Daniɛl 1:17 - NYANMIƐN NDƐ'N 1998

¹⁷ Nyanmiɛn mannin gbanflɛn nnan sɔ'm be sa wlɛ wunlɛ, nin aniɛn tilɛ'n i wun ngwlɛlɛ, ɔ nin akunndan dan. Daniɛl tutu aolia nun ninnge kwlaa nin laliɛ'm be kwlaa bé bo .

Daniɛl 1:17 ပူးပေါင်းရင်းမြစ်များ

1 Famiɛn Mun 3:12

i ti like nga a usali'n, n wa yo man wɔ. N wa man wɔ ngwlɛlɛ, a ´yo akunndanfuɛ dan. Sran fi nian nyɛn-mɛn i sɔ ngwlɛlɛ'n le, yɛ sran fi su nyɛn-mɛn i sɔ le nan kɛ ɔ ´yo ɔ'a yo-ɔ.

1 Famiɛn Mun 3:28

Izraɛlfuɛ'm be kwlaa be tili ndɛ sɔ'n bɔ famiɛn'n ɔ kpɛli nun klanman'n, ɔ man bé nyin yili i, afin be wunnin i kɛ Nyanmiɛn i ngwlɛlɛ'n yɛ ɔ ukɛli i jɔlɛ sɔ'n i dilɛ nun-ɔn.

2 Be Nyoliɛ 1:10

I ti nga n ´usa'n yɛlɛ kɛ a man min ngwlɛlɛ ɔ nin akunndan bɔ be fa wun sa'm be wlɛ'n kɛ ɔ ´yo nan m'an sie nvle sɔ'n ti. Sɛ ɔ'a yo-man sɔ-ɔ, sran kun kwla sie-man ɔ nvle'n, afin ɔ ti dan. N waan a man min akunndan bɔ be fa wun sa'm be wlɛ'n ekun.»

2 Be Nyoliɛ 1:12

i sɔ'n ti n ´fa ngwlɛlɛ nin akunndan nga be fa wun sa'm be wlɛ'n m ´man wɔ. M ´man wɔ anyanbeun, nin ninnge kpanngban, ɔ nin anyrunnyan ekun. Ninnge nga n wa fa be man wɔ lɛ'n, famiɛn nga be dunnin mmua ɔ nyrun'n, wie fi nian nyɛn-mɛn i sɔ le, yɛ famiɛn nga be wa ba ɔ sin'n, wie fi su nyɛn-mɛn i sɔ le.»

2 Be Nyoliɛ 26:5

Blɛ bɔ Zakari nyin tɛ o su'n, Ozias miɛnnin i nyin fɛli i wun mantannin Nyanmiɛn kpa, afin Zakari kle i kɛ ɔ sro Nyanmiɛn. I sɔ'n ti, Nyanmiɛn man i ninnge ng'ɔ yoli be'n be yoli ye.

Zɔb I Nyrɛnnɛn Wunlɛ 32:8

Kannzu nanwlɛ, Nyanmiɛn b'ɔ kwla like kwlaa yo'n i Wawɛ'n yɛ man sran kun si ngwlɛlɛ-ɔ.

Nyanndra Mun 2:6

afin Anannganman yɛ ɔ man akunndan nin-ɔn. Sa silɛ'n nin ngwlɛlɛ'n be fin i.

Akunndanfuɛ'n 2:26

Afin Nyanmiɛn man sran nga i klun jɔ i wun'n i ngwlɛlɛ nin sa silɛ, ɔ nin aklunjuɛ. Ɔ yo man sran nga i klun jɔ-mɛn i wun'n, ɔ sua i bo ninnge mun fa man sran nga i klun jɔ i wun'n. N wunnin kɛ sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Ezai 28:26

I Nyanmiɛn'n yɛ ɔ kleli i i yowlɛ nin-ɔn. I yɛ ɔ kleli i like bɔ be yo be'n be su ngwlɛlɛ nin-ɔn.

