wunmuan'n, n jin amún sin. M bɔbɔ min yɛ n fua n kle amun sɔ-ɔ.

Zakari 8:13

Zidafuɛ mun nin Izraɛlfuɛ mun, kɛ laa an bo sanndili nvle'm be nun bɔ be fa wunnin kɛ sannzan o amun su'n, kɛ n wa de amun, siɛn'n, be ´wun kɛ an ti muaefuɛ. Nán srɛ kun amun, an `tra amun anwlɛn !»

Zakari 8:9

Anannganman b'ɔ sie mɛn wunmuan'n wan yoo: «Amun nga amun tili ndɛ nga min nuan ijɔfuɛ'm be kannin'n, cɛn nga min bɔ n sie mɛn wunmuan'n min sua'n i kplanlɛ'n ju nan be ´wlɛ i bo ase'n, an `jran kekle.

Jean 11:3

I niaan bla nnyɔn sɔ'm be sunmannin sran kɛ ɔ ko se be Min Jésus kɛ i sran kpa'n ɔ'a tɔ tukpacɛ.

Jean 11:36

Ɔ man Zuif'm be seli kɛ: «Niɛn i klolɛ b'ɔ klo i-ɔ.»

Jean 11:5

Jésus klo Mart nin i niaan bla yɛ Lazar bé sa.

Jean 14:27

N ´yo man amún wun ´jɔ amun fɔuun, yɛ amun ´di alaje kɛ min sa. Alaje nga mɛn nunfuɛ'm be yra bé nuan kɛ sran di'n, ɔ nin n liɛ'n ti-man kun. Nán amún wla bo, nán srɛ kun amun.

Jean 16:33

N kɛnnin i kwlaa sɔ'n kleli amun nan amún wun `jɔ amun fɔuun sran wunmuan bɔ min nin amun y'a kaci'n ti. Amun wa wun amún nyin su kpa, sanngɛ an `tra amun anwlɛn, mɛn nga nun wa'n, min yɛ n kwlaa-a.»

Jean 19:26

Kɛ Jésus wunnin i nin'n ɔ nin i sɔnnzɔnfuɛ ng'ɔ klo i kpa'n kɛ be jin lɛ'n, ɔ seli i nin kɛ: «Mmo, ɔ́ wa'n yɛ ɔ o lɛ-ɔ.»

Jean 21:20

Piɛr kpɛli i nyin nan ɔ'a wun Jésus i sɔnnzɔnfuɛ ng'ɔ klo i kpa'n bɔ kɛ be ´di like'n ɔ kisa Jésus wue nun'n, ɔ usɛli i kɛ: «?Nannan, wan yɛ ɔ ´fa wɔ man sran mun-ɔn?»

1 Korɛntfuɛ Mun 16:13

An `nian amún wun kpa, an `lafi Krist su, an `jran kekle, an `yo man be wun kɛ an ti yasua bɔ amun anwlɛn sɔ .

2 Korɛntfuɛ Mun 12:9

Sanngɛ ɔ seli n kɛ: «Ye nga n yo wɔ'n ɔ ju wɔ, afin kɛ sran'n ɔ lɛ-man wunmiɛn'n i nun sɔ'n nun yɛ n yi min wun nglo kɛ n kwla like'n kwlaa yo-ɔ.» Ɔ man n klun jɔ n fuɛn bɔ n ti'n su nan Krist yi i dan'n b'ɔ ti'n i nglo.

Efɛzfuɛ Mun 6:10

Min ndɛ'n i atabo'n yɛ: Man e Min'n tin amun sran wunmuan bɔ amun nin i amu'an kaci nin i kwlalɛ b'ɔ lɛ-man wunsu'n ti.

2 Timote 2:1

I sɔ'n ti ɔ liɛ'n, ń wa, ye nga kɛ e nin Krist-Jésus e kacili sran wunmuan'n ɔ yoli ye'n ti, jran kekle.

Zozie 1:9

Nán ɔ́ wla fi ndɛ nga n kan kleli wɔ'n su: jran kekle, yo yakpafuɛ, nán srɛ kun wɔ, nán ɔ klun titi wɔ, afin min Anannganman ɔ Nyanmiɛn'n lika kwlaa nga a ´kɔ'n n jin ɔ́ sin.»

Sa nglô yile 1:17

Kɛ n wunnin i'n, n finnin ase i bo lɛ, yɛ n kacili kɛ fuɛn sa. Ɔ fɛ i sa fama'n fuali min wun yɛ ɔ seli kɛ: «Nán srɛ kun wɔ ! Min yɛ n ti like'n kwlaa i klikli nin i awieliɛ nin-ɔn.

Jɔlɛ Difuɛ Mun 6:23

Anannganman seli i kɛ: «Gua ɔ́ wla ase, nán ɔ́ klun titi wɔ, a su wu-man.»