Daniɛl 10:12 - NYANMIƐN NDƐ'N 1998

¹² Ɔ seli min ekun kɛ: ‹Daniɛl, nán srɛ kun wɔ! Kɛ ɔ fin i cɛn klikli bɔ a kannin ɔ́ wun ase ɔ Nyanmiɛn'n i nyrun'n, bɔ a nyannin anwlɛn kɛ a ´kunndɛ sa nga be juli'n bé bo'n, Nyanmiɛn tili ɔ srɛlɛ'n, kpɛkuun n kusu n fali atin'n kɛ n ´fɛ i su tɛlɛ'n n fa blɛ wɔ.

Daniɛl 10:12 ပူးပေါင်းရင်းမြစ်များ

Jue Mun 69:10

Ɔ sua'n i klolɛ'n ɔ'a kun n kpo. Nzowa nga be ko kpɛ wɔ'n, min yɛ be fa kpɛ min-ɔn .

Ezai 35:4

Be nga bé wla ɔ'a bo'n, amun `se be kɛ: «Amun `jran kekle, nán srɛ kun amun, amun Nyanmiɛn'n yɛ. Ɔ ba kɛ ɔ wa tu amun klunngbɔ'n ´man amun, yɛ sa nga amun kpɔfuɛ'm be yoli amun'n, ɔ ´yi man be. I bɔbɔ su ba amun delɛ.»

Ezai 41:10

nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .

Ezai 41:14

Zakɔb osu nunfuɛ mun, amun bɔ amun ti kɛ kakaa kanngan mun sa'n, Izraɛlfuɛ kanngan nga amun kali lɛ'n, nán srɛ kun amun, n su ba amun ukalɛ. Min Anannganman bɔ n ti Izraɛl Nyanmiɛn'n, bɔ n ti amún ti kpɔfuɛ'n, min yɛ n se sɔ-ɔ.

Ezai 58:9

I liɛ'n, sɛ amun flɛ Anannganman'n, ɔ ´tɛ amun su. Sɛ amun kpan flɛ i'n, ɔ ´se amun kɛ: ‹Min yɛ!› Sɛ amun yaci sran'm be su tinlɛ amun afiɛn'n, sɛ amun yaci ndɛ kpɛlɛ'n, sɛ amun yaci ndɛ ngbɛn-ngbɛn'm be kanlɛ'n ,

Ezai 65:24

Yɛ m bɔbɔ n ´dun mmua n tɛ be su kwlaa nan b'a flɛ min, be nuan su tɔ-man nan m'an yo like nga be usa'n m'an man be.

Daniɛl 10:11

Yɛ ɔ seli min kɛ: ‹Daniɛl, wɔ bɔ a ti Nyanmiɛn i anwlɛn su sran'n, mian ɔ́ nyin nan wun ndɛ nga n wa kan kle wɔ yɛ'n i bo. Jaso jran nglo, afin ɔ́ sin yɛ be sunmannin min yɛ.› Kɛ ɔ seli min sɔ'n, n jasoli, wuun n ´usu.

Daniɛl 10:19

Yɛ ɔ seli min kɛ: ‹Nyanmiɛn i anwlɛn su sran, nán srɛ kun wɔ. Man ɔ́ wun jɔ wɔ fɔuun. Tra wɔ anwlɛn, man ɔ wunmiɛn'n bla.› Kɛ ɔ ´kan ndɛ'n kle min sɔ'n, kpɛkuun min wunmiɛn'n bali min nun. Yɛ n seli i kɛ: ‹Nannan, sɛ ɔ waan a ´kan ndɛ'n kan, afin w'a man min wunmiɛn.›

Saun Yolɛ 16:29

Nian, mmla kun yɛ ɔ o yɛ, amun `di su titi: afuɛ kwlaa kɛ anglo nso'n ko ju'n, i cɛn ba blu'n su'n, amun Izraɛlfuɛ mun, ɔ nin aofuɛ ng'ɔ o Izraɛl asiɛ'n su'n, amun kwlakwla, amun `ci nglɛmun, yɛ nán amun di junman fi.

Saun Yolɛ 16:31

Cɛn sɔ'n, amun `fa yo amun wunmiɛn-delɛ-cɛn mlɔnmlɔn, yɛ amun `fa yo amun nglɛmun cilɛ cɛn. I sɔ mmla liɛ'n, amun `di su tititi.

Kalɛ 29:7

«Anglo nso su'n i le blu su'n, amun `yia nan amun su min. Amun `ci nglɛmun, nán amun di junman fi.

Matthieu 28:10

Yɛ Jésus seli be kɛ: «Nán srɛ kun amun, an `wɔ ko se n niaan'm be kɛ be wɔ Galile lɔ, lɔ yɛ be ´wun min-ɔn.»

Matthieu 28:5

Sanngɛ anz'n seli bla'm be kɛ: «Amun liɛ'n, nán srɛ kun amun, afin n si kɛ an su kunndɛ Jésus bɔ be boboli i waka'n su'n.

Marc 16:6

Ɔ seli be kɛ: «Nán srɛ kun amun. An su kunndɛ Jésus b'ɔ fin Nazarɛt'n bɔ be boboli i waka'n su'n, ɔ cɛnnin, ɔ nun-man wa, an `nian kan be sieli i'n yɛ .

JÉSUS-CHRIST I DYASIN FE'N BO LUC KLELI'N 1:13

Yɛ anz'n seli i kɛ: «Zakari, nán srɛ kun wɔ, afin ndɛ nga a kan kleli Nyanmiɛn'n, ɔ tili. Ɔ yi Elizabɛt ɔ wa wu ba yasua kun man wɔ, a ´tɔn i dunman Zan.

JÉSUS-CHRIST I DYASIN FE'N BO LUC KLELI'N 1:30

Anz'n seli i kɛ: «Mari, nán srɛ kun wɔ, afin Nyanmiɛn a bu wɔ sran.

JÉSUS-CHRIST I DYASIN FE'N BO LUC KLELI'N 2:10

Sanngɛ anz'n seli be kɛ: «Nán srɛ kun amun mlɔnmlɔn, m ma bo jasin fɛ kun kle amun b'ɔ wa jɔ sran'm be kwlaa be klun.

JÉSUS-CHRIST I DYASIN FE'N BO LUC KLELI'N 24:38

Yɛ ɔ usali be kɛ: «?Nguɛ ti yɛ amun akunndan sanngan sɔ bɔ an bu akunndan kɛ nga sa-a?

Sa nga bé yôli'n 27:24

‹Pɔl, nán man srɛ kun wɔ, afin kannzɛ ɔ yo sɛɛ, san a ´ju Sezar nyrun lɔ. Nian, ɔ ti be nga a nin be o mmeli'n nun'n be kwlaa, Nyanmiɛn man be ´nyan bé ti.›

Sa nglô yile 1:17

Kɛ n wunnin i'n, n finnin ase i bo lɛ, yɛ n kacili kɛ fuɛn sa. Ɔ fɛ i sa fama'n fuali min wun yɛ ɔ seli kɛ: «Nán srɛ kun wɔ ! Min yɛ n ti like'n kwlaa i klikli nin i awieliɛ nin-ɔn.