Daniɛl 1:7 - NYANMIƐN NDƐ'N 1998

⁷ Famiɛn'n i junman difuɛ'm be su kpɛn'n tɔnnin be dunman uflɛ. Daniɛl liɛ'n yɛlɛ Bɛltsazar, Anania liɛ'n yɛlɛ Sadrak, Mikaɛl liɛ'n yɛlɛ Mesak, yɛ Azaria liɛ'n yɛlɛ Abɛd-Nego.

Daniɛl 1:7 ပူးပေါင်းရင်းမြစ်များ

Bo Bolɛ 41:45

Ezipt famiɛn'n tɔnnin Zozɛf dunman kɛ Zafnat-Paɛneak. Ɔ fali Potifera b'ɔ ti Eliopolis amuɛn i nyrun tranfuɛ i wa bla'n bɔ be flɛ i kɛ Asnat'n, mɛnnin i kɛ ɔ jɛ i. Kɛ ɔ yoli sɔ'n, Zozɛf wlannin Ezipt mɛn wunmuan'n nun siɛn'n.

2 Famiɛn Mun 23:34

Ezipt famiɛn'n bɔ be flɛ i Neko'n fali Zozias i wa Eliakim sieli i si osu. Ɔ kacili i dunman'n, ɔ flɛli i Zozakim. Ɔ fali Zɔakaz ɔli Ezipt. Zɔakaz ko wuli lɔ .

2 Famiɛn Mun 24:17

I sin'n Babilɔni famiɛn'n fali Matania b'ɔ ti Zozakin i si niaan bian'n, sieli Zozakin osu, kpɛkuun ɔ kacili i dunman kɛ Sedesias .

Daniɛl 1:19

Famiɛn'n nin be kwlaa be ijɔli. Kɛ ɔ niannin gbanflɛn sɔ'm be kwlaa'n, ɔ'a wun-man be nun sran kun bɔ i nyrun ba nyan kɛ Daniɛl, nin Anania, nin Mikaɛl, ɔ nin Azaria be sa-a. Yɛ be boli famiɛn i junman'n i dilɛ i bo-ɔ.

Daniɛl 1:3

Nɛbikadnɛzar wlali i junman difuɛ'm be su kpɛn nga be flɛ i Aspɛnaz i su nun kpa kɛ ɔ `kpa Izraɛl gbanflɛn nga be ti famiɛn ba annzɛ diewa ba mun, nan ɔ fa be bla .

Daniɛl 10:1

Siris b'ɔ ti Pɛrs famiɛn'n i sielɛ'n i afuɛ nsan su'n, Nyanmiɛn kannin ndɛ kun kleli Daniɛl b'ɔ suan Bɛltsazar'n. Ndɛ sɔ'n ti nanwlɛ. Ɔ kan alɛ dan kpa kun b'ɔ wa tɔ'n i ndɛ. Daniɛl buli i akunndan kpa yɛ ɔ wunnin i bo. Aolia nun like b'ɔ wunnin i'n ti yɛ ɔ wunnin i bo nin-ɔn .

Daniɛl 2:26

Famiɛn'n usali Daniɛl bɔ be flɛ Bɛltsazar'n kɛ: «?A ´kwla kanngan laliɛ nga n cɛnnin'n kle min, yɛ a kwla tu i bo?»

Daniɛl 2:49

Daniɛl srɛli famiɛn'n kɛ ɔ `fa Babilɔni akpasua'n ɔ `man Sadrak, nin Mesak, ɔ nin Abɛd-Nego kɛ be `nian su. Famiɛn kplinnin su. Daniɛl bɔbɔ liɛ'n, ɔ trannin famiɛn'n i awlo lɔ, ɔ yoli i mantanfuɛ.

Daniɛl 4:5

Kɛ ɔ cɛli kan'n, Daniɛl wa toli min. Daniɛl sɔ'n be flɛ i kɛ Bɛltsazar, be fali min amuɛn'n i dunman yɛ be tɔnnin i-ɔ. Nyanmiɛn Kpli'n i wawɛ'n wo i nun. N kannin min laliɛ'n n kleli i.

Daniɛl 4:8

Waka sɔ'n yoli fleiin kpa, yɛ ɔ trɛli kpa. I sama'm be ti tɛnndɛn kpa, be to nyanmiɛn b'ɔ la nglo lɔ plaii'n lɔ. Asiɛ'n i lika kwlaa nga be jran lɛ'n, bé nyin ta waka sɔ'n.

Daniɛl 5:12

Sran sɔ'n bɔ be flɛ i Daniɛl b'ɔ si tɔnnin i dunman kɛ Bɛltsazar be wunnin kɛ wawɛ ng'ɔ o i nun'n nin sran nga'm be liɛ'n ti-man kun. Afin ɔ wun sa'm be wlɛ, ɔ si ngwlɛlɛ, ɔ kwla tutu laliɛ'm be bo, ɔ tu nyanndra nun sa'm be bo, yɛ ɔ yiyi nvialiɛ nun sa'm be nun. Man be ko flɛ Daniɛl sɔ'n bɔ famiɛn'n tɔnnin i dunman kɛ Bɛltsazar'n be bla. Ɔ wa tutu fluwa nga be klɛli'n i bo.»