Ezekiɛl 28:3

A bu i kɛ, Daniɛl i ngwlɛlɛ liɛ'n ɔ ju-man ɔ liɛ'n nun, nan like fi ti-man fiawa ɔ nyrun.

Daniɛl 1:18

Kɛ afuɛ nsan nga famiɛn Nɛbikadnɛzar kleli kɛ be `fa gbanflɛn nga be kpali be'n be kwlaa be kle i'n ɔ juli'n, junman i su kpɛn'n ɔ fali be ɔli i nyrun lɔ.

Daniɛl 1:20

Ndɛ kwlaa wie ala bɔ famiɛn'n usa be'n, b'ɔ fata kɛ akunndan nin ngwlɛlɛ yɛ be fa tɛ su'n, ɔ wunnin kɛ be tɛ su kpa trɛ i mɛn'n nun wunnzue yifuɛ fanunfanun'm be kwlaa lele kpɛ blu.

Daniɛl 1:4

I waan man be yo gbanflɛn bɔ fɔ kaan sa nun-man be wunnɛn'n su, bɔ be nyrun'n ti klanman, bɔ be ti akunndanfuɛ nin ngwlɛlɛfuɛ mun, bɔ be si like, bɔ be kwla di junman i awlo nun'n. I waan be `kle be Babilɔnifuɛ'm be aniɛn'n nin be fluwa'n.

Daniɛl 10:1

Siris b'ɔ ti Pɛrs famiɛn'n i sielɛ'n i afuɛ nsan su'n, Nyanmiɛn kannin ndɛ kun kleli Daniɛl b'ɔ suan Bɛltsazar'n. Ndɛ sɔ'n ti nanwlɛ. Ɔ kan alɛ dan kpa kun b'ɔ wa tɔ'n i ndɛ. Daniɛl buli i akunndan kpa yɛ ɔ wunnin i bo. Aolia nun like b'ɔ wunnin i'n ti yɛ ɔ wunnin i bo nin-ɔn .

Daniɛl 2:19

Kpɛkuun Nyanmiɛn yili nvialiɛ nun sa sɔ'n i nglo kleli Daniɛl aolia nun kɔnguɛ afiɛn. Nan Daniɛl ɔ'a la Nyanmiɛn b'ɔ o nglo lɔ'n i ase.

Daniɛl 2:21

I yɛ ɔ kaci blɛ'n nin sa nga be ju mun-ɔn, i yɛ ɔ yi famiɛn mun bia'n su-ɔ, i yɛ ɔ fa famiɛn mun sie bia'n su-ɔ. I yɛ ɔ man sa sifuɛ'm be akunndan nin-ɔn, i yɛ ɔ man ngwlɛlɛfuɛ'm be wun sa'm be wlɛ nin-ɔn.

Daniɛl 2:23

Min nannan'm be Nyanmiɛn, n ´la wɔ ase, m ´manman wɔ sa wlɛ wunlɛ nin wunmiɛn bɔ a mannin min'n ti. A fali like nga e srɛli wɔ'n a kleli min, a kle ye like nga famiɛn'n kunndɛ kɛ ɔ ´si i'n.»

Daniɛl 2:30

Sɛ Nyanmiɛn yili sa sɔ'n i nglo kleli min'n nán kɛ min ngwlɛlɛ'n tra sran'm be kwlaa be liɛ'n ti-ɔ. Sanngɛ kɛ ɔ ´yo nan b'a tu laliɛ'n i bo b'a kle wɔ, nan w'a si like ng'ɔ sanngan wɔ akunndan'n, i ti yɛ ɔ yoli i sɔ-ɔ.

Daniɛl 4:6

N seli i kɛ: ‹Bɛltsazar, a ti sa sifuɛ'm bé su kpɛn, n si kɛ Nyanmiɛn Kpli'n i wawɛ'n wo ɔ nun. I sɔ'n ti, nvialiɛ nun sa'm be wunlɛ ti-man kekle ɔ́ sa nun. Tutu laliɛ nga n cɛnnin'n i bo kle min.

