Daniɛl 10:16 - NYANMIƐN NDƐ'N 1998

¹⁶ Kpɛkuun like kun ti kɛ klɔ sran sa ɔ kannin mín nuan bui'n. N ukeli mín nuan'n n seli sran ng'ɔ jin min nyrun lɛ'n kɛ: ‹Nannan, aolia nun like'n ɔ boli mín wla, i yɛ ɔ yoli yɛ man fanngan fi nun-man min nun kun nin-ɔn.

Daniɛl 10:16 ပူးပေါင်းရင်းမြစ်များ

Ezipt Lɔ Tulɛ'n 4:10

Moiz seli Anannganman kɛ: «Min Min, n ´srɛ wɔ kpa ti-ɔ, n ti-man sran b'ɔ ti ijɔfuɛ-ɔ. N ti-man sran bɔ ijɔ nzra nun titi-ɔ, kɛ a nin min ijɔ yɛ'n bɔbɔ n tɛ o min osu'n nun. Mín nuan'n sin-man ndɛndɛ, min ijɔlɛ ti tankantankan.»

Ezipt Lɔ Tulɛ'n 4:13

Moiz waan: «N ´srɛ wɔ kpa ti-ɔ, min Min, sunman sran uflɛ.»

Akunndanfuɛ'n 1:18

Afin ɔ sran nga a ti akunndanfuɛ dan'n, wɔ awlaboɛ'n yo dan, yɛ ɔ sran nga ɔ́ silɛ'n cɛnnin'n, ɔ́ nyrun yɛ a wun i-ɔ.

Ezai 6:7

Ɔ fa kannin mín nuan'n yɛ ɔ seli kɛ: «Nga ɔ'a kan ɔ́ nuan bui mun, ɔ́ sa tɛ'n ɔ'a wie, b'a yaci ɔ fɔnlɛ mun b'a cɛ wɔ.»

Zeremi 1:9

Yɛ Anannganman tinngɛli i sa'n nun nan ɔ'a kan mín nuan'n, yɛ ɔ seli min kɛ: «M'an fa min ndɛ'n m'an wla ɔ́ nuan.

Ezekiɛl 1:26

Like sɔ'n, like kun o su, ɔ yo kɛ yɛbuɛ kpa bɔ be flɛ safir'n sa. Yɛ ɔ fa famiɛn bia. Yɛ like b'ɔ ti kɛ sran sa'n, ɔ ti like b'ɔ ti kɛ famiɛn bia sa'n su .

Ezekiɛl 3:27

Sanngɛ sɛ min waan n ´fa min ndɛ'n n ´wla ɔ́ nuan nan a kan'n, n ´tike ɔ́ nuan'n kpɛkuun a ´kwla ijɔ. Kpɛkuun se be kɛ: ‹Anannganman'n Nyanmiɛn wan yoo.› Sran nga i waan ɔ ´ti'n, ɔ ´ti. Sran nga i waan ɔ ti-man'n, ɔ su ti-man, afin be ti sran nyin keklefuɛ.»

Ezekiɛl 33:22

Nnɔsua i sin nan ɔ'a ba'n, Anannganman yili i kwlalɛ b'ɔ kwla'n i nglo min nun, ɔ man n kwlali ijɔ. Blɛ bɔ sran ng'ɔ fiteli nun'n ɔ ´to min lɛ nglɛmun'n, n ti-man bobo kun, n kwla ijɔ.

Daniɛl 12:8

M bɔbɔ min Daniɛl, n tili ndɛ sɔ mun, sanngɛ m'an wun-man be wlɛ. I sɔ ti nan m'an usɛ i kɛ: ‹?Nannan, sa sɔ'n i bo wa gua sɛ?›

Daniɛl 4:19

Nannan, wɔ yɛ a ti waka sɔ nin-ɔn. W'a yo dan, yɛ w'a nyan wunmiɛn. Ɔ dan'n, sɛ e ´kwla se'n, ɔ'a nyin lele i ti'n ɔ'a to nyanmiɛn b'ɔ la nglo lɔ plaii'n, yɛ ɔ sielɛ'n kusu kɔ lele ju asiɛ'n i awieliɛ.

Daniɛl 7:15

«Min Daniɛl, mín wla boli min wun. Min aolia nun ninnge sɔ bɔ n wunnin be'n be wlali min srɛ kpa.

Daniɛl 7:28

Ndɛ nga i awieliɛ'n yɛ ɔ o lɛ-ɔ. M bɔbɔ min Daniɛl, srɛ dan kpa kunnin min, n kpali sa fuaii. Yɛ i sɔ sa'm be kali min klun tititi.»

