Kolɔsfuɛ Mun 3:20 - NYANMIƐN NDƐ'N 1998

²⁰ Ba kanngan mun, man amún nyin yi amún si nin amun nin sa'n kwlaa nun, afin sɛ an yo sɔ-ɔ, ɔ yo e Min'n i fɛ.

Nyanmien nde Ufle

²⁰ Ba kanngan mun, man amun nyin yi amun si nin amun nin mun sa'n kwlaa nun é Min'n lie bo an ti'n ti, afin se an yô so'n, o yô i fe.

Kolɔsfuɛ Mun 3:20 ပူးပေါင်းရင်းမြစ်များ

Bo Bolɛ 28:7

Ɔ wunnin kɛ Zakɔb fali ndɛ nga i si nin i nin be kan kleli i'n su nan ɔ ɔli Mezopotami i nglo lɔ.

Ezipt Lɔ Tulɛ'n 20:12

Bu ɔ́ si nin ɔ nin be sran, kɛ ɔ ´yo nan ɔ nguan nyanman'n ɔ'a yo tɛnndɛn mɛn nga min Anannganman Nyanmiɛn n fa man wɔ'n i nun'n ti .

Nyanndra Mun 20:20

Sran kun ng'ɔ bo i si nin i nin be sannzan'n, i bɔbɔ'n ɔ wa wun kɛ ɔ su wu blɛblɛblɛ kɛ kannin wie b'ɔ su nuan aosin nun'n sa.

Nyanndra Mun 30:11

Sran wie o lɛ'n, sannzan yɛ ɔ bo i si-ɔ, i nin i wun ndɛ tɛtɛ'n yɛ ɔ kan-an.

Nyanndra Mun 30:17

Sran nga b'ɔ sri i si'n, bɔ i nyin yi-mɛn i nin'n, kuankuan'm be ´fiti i nyinma'n, kpɛkuun anunman nyin'n i mma'm be ´di i.

Nyanndra Mun 6:20

Mín wa, ngwlɛlɛ nga ɔ́ si kle wɔ'n, man ɔ ka ɔ klun. Afɔtuɛ nga kusu bɔ ɔ́ nin man wɔ'n, nán man ɔ gua ɔ́ su sin.

Zeremi 35:8

Nga e nannan Zɔnadab kannin'n yɛ e fa su-ɔ. Kɛ e o e liɛ sa'n, e nin é yi mun nin e mma mun, be yasua o, be bla o, e nɔn-man nzan.

Ezekiɛl 22:7

Ɔ lɔ'n, be yo siɛ nin niɛn be finfin. Be yo aofuɛ'm be tɛtɛ. Be bo aika ba nin angboti bla'm be akpo.

Saun Yolɛ 19:3

Man amún nyin yi amún si nin amún nin. Mín wunmiɛn-delɛ-cɛn'n nun'n, nán amun di junman. Min yɛ n ti Anannganman amun Nyanmiɛn nin-ɔn.

Malasi 1:6

Min Anannganman bɔ n sie mɛn wunmuan'n, n se min nyrun jranfuɛ'm be kɛ yoo: «Bakan kwlaa i nyin yi i si, sran ng'ɔ ti afanniɛn'n kusu i nyin yi i min'n. ?Yɛ min li, nán min yɛ n ti amún si, ɔ nin amun min nin-ɔn? ?Yɛ ɔ yo sɛ, bɔ amún nyin yi-man min, bɔ amun sro-man min-ɔn? Amun yo min finfin, kpɛkuun amun usa kɛ: ‹?Finfin sɛ yɛ e yo wɔ-ɔ?›

Matthieu 19:19

yɛ klo ɔ wiengu kɛ ɔ fa klo ɔ bɔbɔ wun'n sa .»

Efɛzfuɛ Mun 5:24

Kɛ asɔnun'n bu Krist sran'n, man mmla'm be bu bé wun'm be sran sɔ sa'n kwlaa nun.

Mmla'n 27:16

«Sran ng'ɔ bu-mɛn i si nin i nin be sran'n, nán man ɔ wun ye le.» Kpɛkuun man Izraɛlfuɛ'm be kwlaa be tɛ su kɛ: «Man ɔ yo sɔ!»

Mmla'n 5:16

Bu ɔ́ si nin ɔ́ nin be sran kɛ min Anannganman ɔ Nyanmiɛn'n n kan kleli wɔ'n sa, nan ɔ nguan nyanman'n ɔ'a yo tɛnndɛn nan ɔ wun ɔ'a jɔ wɔ fɔuun mɛn nga min Anannganman ɔ Nyanmiɛn'n fa man wɔ'n i nun'n ti.

Filipfuɛ Mun 4:18

Like nga an fa blɛli min'n, n nyɛnnin i kwlaa'n, ɔ ju min tra su. Kɛ Epafroditi fali like sɔ'n bɔ an fa mɛnnin i kɛ ɔ fa blɛ min'n blɛli min'n, ɔ man like'n kwlaa ti a sin a yia min. Like sɔ'm be ti kɛ like b'ɔ bɔn fannin bɔ be fa man Nyanmiɛn b'ɔ sɔ nun ɔ jɔ i klun'n sa .

Kolɔsfuɛ Mun 1:10

I sɔ'n nun'n, amun nyoliɛ'n ɔ ´man e Min'n i kɔmin su yɛ sa nga amun ´yo'n, i kwlaa ´jɔ i klun, yɛ amun ´yo sa kpakpa'n kwlaa, yɛ silɛ nga an si Nyanmiɛn'n ɔ ´yo dan.

Kolɔsfuɛ Mun 3:22

Kanga mun, man amún nyin yi amun min mun sa'n kwlaa nun, yɛ an `bu be sran. Nán kɛ kɛ be o lɛ'n i ngunmin yɛ an yo i sɔ nan sran'm be klun jɔ amun wun-ɔn. Sanngɛ e Min'n bɔ an sro i'n ti, like nga an yo'n, nán an bu i sin.

Tite 2:9

Kan kle kanga'm be kɛ sa'n kwlaa nun be bu be min'm be sran, yɛ be yo sa ng'ɔ jɔ be klun'n, nán man be kpalo bé nuan

Hébreu 13:21

ɔ man amun fanngan sa'n kwlaa nun nan an yo i klun sa. Jésus-Krist ti, man ɔ fa e yo like ng'ɔ klo'n. Man e la Krist ase tititi! Man ɔ yo sɔ!

Rit I Wun Ndɛ 3:5

Yɛ Rit waan: «N tili. Nga a kɛnnin i lɛ'n, n ´yo i kwlaa'n kpan!»