Daniɛl 5:14

N tili i kɛ Nyanmiɛn i wawɛ'n wo ɔ nun nan a si sa'm be bo, yɛ a si ngwlɛlɛ nan a si sa dan.

Daniɛl 7:1

Famiɛn Bɛlsazar i afuɛ klikli nga bɔ i nun yɛ ɔ trannin Babilɔni bia'n su'n, kɔnguɛ kun Daniɛl lɛ i bɛ'n su lɛ, kpɛkuun ɔ cɛnnin laliɛ yɛ ɔ wunnin aolia nun like mun. Kɛ ɔ cɛli kan'n, ɔ klɛli i laliɛ ng'ɔ cɛnnin'n, nan ɔ'a kɛn i nun sa nga be ti cinnjin'n.

Daniɛl 8:1

«Kɛ famiɛn Bɛlsazar trannin bia'n su, i afuɛ nsan su'n, min bɔbɔ min Daniɛl, n wunnin aolia nun like uflɛ. Kɛ n wunnin klikli liɛ'n, i sin yɛ n wa wunnin ng'ɔ o yɛ'n ekun-ɔn.

Kalɛ 12:6

Ɔ seli be kɛ: «Amun `tie min ndɛ'm be kpa. Mín nuan ijɔfuɛ kun b'ɔ o amun afiɛn sa'n, aolia nun yɛ n yi mín wun nglo n kle i-ɔ, laliɛ nun yɛ n kan ndɛ n kle i-ɔ.

JÉSUS-CHRIST I DYASIN FE'N BO LUC KLELI'N 21:15

Afin m bɔbɔ yɛ n ´fa ndɛ nga amun ´kan'n wla amún nuan-an, yɛ m bɔbɔ yɛ n ´kle amun ngwlɛlɛ-ɔ, ɔ man amun kpɔfuɛ'm be su kwla kpalo-man amún nuan yɛ be su si-man amun akplowa.

Sa nga bé yôli'n 6:10

sanngɛ be kwla kpalo-mɛn i ndɛ'n, afin Nyanmiɛn Wawɛ'n yɛ ɔ mɛn i ngwlɛlɛ b'ɔ fa ijɔ nin-ɔn.

Sa nga bé yôli'n 7:10

Ɔ deli i afɛ'n kwlaa nun, ɔ man ɔ nyannin nyrun Ezipt famiɛn i nyrun. Famiɛn'n wunnin kɛ ɔ ti ngwlɛlɛfuɛ, nan ɔ'a fɛ i a sie Ezipt mɛn'n ɔ nin i awlo'n i su kpɛn .

Sa nga bé yôli'n 7:22

Eziptfuɛ'm be kleli Moiz be ngwlɛlɛ'n kwlaa, ɔ si ijɔ kpa, yɛ ɔ yoli sran waka-waka.

Kolɔsfuɛ Mun 1:9

I sɔ'n ti'n, e kusu kɛ ɔ fin cɛn nga e tili amun ndɛ bɔ be kan'n, e srɛ Nyanmiɛn titi kɛ ɔ nian amun su. E srɛ i kɛ ɔ yo man an si ngwlɛlɛ nan an wun sa nga i Wawɛ'n kle amun'n i wlɛ nan an si i klun sa'n kpa.

Jacques 1:17

Like kpa kwlaa nga be fa man sran'n, ɔ nin like kpa kwlaa nga be nyɛn i'n, be fin e Si b'ɔ o nglo lɔ b'ɔ yili anglo'n, nin nzraama, ɔ nin wia'n bɔ be kpaja'n. I liɛ'n ɔ kaci-man mlɔnmlɔn, yɛ ɔ kpɛ-mɛn i wun kɛ lolɛ b'ɔ kpɛ i wun'n sa.

Jacques 1:5

Sɛ ngwlɛlɛ'n w'a ti-man amun nun wie kpa'n, man ɔ kan kle Nyanmiɛn bɔ i sa ti-man tankaan'n, b'ɔ fa like man sran'm be kwlaa ɔ ijɔ-mɛn i sin'n. Ɔ man sran sɔ'n ɔ ´wun sa wlɛ.