Kolɔsfuɛ Mun 3:24 - NYANMIƐN NDƐ'N 1998

²⁴ Man an si kɛ e Min'n bɔbɔ yɛ ɔ ´fa like nga i waan i sran'm be ´nyɛn i'n ´tua amun kalɛ-ɔ. Afin amun Min kpafuɛ nga an su i'n yɛlɛ Krist.

Nyanmien nde Ufle

²⁴ Man an si ke é Min'n bobo ye oh fah liké nga i waan i swran'm béh nyenh'n tua amun kaleo. Afin amun Min kpafue nga an sui'n, yele Christ.

Kolɔsfuɛ Mun 3:24 ပူးပေါင်းရင်းမြစ်များ

Bo Bolɛ 15:1

Kɛ ɔ yoli sɔ'n, Anannganman fiteli Abram nyrun aolia nun nan ɔ'a se i kɛ: «Abram, nán srɛ kun wɔ. N ti wɔ sasafuɛ, ɔ mo yolɛ'n ɔ wa yo dan mín sa nun.»

Nyanndra Mun 11:18

Like nga sran tɛfuɛ'n yo'n, ɔ nyan-man su. Sran nga kusu bɔ kpa'n yɛ ɔ yo sin'n, kannzɛ ɔ yo sɛ san ɔ ´nyan su le .

Matthieu 10:41

Sran ng'ɔ sɔ Nyanmiɛn nuan ijɔfuɛ kun nun yɛlɛ kɛ ɔ ti Nyanmiɛn nuan ijɔfuɛ'n, mo kunngba nga be fa yo Nyanmiɛn nuan ijɔfuɛ'n, be ´yo i wie.

Matthieu 5:12

yɛlɛ kɛ amun mo'n ɔ wa yo dan nyanmiɛn su lɔ. I sɔ'n ti, man amun klun jɔ, man amún wun blibli amun. Afin laa kɛ be kleli Nyanmiɛn nuan ijɔfuɛ'm be yalɛ sɔ-ɔ, i sin nan b'a wu amun .»

Matthieu 5:46

?Afin sɛ an klo amun klofuɛ'm be ngunmin'n, nguɛ like yɛ amun ´nyɛn i-ɔ? ?Gua bo sika defuɛ mun bɔbɔ be klo-man be klofuɛ mun?

Matthieu 6:16

«Sɛ amun ´kpɛ srɛ nun kɛ amun nin Nyanmiɛn amun ´koko yalɛ'n, nán an mlan amun nyrun kɛ dunman klofuɛ'm be yo'n sa, be yo bé wun fiɛn be fa kle sran mun kɛ be su kpɛ srɛ nun. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ .

Matthieu 6:5

«Kɛ amun nin Nyanmiɛn amun ´koko yalɛ'n, nán an yo kɛ dunman klofuɛ'm bɔ be klo nglo jranlɛ Nyanmiɛn ndɛ suanlɛ nin i srɛlɛ sua'm be nun nin klɔ'n nun anngɔnda'm be su kɛ sran'm be wun be kɛ be nin Nyanmiɛn su ijɔ'n be liɛ'n sa. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ.

JÉSUS-CHRIST I DYASIN FE'N BO LUC KLELI'N 14:14

Sɛ a yo sɔ'n, Nyanmiɛn wa yo ɔ liɛ ye. Be liɛ'n be lɛ-man like nan b'a yo wie a man wɔ, Nyanmiɛn bɔbɔ yɛ kɛ sran kpa'm be ´cɛn'n, ɔ ´yo ɔ liɛ'n man wɔ-ɔ.»

JÉSUS-CHRIST I DYASIN FE'N BO LUC KLELI'N 6:35

Sanngɛ an `klo amun kpɔfuɛ mun, an `yo be ye, yɛ an `bo sran bosia, nán an fa amún nyin sie su kɛ be yi man amun. Sɛ an yo sɔ'n, be ´yo amun mo dan, yɛ amun ´kaci Nyanmiɛn bɔ like fi nun-mɛn i sin'n i mma mun, afin ɔ yo be nga be si-man ye'n ɔ nin klunwifuɛ'm be ye.

Jean 12:26

Sran nga i waan ɔ ´su min'n, man ɔ su n su, yɛ lika nga n wo nun'n, n sran sɔ'n ɔ ´tran lɔ wie. N Si ´bu sran ng'ɔ su min'n i sran.»

Sa nga bé yôli'n 20:32

Siɛn'n, min ´fa amun wla e Min'n sa nun, yɛ n ´fa ye dan bɔ Nyanmiɛn yoli ye'n i ndɛ'n n ´yaci amún sa nun. Ɔ yo man amun ´kwla jran cinnjin, yɛ kusu ɔ ´kwla fa like ng'ɔ sie mannin sran ng'ɔ ti i liɛ mlɔnmlɔn'n man amun.

Rɔmfuɛ Mun 1:1

M Pɔl, n ti Krist-Jésus i sran. Nyanmiɛn flɛli min kɛ ɔ ´sunman min. Ɔ yili min kɛ m bo i jasin fɛ'n

Rɔmfuɛ Mun 14:18

Sran ng'ɔ di Krist i junman'n kɛ nga sa'n, Nyanmiɛn klun jɔ i wun, yɛ sran'm be bo i dunman.

