Kolɔsfuɛ Mun 3:4 - NYANMIƐN NDƐ'N 1998

⁴ Kɛ Krist bɔ amun nguan'n wo i sa nun'n ɔ wa yi i wun nglo'n, ɔ ´yi amun nglo wie, yɛ nyrun ng'ɔ ´nyɛn i'n, amun ´nyan wie.

Nyanmien nde Ufle

⁴ Ke Christ bo amun nguan'n wô i sa nun'n o wa yi i wun nglô'n, oh yih amun nglô wié, ye nyrun ng'oh nyenh'n, amunh nyanh wié.

Kolɔsfuɛ Mun 3:4 ပူးပေါင်းရင်းမြစ်များ

Jue Mun 17:15

N liɛ'n, m'an yo-man sa, ɔ man n nian wɔ-ɔ ɔ yo ye. Kɛ n lafi n tinnge'n b'ɔ n wun wɔ'n, n klun jɔ lele tra su.

Jue Mun 73:24

Ɔ bɔbɔ wɔ akunndan liɛ'n yɛ a fa tinngɛ min-ɔn, yɛ cɛn kun a ´fa min kɔ wɔ anyrunnyan dan'n i lika'n nun lɔ.

Matthieu 13:43

Sanngɛ sran nanwlɛfuɛ'm be wa yo kɛ wia'n sa, be ´kpaja be Si i mɛn'n nun. Man sran ng'ɔ si ´fa sie'n, ɔ ´fa sie.»

JÉSUS-CHRIST I DYASIN FE'N BO LUC KLELI'N 17:30

Kɛ m bɔ n kacili Sran'n mín wun nglo yilɛ cɛn'n nun ɔ wa yo sɔ-ɔ.

Jean 11:25

Jésus seli i kɛ: «Min yɛ n cɛn sran mun-ɔn, m bɔbɔ min yɛ be flɛ min nguan nin-ɔn. Sran kwlaa ng'ɔ lafi n su'n, sɛ ɔ wu'n, ɔ ´nyan nguan ekun.

Jean 14:3

Sɛ n kɔ nan n wie i siesie'n, m ´ba m ma fa amun nan lika nga n tran lɔ'n, an `tran lɔ wie.

Jean 14:6

Jésus seli i kɛ: «Min yɛ n ti atin nin nanwlɛ nin nguan nin-ɔn. Sran nga ɔ'a sin-man min nun'n, ɔ ju-man e Si wun lɔ.

Jean 17:24

Min Si, lika nga n wo lɔ'n, n klo kɛ be nga a fa be mannin min'n, be `tran lɔ wie nan be wun nyrun nga wɔ man n lɛ i'n, afin i sin nan w'a yi mɛn'n yɛ a sɔtɔ n klolɛ-ɔ.

Jean 20:31

Sanngɛ kɛ ɔ ´yo nan amu'an lafi su kɛ Jésus ti Krist nan ɔ ti Nyanmiɛn i Wa'n, i ti yɛ be klɛli nga-a, yɛ sɛ an lafi i su'n, i ti amun ´nyan nguan .

Sa nga bé yôli'n 3:15

Amun yoli man be kunnin sran ng'ɔ man nguan'n, sanngɛ Nyanmiɛn cɛnnin i. Sa sɔ'n yoli e bɔbɔ e nyrun.

Rɔmfuɛ Mun 8:18

Kɛ m bu anyrunnyan like nga Nyanmiɛn wa yi i nglo kle ye'n i akunndan'n, m bu-man nyrɛnnɛn nga e wun i ndɛ'n i like fi.

Rɔmfuɛ Mun 8:19

Like nga Nyanmiɛn yili be'n, be kwlaa bé wun blibli be, yɛ be minndɛ cɛn nga Nyanmiɛn wa yi i mma'm be nglo'n.

1 Korɛntfuɛ Mun 1:7

I sɔ'n ti, kɛ amun ´minndɛ e Min Jésus-Krist i wun nglo yilɛ cɛn'n, Nyanmiɛn i ninnge b'ɔ fa man sran mun'n, i wie fi su mian-man amun.

1 Korɛntfuɛ Mun 15:43

Kɛ be ´wlɛ i ase'n, ɔ lɛ-man nyrun, kɛ ɔ ko cɛn i'n, ɔ lɛ nyrun, kɛ be ´wlɛ i ase'n, ɔ ti fuɛn, kɛ ɔ ko cɛn i'n ɔ lɛ wunmiɛn.

2 Korɛntfuɛ Mun 4:17

Nyrɛnnɛn kaan nga e wun i yɛ'n ɔ man e ´nyan tranwlɛ kpa nyanmiɛn su lɔ, e su jao-man nun le.

Galasifuɛ Mun 2:20

ɔ man olɛ nga n wo yɛ'n nán n ngunmin yɛ n wo-ɔ, min nin Krist yɛ e wo-ɔ, yɛ sulafilɛ bɔ n lafi Nyanmiɛn i Wa b'ɔ kloli min b'ɔ fɛ i wun mannin min ti'n, i ti yɛ n wo lɛ-ɔ.

