Daniɛl 1:9 - NYANMIƐN NDƐ'N 1998

⁹ Nyanmiɛn man junman difuɛ'm bé su kpɛn'n yoli Daniɛl ye, yɛ ɔ sili i aunnvuɛ.

Daniɛl 1:9 ပူးပေါင်းရင်းမြစ်များ

Bo Bolɛ 32:28

Sran'n usɛli kɛ: «?Be flɛ wɔ sɛ?» Ɔ tɛli i su kɛ: «Be flɛ min Zakɔb.»

Bo Bolɛ 39:21

Anannganman nin Zozɛf o nun. Ɔ yoli i kpa, ɔ man i wun yoli bisua su kpɛn'n i fɛ.

1 Famiɛn Mun 8:50

Yaci bé sa nga be yoli wɔ'n, ɔ nin be nyin bɔ ɔ'a yi-man wɔ'n kwlaa cɛ be. Yo man be kpɔfuɛ'm be si be aunnvuɛ.

Neemi 1:11

Min Min, sie ɔ́ su tie min srɛlɛ'n ɔ nin ɔ sran nga be nyin yi wɔ'n be srɛlɛ'n. Man n nyan muae ndɛkɛn, yo man n nyan jranwlɛ bian sɔ'n i nyrun.» I blɛ sɔ nun'n, wuun n ti famiɛn'n i nzan sufuɛ.

Neemi 2:4

Famiɛn'n usali min kɛ: «?Nguɛ yɛ ɔ waan n yo m man wɔ-ɔ?» Yɛ n srɛli nglo lɔ Nyanmiɛn nin-ɔn.

Ɛstɛr 2:9

Ɛstɛr wun yoli Egai fɛ kpa yɛ ɔ kloli i sa. Ɔ man ɔ fali nyanngo nin wunnzinlɛ ninnge'm be kwlaa, ɔ nin sika ng'ɔ ko fa ko to i ninnge kanngan mun mɛnnin i ndɛndɛ kpa. Ɔ mɛnnin i famiɛn'n i awlo nun talua nso nga be waan be fa be mɛn i'n, kpɛkuun ɔ fali be nin i sieli sua ba kpafuɛ'n nun.

Zɔb I Nyrɛnnɛn Wunlɛ 5:15

Kpɛkuun Nyanmiɛn de yalɛfuɛ nga be suɛ i wun aya'n bé sa nun, ɔ de i be bɔ be kwla'n bé sa nun.

Zɔb I Nyrɛnnɛn Wunlɛ 5:16

Ɔ man yalɛfuɛ'n ɔ nyan wla cicilɛ. Kpɛkuun ɔ man be nga be yo sa tɛ'n be nyan-man nuan be kan-man ndɛ.

Jue Mun 106:46

Ɔ yoli man be nga be trali be lomuɛn'n, be kwlaa be sili be aunnvuɛ.

Jue Mun 4:3

?Amun klɔ sran mun, amun ´saci min dunman lele ju cɛn onin? ?Amun ´tɔn min suɛn ngbɛn'n lele ju cɛn onin? ?Like nga bɔ m'an yo-man'n bɔ amun fa sie mín su'n, amun ´yo i sɔ lele ju cɛn onin?

Nyanndra Mun 16:7

Sɛ Anannganman klo sran kun nantilɛ'n, sɛ ɔ wie i kpɔfuɛ mun bɔbɔ o, ɔ siesie i nin be be afiɛn.

Daniɛl 1:10

Junman difuɛ'm bé su kpɛn'n seli Daniɛl kɛ: «Nannan bɔbɔ yɛ ɔ kleli aliɛ ng'ɔ fata kɛ amun di nin nzan ng'ɔ fata kɛ amun nɔn nin-ɔn. N sro nannan, afin sɛ ɔ wa wun kɛ amu'an yo kokloo'n nan gbanflɛn kun nga mun bɔ be nin amun sɛ tukpɛ'n be wunnɛn o nun'n, amun dunman nun ti famiɛn man be ´kpɛ n ti'n.»

Sa nga bé yôli'n 7:10

Ɔ deli i afɛ'n kwlaa nun, ɔ man ɔ nyannin nyrun Ezipt famiɛn i nyrun. Famiɛn'n wunnin kɛ ɔ ti ngwlɛlɛfuɛ, nan ɔ'a fɛ i a sie Ezipt mɛn'n ɔ nin i awlo'n i su kpɛn .