1 Korɛntfuɛ Mun 11:23

Afin sa nga e Min'n fa kleli min'n yɛ kusu n fa kle amun-ɔn. Nnɔsua kunngba nga be fa e Min Jésus mannin sran mun'n, ɔ fali kpaun,

1 Korɛntfuɛ Mun 3:8

Sran ng'ɔ ta'n nin ng'ɔ gua su nzue'n, be nnyɔn'n be sɛ, kɛ sran kun fa di i junman'n juli'n, Nyanmiɛn ´mɛn i i nuan like.

1 Korɛntfuɛ Mun 7:22

Sran kun nga kɛ Nyanmiɛn ´flɛ i'n ɔ ti kanga'n, ɔ kaci diewa ba e Min'n sa nun, i kunngba'n kusu sran nga kɛ Nyanmiɛn ´flɛ i'n ɔ ti diewa'n, ɔ kaci Krist i kanga.

Galasifuɛ Mun 1:10

?Ndɛ nga n ´kɛn i yɛ'n, sran'm be nyrun annzɛ Nyanmiɛn nyrun dunman yɛ n kunndɛ-ɔ? ?N waan n ´yo sɔ nan sran'm be klo min sa? Sɛ n waan n ´yo sɔ nan sran'm be klo min sa'n, wuun n su yo-man Krist i sran.

Efɛzfuɛ Mun 6:6

Nán kɛ kɛ be o lɛ'n i ngunmin yɛ an yo i sɔ nan be klun jɔ amun wun-ɔn, sanngɛ kɛ an ti Krist i kanga'n ti'n, an `tu amun klun yo sa ng'ɔ ti Nyanmiɛn klun su'n.

Efɛzfuɛ Mun 6:8

Afin an si kɛ like kpa kwlaa nga sran kun yo'n, sɛ kanga o, sɛ diewa o, like ng'ɔ yo'n, ɔ ´nyɛn i nuan like e Min'n sa nun.

Kolɔsfuɛ Mun 2:18

Sran b'ɔ klo kɛ be bu i aenvuɛfuɛ'n, b'ɔ koto anz'm be bo'n, b'ɔ fɛ i aolia nun ninnge b'ɔ wun be'n di i nuan'n, nan man ɔ de amun like kpa nga an nyɛnnin i'n. Sran sɔ'n, kɛ ɔ bu like nga ɔ si i'n i akunndan'n ɔ tu i wun, i wun tulɛ sɔ'n ti ngbɛn.

Hébreu 10:35

Nán an yi amún nyin like nga amún wla o su'n su, afin mo yolɛ dan kpa o su!

Hébreu 11:6

Afin sɛ be lafi-mɛn i su'n, i klun jɔ-man be wun mlɔnmlɔn. Ɔ man sran nga i waan ɔ ´fɛ i wun mantan Nyanmiɛn'n, man ɔ lafi su kɛ ɔ o lɛ, yɛ be nga be kunndɛ i'n, ɔ ´yi i wun kle be.

Hébreu 9:15

I sɔ'n ti yɛ Krist ti aenguɛ uflɛ nga Nyanmiɛn waan ɔ nin sran'm be tra i nun jranfuɛ nin-ɔn. I wulɛ b'ɔ wuli'n ti'n, be nga be fa aenguɛ klikli nga Nyanmiɛn ɔ nin sran'm be ´trali'n su, bɔ be yo sa tɛ'n, ɔ de be i su saɛ'n nun. Ɔ man be nga Nyanmiɛn flɛli be'n, be ´nyan like kpakpa ng'ɔ wie-man mlɔnmlɔn bɔ i waan ɔ ´fa man be'n.

1 Piɛr 1:4

Ɔ wuli ye sɔ nan e `nyan like kpa ng'ɔ sieli i nyanmiɛn su lɔ'n. Like sɔ'n kwla saci-man, ɔ yo-man fiɛn, yɛ ɔ mlin-man.

2 Piɛr 1:1

N Simɔn Piɛr bɔ n ti Jésus-Krist junman difuɛ'n, b'ɔ sunmannin min'n, n ´klɛ fluwa nga blɛ amun bɔ Nyanmiɛn man amun lafi i su kpa kɛ e sa'n. I sɔ'n fin e Defuɛ Jésus-Krist b'ɔ ti Nyanmiɛn'n, afin ɔ ti sran kpa.

Jude 1:1

Amun bɔ e Si Nyanmiɛn flɛli amun'n, b'ɔ klo amun titi'n, b'ɔ fa amun sieli Jésus-Krist'n, min Zid bɔ n ti Jésus-Krist i sran'n nin Zak niaan'n, n ´klɛ fluwa nga'n blɛ amun.

Rit I Wun Ndɛ 2:12

Man Anannganman b'ɔ ti Izraɛlfuɛ'm be Nyanmiɛn'n, bɔ i fanngan nun ti yɛ man a juli wa'n ɔ `yo ɔ liɛ ye. A kunndɛ-ɔ, man a nyɛn i.»