Kolɔsfuɛ Mun 4:18 - NYANMIƐN NDƐ'N 1998

¹⁸ N ´yo amun like. M bɔbɔ m Pɔl yɛ m'an fa n sa m'an klɛ ndɛ kpe kaan nga fuɛ nin-ɔn. Nán amún wla fi kɛ n tɛ o bisua nun'n. N ´yra min nuan kɛ an `nyan ye!

Nyanmien nde Ufle

¹⁸ M bobo m Paul ye n klee nde kaan nga n fa yô amun likéo. Nanh amun wla fi ke n te ô bisua nun'n. Nh yrah n nuan ke an nyan yé!

Kolɔsfuɛ Mun 4:18 ပူးပေါင်းရင်းမြစ်များ

Rɔmfuɛ Mun 16:20

Ɔ cɛ kaan Nyanmiɛn b'ɔ man sran di alaje'n, ɔ man amun ´tia Satan su yɛ amun ´nunkun i. Man e Min Jésus yo amun ye tititi!

Rɔmfuɛ Mun 16:22

Min Tɛrtiis bɔ Pɔl man n klɛli fluwa yɛ'n, e nin e Min'n e ti sran wunmuan, n kusu n ´yo amun like.

Rɔmfuɛ Mun 16:23

N sikefuɛ Gaiis bɔ asɔnunfuɛ'm be kwlaa be yiɛ i awlo lɔ'n, ɔ ´yo amun like. Erast b'ɔ ti klɔ'n su sika sunianfuɛ'n, ɔ nin e niaan Kartis be ´yo amun like. [

1 Korɛntfuɛ Mun 16:21

Amun like yolɛ ndɛ kaan nga liɛ'n, m bɔbɔ m Pɔl yɛ n klɛli-ɔ.

Filipfuɛ Mun 1:7

Kɛ m bu amun kwlaa amun akunndan kɛ nga sa'n, ɔ ti kpa, afin amun ndɛ lo n kpa. Kɛ e ´se yɛ'n bɔ n wo bisua nun'n, nin laa bɔ n nyan ń ti n jran jasin fɛ'n su man ɔ taka kpa'n, ye nga Nyanmiɛn yoli min'n, ɔ yo amun kwlaa amun wie,

Kolɔsfuɛ Mun 4:3

Kɛ amun ´yo sɔ'n, an `srɛ Nyanmiɛn kɛ ɔ man e kusu ye atin man e kɛn i ndɛ'n yɛ e kwla kan Krist ndɛ'n bɔ Nyanmiɛn fiɛli i sran'm be nyrun'n, afin i ti yɛ man be wlali m bisua nin-ɔn.

2 Tɛsalonikfuɛ Mun 3:17

Ndɛ kaan nga n klɛ fa yo amun like'n, m bɔbɔ m Pɔl ń sa nuan-an. I yɛ ɔ kle kɛ min yɛ n klɛ fluwa nin-ɔn, afin kɛ n klɛ i sɔ min fluwa'n kwlaa nun-ɔn.

1 Timote 6:21

Sran wie'm be bu bé wun kɛ be si sa, ɔ man be lafi-man Nyanmiɛn su kpa kun. N ´yra ń nuan kɛ an nyan ye!

2 Timote 1:8

I sɔ'n ti, nán man nyannzuɛn kun wɔ e Min'n i ndɛ kanlɛ nin min bɔ i dunman nun yɛ be wlali m bisua'n e ti. Sanngɛ Nyanmiɛn fanngan nun'n, nyrɛnnɛn nga e wun i jasin fɛ'n ti'n, man ɔ sɔn ɔ nun.

2 Timote 4:22

Man e Min'n nin wɔ tran! N ´yra mín nuan kɛ an nyan ye!

Tite 3:15

Be kwlaa nga be nin min o wa'n be ´yo wɔ like. N ´yo e klofuɛ nga be lafi Nyanmiɛn su'n be like. N ´yra mín nuan kɛ amun kwlaa an nyan ye!

Hébreu 13:25

N yra ń nuan kɛ amun kwlaa an nyan ye!

Hébreu 13:3

An `bu bisuafuɛ'm be akunndan kɛ amun bɔbɔ an wo lɔ wie sa. An `bu be nga be ´yo be tɛtɛ'n be akunndan, afin be kusu be ti sran kɛ amun sa.