Daniɛl 1:1 - NYANMIƐN NDƐ'N 1998

¹ Kɛ Zozakim b'ɔ ti Zida famiɛn'n ɔ trannin bia'n su'n, i afuɛ nsan su'n, Nɛbikadnɛzar b'ɔ ti Babilɔni famiɛn'n, ɔ nin i sonja'm be bali kɛ be nin Zerizalɛmfuɛ'm be ´kun. Be kpɛli be ngblaliɛ'n sin yiali klɔ'n.

Daniɛl 1:1 ပူးပေါင်းရင်းမြစ်များ

2 Famiɛn Mun 23:36

Kɛ Zozakim ´yo famiɛn'n, wuun ɔ lɛ afuɛ ablaɔn-nin-nnun. Ɔ dili afuɛ blu-nin-kun Zerizalɛm lɛ. I nin suan Zɛbida, Pɛdaza ng'ɔ fin Rima'n i wa-a.

2 Famiɛn Mun 24:13

Nɛbikadnɛzar fali Anannganman i sua'n nin famiɛn sua'm be nun ninnge kpakpa mun, kɛ Anannganman fa kannin'n sa. Ɔ sacili sika ɔkwlɛ ninnge nga Salomɔn yoli bɔ be fa be sieli Anannganman i sua'n nun kɛ be fa su Anannganman'n.

Ezai 39:7

Be wa fa ɔ bɔbɔ ɔ osu'n nun ba yasua wie mun, be ´sɛ be, be ´fa be kɔ Babilɔni famiɛn i awlo lɔ, yɛ be ´su i.› »

Zeremi 25:1

Zida nvle'n i wun ndɛ nga Nyanmiɛn kan kleli Zeremi'n yɛ, Zozias b'ɔ ti Zida famiɛn'n i wa Zozakim i sielɛ'n i afuɛ nnan'n su yɛ ɔ kannin ndɛ sɔ'n kleli i-ɔ. Babilɔni famiɛn Nɛbikadnɛzar kusu i sielɛ'n i afuɛ klikli'n su-ɔ.

Zeremi 35:1

I nun bɔ Zozias b'ɔ ti Zida famiɛn'n i wa Zozakim tɛ o famiɛn bia'n su'n, Anannganman'n seli Zeremi kɛ yoo:

Zeremi 35:11

Kɛ Nɛbikadnɛzar b'ɔ ti Babilɔni famiɛn'n, nin i sran mun be bali kɛ be nin mɛn nga nunfuɛ mun be wa kun alɛ'n, e waan man e wanndi Babilɔni nin Aram alɛ kunfuɛ'm be nyrun e wɔ Zerizalɛm. Yɛ siɛn'n y'a a tran Zerizalɛm wa-a.»

Zeremi 36:1

Zozias b'ɔ ti Zida famiɛn i wa Zozakim i sielɛ'n i afuɛ nnan'n su yɛ Anannganman'n kannin ndɛ yɛ'n kleli Zeremi-ɔ. I waan:

Zeremi 45:1

Kɛ Zozias i wa Zozakim dili Zida famiɛn'n i afuɛ nnan'n su yɛ Nyanmiɛn nuan ijɔfuɛ Zeremi kannin ndɛ kleli Neriza i wa Barik yɛ i kusu klɛli-ɔ. I blɛ sɔ nun'n, Zeremi seli Barik bɔbɔ kɛ:

Zeremi 50:1

Ndɛ nga Anannganman'n fa wlɛli i nuan ijɔfuɛ Zeremi nuan kɛ ɔ kan man Babilɔni nin i mɛn mun'n yɛ:

Zeremi 52:12

Nɛbizaradan ti gladi difuɛ'm be su kpɛn, i kunngba'n ɔ ti famiɛn'n i sonja'm be su kpɛn'n kun. Le kun ɔ wa wluli Zerizalɛm klɔ'n nun. Kɛ ɔ ´ba sɔ'n, wuun Nɛbikadnɛzar yoli Babilɔni famiɛn ɔ'a di afuɛ blu-nin-ngwlan. Afuɛ blu-nin-ngwlan su'n i anglo nnun'n su yɛ ɔ bali sɔ nin-ɔn, wuun anglo'n ɔ'a di le blu.

Zeremi 52:28

Nɛbikadnɛzar i sielɛ'n i afuɛ nso'n su'n, ɔ trali sran akpi nsan sran ablaɔn-nin-nsan (3.023) be lomuɛn.

Daniɛl 5:13

Yɛ be fali Daniɛl ɔli famiɛn'n i nyrun lɔ-ɔ. Famiɛn'n ɔ usɛli i kɛ: «?Wɔ yɛ a suan Daniɛl nin-ɔn? ?A ti Zuif nga mín si b'ɔ ti famiɛn'n ko fali be kɛ kanga sa Zida lɔ bali'n be nun kun?