Daniɛl 8:15

«Blɛ bɔ m bɔbɔ min Daniɛl n ´nian aolia nun ninnge sɔ'n, bɔ n kunndɛ kɛ n ´si i bo'n, n ´wun i-ɔ like kun ti kɛ sran sa ɔ wa jrannin min nyrun lɛ.

Daniɛl 8:17

Gabriɛl bali lika nga n wo nun'n i wun koko lɛ. Kɛ ɔ mantannin min'n, srɛ dan kpa kunnin min, yɛ n utuli mín nyin ase-ɔ. Ɔ seli min kɛ: ‹Wɔ, klɔ sran, si kɛ like nga a wunnin i lɛ'n, ɔ ti mɛn'n i awieliɛ'n i wun ndɛ.›

Daniɛl 8:18

Kɛ ɔ ´ijɔ kle min'n, wuun mín nyin tɛ utu ase, mín nyrun bluli. Ɔ fɛ i sa kannin min, kpɛkuun ɔ yoli man n jasoli.

Daniɛl 8:27

Kɛ ɔ yoli sɔ'n, min Daniɛl, min wunnɛn'n lololi min sa kplɛkɛɛ, yɛ n tɔli tukpacɛ, n dili cɛn kaka. I sin n jasoli nan m'an di famiɛn i junman mun. Srɛ dan kpa kunnin min like nga n wunnin be bɔ n si-man bé bo'n ti.»

Daniɛl 9:21

Kɛ bɔ n tɛ ijɔ sɔ'n, kpɛkuun anz Gabriɛl nga bɔ n dun mmua wunnin i aolia nun klikli kun'n, ɔ tuli ndɛndɛ ɔ wunngeli mín wun wa, nnɔsua nun blɛ nga i nun yɛ be yi sraka'n i su yɛ ɔ bali-ɔ.

JÉSUS-CHRIST I DYASIN FE'N BO LUC KLELI'N 1:64

Bé ja osu kunngba'n nun kpɛkuun ɔ'a kwla ijɔ, yɛ ɔ yili Nyanmiɛn ayɛ-ɔ.

JÉSUS-CHRIST I DYASIN FE'N BO LUC KLELI'N 21:15

Afin m bɔbɔ yɛ n ´fa ndɛ nga amun ´kan'n wla amún nuan-an, yɛ m bɔbɔ yɛ n ´kle amun ngwlɛlɛ-ɔ, ɔ man amun kpɔfuɛ'm be su kwla kpalo-man amún nuan yɛ be su si-man amun akplowa.

Jean 20:28

Yɛ Tomas seli i kɛ: «Min Min, min Nyanmiɛn!»

Zozie 5:14

Sran sɔ'n tɛli i su kɛ: «N ti-man be wie fi, n ti Anannganman i alɛ kunfuɛ'm be su kpɛnngbɛn. N julɛ yɛ.» Yɛ Zozie tɔli utuli i nyin ase nan ɔ'a se i kɛ: «Min Min, ń su o ɔ nuan'n bo.»

Sa nglô yile 1:13

N wun like kun be afiɛn lɛ, ɔ fa sran, tralɛ tɛnndɛn kun wlɛ i wun, tralɛ sɔ'n ɔ kpɛn i ja ngbabua'n su, yɛ sika ɔkwlɛ kplo ci i wue'n nun .

Jɔlɛ Difuɛ Mun 13:8

Yɛ Manɔak srɛli Anannganman seli kɛ: «Nannan, yaci, Nyanmiɛn sran nga a sunmɛnnin i'n, man ɔ bla ekun. Man ɔ wa kle e like ng'ɔ fata kɛ e yo e man ba bɔ e wa wu i'n.»

Jɔlɛ Difuɛ Mun 6:13

Zedeɔn tɛli i su kɛ: «?Ai nannan, sɛ Anannganman nin e o nun'n, yɛ wuun ɔ yo sɛ ti yɛ sa nga'm be ju e su-ɔ? ?Abonuan sa nga e si'm be kan kle e bɔ be waan: ‹Anannganman i fanngan nun yɛ e fin Ezipt lɔ e bali'n,› i sɔ abonuan sa liɛ ɔ yo sɛ ti yɛ e wun-man be kun-ɔn? Andɛ e yɛ Anannganman ɔ'a yi e blo yɛ, ɔ'a fa e ɔ'a wlɛ i Madianfuɛ'm bé sa nun.»

Jɔlɛ Difuɛ Mun 6:15

Zedeɔn seli i kɛ: «?Nannan, nguɛ bɔ cɛ yɛ n ´fa de Izraɛl nvle nin-ɔn? Min awlo'n yɛ ɔ ti Manase akpasua'm be kasiɛn nin-ɔn. N kusu min yɛ n ti mín si i awlofuɛ'm be nun kaan-an.»