Kolɔsfuɛ Mun 3:8 - NYANMIƐN NDƐ'N 1998

⁸ Sanngɛ siɛn'n, an `yaci sa sɔ'n kwlaa: ya falɛ, anwlɛn fufu, klunwi, sran wun sacilɛ, nin ndɛ tɛtɛ b'ɔ fin amún nuan fite'n.

Nyanmien nde Ufle

⁸ Sannge sien'n, anh yatyi sa so'n kwlaa, ya fale, awlen fufu, klunwi, swran wun satyile, nin nde tete b'o fin amun nuan fité'n.

Kolɔsfuɛ Mun 3:8 ပူးပေါင်းရင်းမြစ်များ

Jue Mun 37:8

Gua ya ble'n i ase, yaci ya'n mlɔnmlɔn. Sɛ a fa ya'n, wuun w'a yo sa tɛ.

Nyanndra Mun 17:14

Kɛ be ´bo akplowa silɛ'n bo'n, ɔ ti kɛ ce wie yɛ be su bu i sa. I sɔ'n ti, kɛ ngondin'n nian tɔ-man'n, ɔ fata kɛ a cuɛn ɔ́ wun.

Nyanndra Mun 19:19

Sran nga i ya ti tɛ ngboko'n, ɔ fata kɛ be de i like. Sɛ be yaci cɛ i'n, wuun ɔ ti i wlawlalɛ kɛ ɔ `ko yo like kunngba'n ekun.

Nyanndra Mun 29:22

Sran nga i anwlɛn ti fufu'n, ɔ kpɛ utre ba. Nga b'ɔ ti nyannyrinfuɛ'n ɔ yo sa tɛtɛ sunman.

Matthieu 5:22

Sanngɛ n liɛ'n, n ´kan kle amun kɛ, sran kwlaa ng'ɔ fɛ i niaan wie wun ya, be ´fɛ i kɔ jɔlɛ difuɛ'm bé ja su. Yɛ sran ng'ɔ kpɛ i niaan wie nzowa'n, be ´fɛ i kɔ jɔlɛ difuɛ dandan'm bé ja su. Sran ng'ɔ se i niaan kɛ: ‹Sinnglinfuɛ'n,› be ´fɛ i kɔ nyrɛnnɛn lika'n i sin'n nun lɔ.

Marc 7:22

bla bé yi bo kunndɛlɛ annzɛ bian bé wun bo kunndɛlɛ, bé nyin b'ɔ yi-man like'n, klunwi, gblɛ, sa sukusuku yolɛ, anyinbloɛ, sran wun ndɛ kanlɛ, wun tulɛ nin sinnzin yolɛ.

Rɔmfuɛ Mun 13:13

Man e yo sa bɔ be ti nanwlɛ'n kɛ e o wia klengle kpa'n nun sa. Man e yaci aliɛ sa'n, nin nzanboɛ'n, nin bé wun wannzo yolɛ'n, bɔ yɛlɛ bla nin bian kunndɛlɛ'n, nin wlaka bolɛ'n, man e yaci utre'n, nin sran nyin cilɛ'n.

1 Korɛntfuɛ Mun 3:3

afin an tɛ yo kɛ sran bɔ be ti-man Kristfuɛ sa. ?Kɛ amún nyin ci amun wiengu bɔ utre wo amun afiɛn'n, an ti-man kɛ sran bɔ be ti-man Kristfuɛ sa? ?Yɛ nán sa nga klɔ sran yo'n yɛ an yo-ɔ?

2 Korɛntfuɛ Mun 12:20

Kɛ n ko ju amun wun lɔ'n bɔ n su wun-man amun kɛ nga m bu i akunndan kɛ n ´wun amun su'n sa'n, bɔ n kusu an su wun-man min kɛ nga an bu i akunndan kɛ amun ´wun min su'n sa'n, i sɔ ti yɛ man srɛ kun min-ɔn. Kɛ n ´ju lɔ'n bɔ n ´wun kɛ amun wie'm be di utre, wie nyin ci i wiengu, wie fa ya, wie si akplowa, wie kan sran wun ndɛ, wie bla, wie tu i wun, yɛ wie kpɛ saɛ'n, i sɔ'n ti yɛ man srɛ kun min-ɔn.

Galasifuɛ Mun 5:15

Sanngɛ sɛ an kaka amun wun bɔ an titi amun wiengu sa bui'n, an `nian amún wun kpa, sɛ ɔ ti-man sɔ'n, amun wiengu saci amun.

Galasifuɛ Mun 5:20

amuɛn sɔlɛ, bae dilɛ, sran kpɔlɛ, ɔ nin utre. Bé nyin ci be wiengu, be fa ya, bé bo ti-man kun, be bubu bé wun nun,

Galasifuɛ Mun 5:26

Nán man e kunndɛ dunman, nán man e yo sa b'ɔ kun e wiengu ya, yɛ nán man e fa é nyin ci e wiengu.

