Kolɔsfuɛ Mun 4:3 - NYANMIƐN NDƐ'N 1998

³ Kɛ amun ´yo sɔ'n, an `srɛ Nyanmiɛn kɛ ɔ man e kusu ye atin man e kɛn i ndɛ'n yɛ e kwla kan Krist ndɛ'n bɔ Nyanmiɛn fiɛli i sran'm be nyrun'n, afin i ti yɛ man be wlali m bisua nin-ɔn.

Nyanmien nde Ufle

³ Ke amunh yôh so'n, anh sre Nyanmien ke o man é kusu é atin man é ken i nde'n, nan é kwla kan Christ nde bo Nyanmien fiee swran'm bé nyrun'n, afin i ti ye man bé wlaa m bisua nion.

Kolɔsfuɛ Mun 4:3 ပူးပေါင်းရင်းမြစ်များ

Matthieu 13:11

Jésus seli be kɛ: «Amun yɛ be yi Nyanmiɛn sielɛ'n i wun akunndan bɔ sran wun-mɛn i wlɛ'n i nglo kleli amun-ɔn, sanngɛ be nga'm be liɛ'n, b'a sie-mɛn i sɔ.

Sa nga bé yôli'n 14:27

Kɛ be juli lɔ'n, be yiali asɔnunfuɛ mun, be kannin sa nga Nyanmiɛn yo mannin be'n i kwlaa kleli be. Kɛ ɔ yoli b'ɔ man be nga be ti-man Zuif'n be lafili Jésus su wie'n, be kan kleli be ekun.

Rɔmfuɛ Mun 16:25

Nyanmiɛn kwla o! Afin min jasin fɛ'n nin Jésus-Krist i ndɛ bɔ n kan'n, ɔ nin sa nga Nyanmiɛn yi-mɛn i nglo kle-man e laa bɔ siɛn'n y'a wun i wlɛ'n i ti-ɔ. Nyanmiɛn man an kwla jran kekle. Kɛ ɔ fin mɛn'n i bo bolɛ nun'n, Nyanmiɛn fiali sa sɔ'n su.

1 Korɛntfuɛ Mun 16:9

afin b'a man min atin dan, ɔ man n kwla di junman kpa, sanngɛ e kpɔfuɛ'm be sɔnnin.

1 Korɛntfuɛ Mun 4:1

I sɔ'n ti, man sran'm be si kɛ e ti Krist i ukafuɛ bɔ e nian like nga Nyanmiɛn fiɛli i sran'm be nyrun'n be su.

2 Korɛntfuɛ Mun 2:12

Kɛ n juli Troas lɔ Krist i jasin fɛ bolɛ'n ti'n, e Min Nyanmiɛn'n mannin min atin kɛ n di junman'n kpa,

Efɛzfuɛ Mun 3:1

I sɔ'n ti'n, m Pɔl n ti Krist-Jésus i bisuafuɛ amun bɔ an ti-man Zuif'n amun ti.

Efɛzfuɛ Mun 3:3

Ɔ yo man n si i klun sa b'ɔ fiɛli i sran'm be nyrun'n. Sa sɔ'm be wie yɛ m bo su kleli amun n fluwa'n nun icra nin-ɔn.

Efɛzfuɛ Mun 3:4

Sɛ an kanngan'n, amun ´wun i wlɛ weiin kɛ n si Krist i wun ndɛ bɔ Nyanmiɛn fiɛli i sran'm be nyrun'n kpa.

Efɛzfuɛ Mun 3:9

Yɛ sa nga be yo nan ɔ'a yo i klun su'n weiin, ɔ yo man n kle be. Nyanmiɛn b'ɔ yili ninnge'n kwlaa'n, lalafuɛ nun ɔ fiɛli i klun sa sɔ'n sran'm be nyrun.

Efɛzfuɛ Mun 4:1

I sɔ'n ti'n, m bɔ e Min'n ti yɛ n ti bisuafuɛ'n, n srɛ i kpa kɛ an bu flɛlɛ nga Nyanmiɛn flɛli amun'n i akunndan nan an yo sa ng'ɔ ti i nuan su'n.

Filipfuɛ Mun 1:19

afin n si kɛ i kwlaa sɔ'n ɔ man n ´nyan n ti Nyanmiɛn bɔ an srɛ i kɛ ɔ jran ń sin nin Jésus-Krist i Wawɛ b'ɔ jin n sin'n ti.

Filipfuɛ Mun 1:7

Kɛ m bu amun kwlaa amun akunndan kɛ nga sa'n, ɔ ti kpa, afin amun ndɛ lo n kpa. Kɛ e ´se yɛ'n bɔ n wo bisua nun'n, nin laa bɔ n nyan ń ti n jran jasin fɛ'n su man ɔ taka kpa'n, ye nga Nyanmiɛn yoli min'n, ɔ yo amun kwlaa amun wie,

Kolɔsfuɛ Mun 1:26

I ndɛ sɔ'n, kɛ ɔ fin lalafuɛ nun'n, ɔ fiɛli i sran'm be kwlaa be nyrun, sanngɛ siɛn'n ɔ'a yi i nglo a kle i sran mun.

Kolɔsfuɛ Mun 4:18

N ´yo amun like. M bɔbɔ m Pɔl yɛ m'an fa n sa m'an klɛ ndɛ kpe kaan nga fuɛ nin-ɔn. Nán amún wla fi kɛ n tɛ o bisua nun'n. N ´yra min nuan kɛ an `nyan ye!

1 Tɛsalonikfuɛ Mun 5:25

Aniaan mun, an `srɛ Nyanmiɛn man ye.

2 Timote 1:16

Man Nyanmiɛn si Onezifɔr nin i awlofuɛ'm be aunnvuɛ, afin ɔ guali min anwlɛn su nzue kpalɛ sunman. N osu nianlɛ bisua nun lɔ'n ɔ'a yo-mɛn i nyannzuɛn.

2 Timote 2:9

Jasin fɛ sɔ'n ti yɛ n wun nyrɛnnɛn bɔ be ci min kɛ sa tɛ yofuɛ sa nin-ɔn. Sanngɛ Nyanmiɛn Ndɛ fuɛ'n, be kwla tannin-mɛn i.

2 Timote 4:2

sɛ a nyan ɔ́ ti o, sɛ a nyan-man ɔ́ ti o, kan Nyanmiɛn ndɛ'n jran su kpa kle sran mun man be wun i wlɛ. Sran ng'ɔ yo sa'n ijɔ i, wla be fanngan, tra wɔ anwlɛn kpa kle be.

Filemɔn 1:22

Kɛ a ´yo sɔ'n, siesie sua ba kun nun kpa fa sie min, afin Nyanmiɛn bɔ an srɛ i kɛ ɔ jran ń sin man an wun min ekun'n ti, n lafi su kɛ m ´ba.