Kolɔsfuɛ Mun 3:2 - NYANMIƐN NDƐ'N 1998

² An `bu nglo lɔ ninnge'm be akunndan, nán an bu asiɛ'n su wa liɛ'm be akunndan,

Nyanmien nde Ufle

² Anh bu nglô lo ninngé'm bé akunndan, nanh an bu asie'n su wa lie'm bé akunndan,

Kolɔsfuɛ Mun 3:2 ပူးပေါင်းရင်းမြစ်များ

1 Be Nyoliɛ 22:19

Ɔ man amun `nian nun su Anannganman amun Nyanmiɛn'n kpa sakpa. Amun `siesie amún wun nan amun `kplan Anannganman Nyanmiɛn'n i sua'n. Kɛ amun ko kplɛn i manmanlɛ sua sɔ'n, amun `fa i alaka'n nin i sulɛ ninnge mun fa sie nun.»

1 Be Nyoliɛ 29:3

Yɛ kusu n ´fa m bɔbɔ min sika ɔkwlɛ'n, ɔ nin min jɛtɛ ufue'n kwlaa n ´fa ukɛ i kwlaa nga n kunndɛli'n su n ´fa man, nan be fa kplan Anannganman i sua'n bɔ n klo i kpa'n.

Jue Mun 62:10

Klɔ sran'm be lɛ-man nyrun, be ti kɛ aunngban sa. Sran kpakpa mun bɔbɔ be yo-man sa fi ye. Sɛ be sie be kwlakwla toe su'n, be nɔnnin'n ngba ti kɛ kpukpuwa sa.

Jue Mun 91:14

Anannganman waan: «Ɔ klo min, i sɔ'n ti n ´fɛ i n ´fia, n ´sɛsɛ i afin ɔ si min.

Nyanndra Mun 23:5

Kɛ sika'n wo lɛ'n, ɔ ti kɛ anunman nyin b'ɔ tu kɔ nglo mmua'n sa. Ɔ lɛ ndɛwa yɛ ɔ o lɛ-ɔ. Kɛ ɔ waan a ´nian'n, wuun ɔ'a tu anunman lalaa. ?A kunndɛ i-ɔ a wun i nin?

Akunndanfuɛ'n 7:14

Sɛ a wun ɔ́ wun fɛ'n, man ɔ klun jɔ, sɛ kusu a o nyrɛnnɛn nun'n, bu akunndan. Nyanmiɛn yɛ man sran wun i wun fɛ-ɔ, i kunngba'n yɛ man sran wun nyrɛnnɛn nin-ɔn. Kɛ ɔ ´yo nan sran ɔ'a si-man cɛn wie sa ng'ɔ wa ju'n, i ti yɛ ɔ yo i sɔ nin-ɔn.

Matthieu 16:23

Sanngɛ Jésus kpɛli i nyin seli Piɛr kɛ: «Satan fa jao min wun lɛ, a su saci min ti nun, afin wɔ akunndan'n ti-man Nyanmiɛn liɛ, sran liɛ-ɔ.»

Matthieu 6:19

«Nán an sie amun anwlɛn su ninnge'm be wa, afin nvɔlɛ nin annganblalɛ be saci be, yɛ awiefuɛ'm be bu anuan'n be wua asiɛ'n su wa.

JÉSUS-CHRIST I DYASIN FE'N BO LUC KLELI'N 12:15

I sin ɔ seli be kɛ: «An `nian amún wun kpa konvi kpli yolɛ'n i lika, afin man sran nyɛn i wun ɔ nyɛn i wun sɛ, nán ninnge sɔ mun yɛ be mɛn i nguan-an.»

JÉSUS-CHRIST I DYASIN FE'N BO LUC KLELI'N 16:11

?I sɔ'n ti, sɛ amun di-man nanwlɛ sika ng'ɔ man ndɛ sran'm be di-man nanwlɛ'n su'n, wan yɛ ɔ ´fɛ i like kpa man amun kɛ an fa sie-ɔ?

Filipfuɛ Mun 1:23

N ti mianfuɛ i bue nnyɔn'n nun, sa ng'ɔ yo n fɛ kpa tra su'n yɛlɛ kɛ n ´kɔ nan min nin Krist e ´ko tran, i sɔ'n yɛ ɔ ti kpa-a.

Kolɔsfuɛ Mun 3:1

I sɔ'n ti'n, sɛ amun nin Krist yɛ an cɛnnin'n, an `kunndɛ nyanmiɛn su lɔ ninnge mun, Krist ti Nyanmiɛn i fama su lɔ .

Kolɔsfuɛ Mun 3:5

I sɔ'n ti'n, an `wla amun asiɛ'n su wa nzuɛn'n be ase: bla nin bian kunndɛlɛ, sa tɛtɛ yolɛ, be konvi b'ɔ sɔ nyannzuɛn sa mun'n, bé nyin b'ɔ blo ninnge'm be su'n, bé nyin b'ɔ yi-man like'n b'ɔ nin amuɛn sɔlɛ'n ti kun'n.