Kolɔsfuɛ Mun 3:5 - NYANMIƐN NDƐ'N 1998

⁵ I sɔ'n ti'n, an `wla amun asiɛ'n su wa nzuɛn'n be ase: bla nin bian kunndɛlɛ, sa tɛtɛ yolɛ, be konvi b'ɔ sɔ nyannzuɛn sa mun'n, bé nyin b'ɔ blo ninnge'm be su'n, bé nyin b'ɔ yi-man like'n b'ɔ nin amuɛn sɔlɛ'n ti kun'n.

Nyanmien nde Ufle

⁵ I so'n ti, anh wla amun asie'n su wa nzuen'n bé asé, bla nin bian kunndele, sa tete yôle, bé kônvi b'o so nyannzuen sa mun'n, bé nyin b'o blô liké'm bé su'n, bé nyin b'o yi'a liké'n b'o nin amuen sole'n ti kun'n.

Kolɔsfuɛ Mun 3:5 ပူးပေါင်းရင်းမြစ်များ

Ezipt Lɔ Tulɛ'n 37:22

Kannin siewlɛ'n i su like kpɔlɛ kpɔlɛ mun nin i sama'm be sa su kunngba. Sika ɔkwlɛ jrɛiin'n yɛ be fa yoli kannin siewlɛ'n i wunmuan nin-ɔn. Sika ɔkwlɛ sɔ'n be boli i kɛ be fa bo blalɛ'n sa.

Matthieu 15:19

Afin akunndan tɛ'n, nin sran kunlɛ'n, nin bla nin bian bé yi annzɛ bé wun i bo kunndɛlɛ'n, nin bla nin bian kunndɛlɛ'n, nin awie'n, nin be wiengu suɛn tɔnlɛ'n, ɔ nin sran wun ndɛ kanlɛ'n, i kwlaa sɔ'n wo sran i anwlɛn'n nun.

Rɔmfuɛ Mun 1:26

I sɔ'n ti Nyanmiɛn yili i sa be su, ɔ man be konvi sɔ nyannzuɛn sa'm be yolɛ lele ɔ man be mmla'm be yaci bian nna nga Nyanmiɛn sieli'n, siɛn be nin be wiengu mmla mun yɛ be kunndɛ be wun-ɔn. I sɔ yolɛ liɛ'n, ɔ ti-mɛn i su mlɔnmlɔn'n.

Rɔmfuɛ Mun 1:29

Sa tɛtɛ yolɛ'n kwlaa ɔ'a kun be kpo, be ti sran tɛ, be konvi ti kpli, be klun yo wi, bé nyin ci sran nin like, be kun sran, be klo utre, be ti gblɛ, be bu sran akunndan tɛ, be bla,

Rɔmfuɛ Mun 6:13

Nán an fa amun wunnɛn'n i bue kaan sa man ɔ yo sa tɛ'n i junman like, sanngɛ amun bɔ an ti kɛ sran bɔ b'a wu b'a cɛn sa'n, an `fa amún wun man Nyanmiɛn, man amun wunmuan'n yo i junman like b'ɔ fa yo sa kpa.

Rɔmfuɛ Mun 6:6

E si kpa kɛ be boboli e wafa nga e ti laa'n nin i waka'n su kɛ ɔ yo sɔ nan e nzuɛn tɛtɛ'n ɔ wie nan nán man sa tɛtɛ'n yo e nzuɛn kun.

Rɔmfuɛ Mun 7:23

sanngɛ n wun kɛ sa uflɛ o lɛ. Min nzuɛn b'ɔ man n yo sa tɛ'n, ɔ nin akunndan nga b'ɔ man n klo kɛ n ´yo sa kpa'n, be ti kɛ sran nnyɔn bɔ be si akplowa sa, lele n fa tɛfuɛ'n su, ɔ man n kaci sa tɛ yofuɛ mlɔnmlɔn.

Rɔmfuɛ Mun 7:5

Afin kɛ e nzuɛn'n tɛ yo klɔ sran liɛ'n, mmla'n bɔ e di su'n ti'n, akunndan tɛtɛ b'ɔ o ye anwlɛn nun'n ɔ man e yo sa nga i agualiɛ yɛlɛ wie'n.

Rɔmfuɛ Mun 8:13

Afin sɛ an yo sa ng'ɔ ti klɔ sran nzuɛn'n, amun ´wu. Sanngɛ sɛ Nyanmiɛn Wawɛ'n i fanngan nun an wla amun nyoliɛ tɛtɛ'm be ase'n, amun ´nyan nguan.

1 Korɛntfuɛ Mun 5:1

Be ti i lika'n kwlaa kɛ amu'an fa bla nin bian kunndɛlɛ'n amu'an cici amún ti lele ɔ man amun nun kun a de i si yi'n. Bla kunndɛlɛ wafa sɔ'n, be bɔ be ti-man Kristfuɛ'n bɔbɔ be yo-man .

1 Korɛntfuɛ Mun 6:11

Kɛ laa amun nun sran wie'm be ti sɔ-ɔ. Sanngɛ siɛn'n, e Nyanmiɛn a wunnzin amun, ɔ'a fa amun a kaci i liɛ mlɔnmlɔn, yɛ ɔ'a bu amun sran kpa e Min Jésus-Krist dunman nun nin i Wawɛ'n i fanngan nun.