Efɛzfuɛ Mun 4:22

I sɔ'n ti'n, an `wla amun nzuɛn laa b'ɔ man an yo sa ng'ɔ fata-man'n i ase. I ti yɛ amún nyin blo ninnge'm be su yɛ an laka amun wun lele an saci nin-ɔn.

Efɛzfuɛ Mun 4:25

I sɔ'n ti'n, an `yaci ato bualɛ'n, an `di nanwlɛ kle amun wiengu, afin e kwlaa e ti sran wunmuan .

Efɛzfuɛ Mun 4:26

Sɛ an fa ya'n, nán an yo sa tɛ. Nán an fa ya sɔ'n lele man wia'n tɔ su .

Efɛzfuɛ Mun 4:29

Nán ndɛ tɛ kun sa fin amún nuan fite, sanngɛ an `kan ndɛ ng'ɔ ti kpa bɔ sran ti-ɔ ɔ yo sran'n, nan ɔ yo be kwlaa nga be ti'n be fɛ.

Efɛzfuɛ Mun 5:4

Yɛ nán man be ti ndɛ tɛtɛ, nin ndɛ finfin, nin aɔwi tɛtɛ dilɛ'n amún nuan nun. Be ti like b'ɔ nin amun fata-man, sanngɛ man be ti Nyanmiɛn asenna ndɛ amún nuan nun.

Kolɔsfuɛ Mun 3:5

I sɔ'n ti'n, an `wla amun asiɛ'n su wa nzuɛn'n be ase: bla nin bian kunndɛlɛ, sa tɛtɛ yolɛ, be konvi b'ɔ sɔ nyannzuɛn sa mun'n, bé nyin b'ɔ blo ninnge'm be su'n, bé nyin b'ɔ yi-man like'n b'ɔ nin amuɛn sɔlɛ'n ti kun'n.

Kolɔsfuɛ Mun 3:9

Nán an bua ato kle amun wiengu, afin amu'an wla amun nzuɛn laa b'ɔ man an yo sa tɛtɛ'n i ase,

1 Timote 1:20

Imene nin Alɛksandri be o sran sɔ'm be nun. N fa be wlali Satan sa nun nan be bu akunndan nan nán man be saci Nyanmiɛn dunman kun.

Hébreu 12:1

I sɔ'n ti, kɛ sran kpanngban kpa bɔ be kan Nyanmiɛn sulafilɛ ndɛ'n be sin yia e kukuku'n, man e kusu e gua like kwlaa ng'ɔ tanndan e wun'n be ase, man e wla sa tɛ'n kwlaa ase, afin ɔ cɛ-man nan ɔ'a tanndan é ja nun. Man e mian é nyin sin lika nga be kle ye'n nun.

Jacques 2:7

?Nán be yɛ be saci sran nga i dunman fɛ'n wo amun su'n i dunman nin-ɔn?

1 Piɛr 2:1

I sɔ'n ti, an `wla klunwi'n kwlaa, nin gblɛ'n kwlaa, nin dunman kunndɛlɛ'n, nin amún nyin bɔ an fa ci sran'n, ɔ nin sran wun ndɛ tɛ kanlɛ'n kwlaa be ase.

2 Piɛr 2:18

Be ijɔ dandan ngbɛn, be fa ninnge nga klɔ sran nyin blo su'n laka be nga be nin be wiengu bɔ be fa-man atin kpafuɛ su'n be su bu'n.

2 Piɛr 2:7

Sanngɛ ɔ deli Lɔt b'ɔ ti sran kpa'n, bɔ sa tɛtɛ nga sran'm be yo'n yo i ya'n .

Jude 1:13

Be ti kɛ jenvie'n b'ɔ bo gbuugbuu'n sa, be nyannzuɛn sa nga be yo'n ti kɛ i nyin su nglo'n sa. Be ti kɛ nzraama b'ɔ tu kɔ'n sa, lika nga Nyanmiɛn fa sieli be kɛ be tran nun tititi'n, yɛlɛ aosin tritritri kpa'n.

Jude 1:8

Ndɛkɛn sran sɔ'm be si sɔ, sanngɛ be bu akunndan tɛtɛ'n lele be saci, be bu-man Nyanmiɛn like fi, yɛ be kpɛ nyanmiɛn su lɔ sran nga be lɛ nyrun'n be nzowa.

Sa nglô yile 16:9

Yɛ aunyɛyɛ dan kpa kunnin sran mun. Be kannin Nyanmiɛn bɔ nyrɛnnɛn sɔ'n wo i sa nun'n i ndɛ, sanngɛ b'a yaci-man sa tɛtɛ yolɛ'n, yɛ b'a manman-man Nyanmiɛn.