Daniɛl 1:12 - NYANMIƐN NDƐ'N 1998

¹² «N ´srɛ wɔ kpa ti-ɔ, sa ye cɛn ba blu nan nian. E ninnge nga e di be'n, nán nnɛn tran nun yɛ man be man e nzue ngbɛn nan e nɔn.

Daniɛl 1:12 ပူးပေါင်းရင်းမြစ်များ

Daniɛl 1:11

Junman su kpɛn'n fɛli i bɔbɔ Daniɛl, nin Anania, nin Mikaɛl, ɔ nin Azaria wlali sran kun sa nun kɛ ɔ nian be su. Daniɛl seli sran sɔ'n kɛ:

Daniɛl 1:13

I sin, nian ye nan nian gbanflɛn nga be di nannan bɔbɔ i aliɛ liɛ'n wie'n. Ɔ bɔbɔ a wa wun wafa nga e wa kaci'n. I sin nga ɔ waan a yo ye'n, yo ye.»

Daniɛl 1:16

I sɔ'n ti, aliɛ'n nin nzan nga be waan be ´fa man be'n, sran ng'ɔ nian be su'n ɔ yili be nun. Yɛ ɔ fa like nga nnɛn nun-man nun'n ngunmin yɛ ɔ fa man be-ɔ.

Rɔmfuɛ Mun 14:2

An `nian, sran wie o lɛ'n, ɔ lafi su kɛ ɔ kwla di like'n kwlaa, sanngɛ sran ng'ɔ nian wun-man sa ng'ɔ yo-ɔ ɔ ti su'n i wlɛ'n, aliɛ ngunmin yɛ ɔ di-ɔ, ɔ di-man nnɛn.

Mmla'n 8:3

Ɔ kannin amun ase, ɔ fali awe kleli amun nun. Kpɛkuun mani bɔ amun si-mɛn i laa'n, ɔ fa tali amun. Amun nannan'm b'a si-mɛn i bɔbɔ. I waan ɔ ´yo sɔ nan amu'an si kɛ nán aliɛ kunngba yɛ ɔ man sran nguan-an, nan ndɛ kwlaa ng'ɔ fin Anannganman'n nuan fite'n yɛ ɔ man sran nguan-an.

Sa nglô yile 2:10

Nán srɛ kun amun nyrɛnnɛn nga an wa wun i'n ti. An `nian, mmusu'm bé si Satan'n ɔ wa wla amun nun wie'm be bisua, ɔ ´sa amun nian. Amun ´wun nyrɛnnɛn le blu. Sɛ kunlɛ bɔbɔ yɛ be ´kun amun'n, an `tra amun anwlɛn, yɛ like nga n ´fa yo amun mo'n yɛlɛ nguan'n, ɔ ti kɛ famiɛn kle sa .