1 Korɛntfuɛ Mun 6:13

Aliɛ'n ti be klun owie, yɛ be ku'n kusu ti aliɛ'n i di guawlɛ, sanngɛ Nyanmiɛn ɔ wa saci like nnyɔn sɔ mun. Be wunnɛn'n kusu ti-man like bɔ be fa kaci bla kunndɛlɛ nin bian kunndɛlɛ like-ɔ, sanngɛ ɔ ti e Min'n i liɛ, yɛ e Min'n kusu ti be wunnɛn sɔ'n i liɛ.

1 Korɛntfuɛ Mun 6:18

An `wla bla nin bian kunndɛlɛ'n i ase. Sa tɛ kwlaa bɔ sran yo'n, ɔ ti-man bé kplo nun ndɛ, sanngɛ sran ng'ɔ kunndɛ bla annzɛ bian'n, ɔ yo i sɔ sa liɛ'n guɛ i bɔbɔ kplo'n nun.

2 Korɛntfuɛ Mun 12:21

Sa nga ti yɛ srɛ kun min yɛlɛ kɛ n ´ju amun wun lɔ bɔ n ´wun sran kpanngban bɔ be yoli sa tɛtɛ laa bɔ lele ndɛ be nian kaci-man be nzuɛn'n be tɛ yo ninnge tɛtɛ, be tɛ kunndɛ bla nin bian, yɛ be bo wlaka'n, be ti n ´sun. Yɛ min Nyanmiɛn'n man mín nyin ´gua ase ekun amun nyrun.

Galasifuɛ Mun 5:24

Be nga be ti Krist-Jésus liɛ'n, be boboli be waka'n su, ɔ man b'a wla be konvi'n i ase, yɛ bé nyin blo-man ninnge'm be su kun.

Efɛzfuɛ Mun 4:19

Be si-man nyannzuɛn kun, wlaka'n ɔ'a kun be kpo, be yaci-man sa tɛtɛ'm be yolɛ'n mlɔnmlɔn.

Kolɔsfuɛ Mun 2:11

Sran wunmuan bɔ amun nin i a kaci'n ti, b'a wla amun klɛn, amun klɛn liɛ sɔ'n, nán sran yɛ ɔ wlali-ɔ, sanngɛ ɔ fin Krist bɔbɔ, i bo kle kɛ amun nin sa tɛ'n b'a bu.

1 Tɛsalonikfuɛ Mun 4:3

Sa ng'ɔ yo Nyanmiɛn fɛ'n yɛlɛ kɛ an `kaci i liɛ mlɔnmlɔn yɛ nán an kunndɛ bla nin bian.

1 Tɛsalonikfuɛ Mun 4:5

Nán man amún nyin tran sa tɛtɛ'm be yolɛ su kɛ be nga be si-man Nyanmiɛn'n be yo'n sa.

1 Timote 6:10

Afin sika klolɛ'n yɛ ɔ ti sa tɛtɛ'n kwlaa i bo nin-ɔn. Sran wie'm be fa bé nyin bloli nun lele be lafi-man Nyanmiɛn su kun, ɔ man awlaboɛ'n ɔ'a kun be kpo.

Hébreu 12:16

An `nian amún wun kpa nan sran fi a kunndɛ-man bla nin bian, yɛ sran fi a bu-man Nyanmiɛn i ninnge'm be kɛ be ti-man like fi kɛ Ezau bɔ aliɛ talie kun ti ɔ yoli i kpɛnngbɛn'n i atɛ'n sa .

Hébreu 13:4

Man sran'm be kwlaa be bu aja'n i like dan, yɛ be bɔ b'a ja bé wun'n, nán man be yo sa sukusuku. Afin be nga be kunndɛ bla annzɛ bian'n, ɔ nin be nga be kunndɛ bla bé yi bo annzɛ bian bé wun bo'n mun'n, Nyanmiɛn nin be lɛ i.

Hébreu 13:5

Like nga amun ´yo'n, nán an yo i sika klolɛ'n ti. Man amún nyin yi like nga an lɛ i'n, afin Nyanmiɛn bɔbɔ seli kɛ: «N su yaci-man wɔ, n su kpɔci-man wɔ mlɔnmlɔn .»

Jacques 4:1

?Utre'n nin akplowa ng'ɔ o amun afiɛn'n, be fin nin? ?Be fin-man amún nyin b'ɔ blo ninnge'm bé su b'ɔ man amun klun jɔ-man'n?

1 Piɛr 2:11

N sran kpa mun, an ti aofuɛ nin wlan-wlanfuɛ asiɛ'n su, ɔ man n ´srɛ amun kɛ an `wla amun konvi b'ɔ man amún nyin blo ninnge'm be su'n i ase, afin konvi sɔ'n kwla kun ye.

Sa nglô yile 21:8

Sanngɛ srɛfuɛ mun'n, nin be nga be lafi-man n su'n, nin be nga be yo tete sa'n, nin sran kunfuɛ mun'n, nin bian nin bla kunndɛfuɛ mun'n, nin baefuɛ mun'n, nin amuɛn sɔfuɛ mun'n, nin be kwlaa nga be bua ato'n, be lika liɛ'n yɛlɛ sin dan'n bɔ sufru b'ɔ jue o nun'n. I yɛ ɔ ti wie'n i nnyɔn su nin-ɔn .»

Sa nglô yile 22:15

Be nga be ti kɛ alua sa'n, be nin baefuɛ mun'n, nin bian nin bla kunndɛfuɛ mun'n, nin sran kunfuɛ mun'n, nin amuɛn sɔfuɛ mun'n, nin be kwlaa nga be bua ato'n, bɔ be yo gblɛgblɛ sa mun'n, be lika liɛ'n yɛlɛ klɔ'n sin lɔ.