Filipfuɛ Mun 3:21

Ɔ wa fa e wunnɛn b'ɔ ti-man like fi'n ɔ ´yo man ɔ ´kaci kɛ i wunnɛn b'ɔ fa ɔli lika ng'ɔ lɛ nyrun lɔ nun'n sa. I kwlalɛ b'ɔ fa sie like'n kwlaa'n yɛ ɔ ´fa kaci i-ɔ.

1 Tɛsalonikfuɛ Mun 4:17

i sin kɛ ɔ ko yo sɔ'n, e nga é nyin tɛ o su'n, Nyanmiɛn wa man e nin be e su nyanmiɛn ble'n nun, yɛ e ´ko kpa e Min'n i atin nglo lɔ. Kɛ ɔ ko yo sɔ'n, e nin e Min'n e ´tran manndimaan .

1 Timote 6:14

Like nga ɔ seli wɔ kɛ a yo'n, nian su sɛsɛ, nan cɛn nga e Min Krist-Jésus ´yi i wun nglo'n b'a kputu-man wɔ.

2 Timote 1:1

M Pɔl bɔ Nyanmiɛn man Krist-Jésus sunmannin min'n, n ´klɛ fluwa nga blɛ wɔ Timote bɔ a ti min anwlɛn su ba'n. Krist-Jésus sunmannin min kɛ n kan nguan nga Nyanmiɛn waan ɔ ´fa man be nga be nin Krist b'a kaci sran wunmuan'n i ndɛ. Man e Si Nyanmiɛn nin e Min Krist-Jésus be man a nyan ye, man be si wɔ aunnvuɛ, yɛ man ɔ́ wun jɔ wɔ fɔuun!

2 Timote 4:8

Siɛn'n, like nga be fa yo sran ng'ɔ yo kpa'n i mo'n, b'a sie i lɔ a sie min. E Min'n b'ɔ di jɔlɛ nanwlɛ nun'n yɛ ɔ ´fa man min jɔlɛ dilɛ cɛn sɔ'n nun-ɔn. Nán min ngunmin yɛ ɔ ´fa man min-ɔn, sanngɛ ɔ ´fa man be kwlaa nga bé nyin tɛ o balɛ i sin'n.

Tite 2:13

E yo sɔ nan e minndɛ cɛn kpa nga e wla o su kɛ e Nyanmiɛn Kpli'n nin e Defuɛ Krist-Jésus be wa yi bé wun nglo'n.

Hébreu 9:28

I kunngba'n, kɛ ɔ ´yo nan Krist a fa sran kpanngban bé wun sa'n, i kusu fɛ i wun sɔli Nyanmiɛn kpɛ kunngba. Balɛ nga ɔ wa ba ekun'n, nán sa tɛ'n ti-ɔ, sanngɛ ɔ ´ba be nga bé nyin tɛ i sin'n be delɛ .

1 Piɛr 1:13

I sɔ'n ti an `bu akunndan, an `nian amun wun su, man amún nyin tran like nga cɛn nga Jésus-Krist ɔ wa yi i wun nglo'n ɔ ´fa man amun'n su kpa.

1 Piɛr 5:4

Yɛ cɛn nga Bua Tafuɛ Dan'n ba'n, ɔ ´yo amun mo, dunman nga amun ´nyɛn i'n, ɔ su wie-man mlɔnmlɔn.

1 Jean 2:28

M mma mun, amun nin i `tran titi nan cɛn nga ɔ ´ba'n, bɔ ɔ ´yi i wun nglo'n é wla'n ɔ'a gua ase nan b'a kan-man e bo, yɛ y'a wun-man nyannzuɛn.

1 Jean 3:2

N sran kpa mun, siɛn'n e ti Nyanmiɛn i mma mun, sanngɛ wafa nga e ´kaci ju'n, e nian wun-mɛn i ka, sanngɛ e si kɛ, kɛ Krist wa yi i wun nglo'n, e ´kaci kɛ i sa, afin e ´wun kɛ ɔ fa ti'n.

1 Jean 5:12

Sran ng'ɔ nin Nyanmiɛn Wa'n ti sran wunmuan'n, ɔ lɛ anannganman nguan, sran ng'ɔ nin ti ti-man sran wunmuan'n, ɔ lɛ-man anannganman nguan.

Jude 1:24

Nyanmiɛn b'ɔ kwla nian amun su b'ɔ man an fɔn-man'n, bɔ kɛ ɔ man amun ´kɔ i wun lɔ'n sa kaan sa bɔn-man amún wun'n, yɛ amun klun jɔ'n,

Sa nglô yile 2:7

Sran ng'ɔ si fa sie'n, man ɔ tie ndɛ nga Nyanmiɛn Wawɛ'n kan kle asɔnun mun'n. Sran ng'ɔ kwla'n, waka b'ɔ man nguan b'ɔ o Nyanmiɛn fie'n su lɔ'n, n ´yo man ɔ ´di i mma .› »

Sa nglô yile 22:1

Ɔ kleli min nzue ba bɔ i nun nzue'n man nguan'n, ɔ ti nyannyannyan kɛ laglasi sa. Ɔ fin Nyanmiɛn nin Bua Gbanflɛn'n be bia'n nun yɛ ɔ fite-ɔ.

Sa nglô yile 22:14

Be nga be kpuli be tralɛ'n, b'ɔ man be kwla di waka ng'ɔ man nguan'n i mma'n, bɔ be kwla sin klɔ'n i anuan nun'n, be liɛ su ti ye !