Kolɔsfuɛ Mun 3:23 - NYANMIƐN NDƐ'N 1998

²³ Like kwlaa nga amun ´yo'n, an `tu amun klun yo i kɛ e Min'n yɛ an su yo mɛn i sa, nán an bu i kɛ sran yɛ an su yo mɛn i-ɔ.

Nyanmien nde Ufle

²³ Liké kwlaa nga amunh yôh'n, anh tu amun klun yô ke é Min'n ye an su yô men sa, nanh an bu i ke swran ye an su yô men io.

Kolɔsfuɛ Mun 3:23 ပူးပေါင်းရင်းမြစ်များ

2 Be Nyoliɛ 31:21

Ɔ siesieli Nyanmiɛn i sua'n i ye, ɔ suli sran'm be bo kɛ bé fa Nyanmiɛn i mmla fanunfanun'm be su. Kɛ ɔ ´yo sɔ'n, wuun i bɔbɔ ´miɛn i nyin kɛ ɔ ´mɛntɛn i Nyanmiɛn'n. Ɔ tuli i klun yoli ninnge ng'ɔ yoli be nin i anwlɛn'n kwlaa, yɛ Nyanmiɛn man ninnge sɔ'n be yoli kpa.

Jue Mun 103:1

Jue nga ti David liɛ. I waan: N ´la Anannganman i ase! N ´tu n klun n ´lɛ i ase kpa.

Jue Mun 119:10

N fa min wun m mantan wɔ mantanlɛ kpa. Nán yaci min lɛ man n san ɔ mmla'n i wun n fa uflɛ.

Jue Mun 119:145

N tu n klun, n kpan flɛ wɔ. Anannganman tɛ min su nan n `fa sa nga ɔ waan be `yo'n i su.

Jue Mun 119:34

Man min ngwlɛlɛ man n fa ɔ mmla'n su, yɛ n ´tu n klun n fa su .

Akunndanfuɛ'n 9:10

Like kwlaa nga a ´yo'n, fa ɔ wunmiɛn'n gua su yo. Afin kɛ a wa wu a ´kɔ lɔ lɛ'n, i junman dilɛ o, i sa nun yiyilɛ o, i sa silɛ o, i ngwlɛlɛ o, be wie fi nun-man lɔ kun.

Zeremi 3:10

Sanngɛ ɔ nin i sɔ'n ngba'n i niaan bla Zida b'ɔ kunndɛ bian min bo'n, ɔ'a sɛ-mɛn i sin mín wun nanwlɛ su, ɔ kpɛli min gblɛ .» Anannganman'n yɛ ɔ kan sɔ-ɔ.

Matthieu 6:16

«Sɛ amun ´kpɛ srɛ nun kɛ amun nin Nyanmiɛn amun ´koko yalɛ'n, nán an mlan amun nyrun kɛ dunman klofuɛ'm be yo'n sa, be yo bé wun fiɛn be fa kle sran mun kɛ be su kpɛ srɛ nun. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ .

Rɔmfuɛ Mun 14:6

Sran ng'ɔ sie cɛn kun man e Min'n, e Min'n i akunndan b'ɔ bu'n ti yɛ ɔ sie i sɔ-ɔ. Yɛ sran ng'ɔ di like'n kwlaa'n, e Min'n i akunndan b'ɔ bu'n ti yɛ ɔ di-ɔ, afin ɔ la Nyanmiɛn ase. Sran ng'ɔ di-man like ngba'n, e Min'n i akunndan b'ɔ bu'n ti yɛ ɔ yo i sɔ-ɔ, i kusu la Nyanmiɛn ase .

Rɔmfuɛ Mun 14:8

Sɛ e wu o, sɛ e wu-man o, e ti e Min'n liɛ.

Efɛzfuɛ Mun 5:22

Bla mun, an `bu amún wun'm be sran, kɛ an bu e Min'n i sran'n sa. Nán an fa amún nyin wlawla be,

Kolɔsfuɛ Mun 3:17

Sɛ amun ´yo like wie o, sɛ amun ´kan ndɛ wie o, like kwlaa nga amun ´yo'n, an `yo i e Min Jésus dunman nun, yɛ i ti an `la e Si Nyanmiɛn'n i ase.

1 Piɛr 1:22

Kɛ an fali ndɛ nanwlɛ'n su'n, bɔ amún wun sa'n wieli'n, ɔ man an klo-man amun niaan Kristfuɛ mun amún nuan bui su. I sɔ'n ti, an `klo amun wun kpa, an `tu amun klun yo sa ng'ɔ kle kɛ an klo amun wun'n.

1 Piɛr 2:13

E Min'n ti, man amún nyin yi kpɛnngbɛn nga be sieli be'n be kwlaa: famiɛn ng'ɔ ti dan nin o,

1 Piɛr 2:15

Sa nga Nyanmiɛn klo'n yɛlɛ kɛ an yo sa ng'ɔ ti kpa'n. I sɔ'n nun sinnglinfuɛ bɔ be wun-man sa wlɛ'n, be su kwla kan-man ndɛ fi.