Kolɔsfuɛ Mun 3:17 - NYANMIƐN NDƐ'N 1998

¹⁷ Sɛ amun ´yo like wie o, sɛ amun ´kan ndɛ wie o, like kwlaa nga amun ´yo'n, an `yo i e Min Jésus dunman nun, yɛ i ti an `la e Si Nyanmiɛn'n i ase.

Nyanmien nde Ufle

¹⁷ Se amunh yôh liké wié ô, se amunh kanh nde wié ô, liké kwlaa nga amunh yôh'n, anh yôé é Min Jésus dunman nun, ye i ti anh la é Si Nyanmien i asé.

Kolɔsfuɛ Mun 3:17 ပူးပေါင်းရင်းမြစ်များ

1 Famiɛn Mun 18:32

Ɔ fali yɛbuɛ sɔ mun fa kplannin Anannganman i sɔwlɛ'n, yɛ ɔ kpɛli kunman kun sin yiɛli i. Kunman sɔ'n, be ´gua nun nzue litri ablasan yɛ ɔ ´yi-ɔ.

Nyanndra Mun 3:6

Sɛ a ´fin ase o a ´jao o, Anannganman i dunman yɛ bo-ɔ. Sɛ a bo i dunman'n, ɔ ´bo ɔ nyrun atin'n.

Mise 4:5

Like nga nvle kun nga'm be ko yo nan ɔ'a jɔ be amuɛn'm be klun'n, yɛ be yo-ɔ. E kusu e liɛ nga e ko yo nan ɔ ko jɔ Anannganman e Nyanmiɛn'n i klun titi'n yɛ e yo-ɔ.

Matthieu 28:19

I sɔ'n ti, an `wɔ ko kle nvle-nvle'n kwlaa be like man be kaci n sɔnnzɔnfuɛ, yɛ an `yo be batɛm e Si Nyanmiɛn, nin i Wa'n, ɔ nin i Wawɛ'n be dunman nun .

Sa nga bé yôli'n 19:17

Zuif mun nin Grɛk'm bɔ be tran Efɛz lɔ'n, be kwlaa be tili sa sɔ'n, srɛ kunnin be kwlaa, yɛ e Min Jésus dunman'n fuli.

Sa nga bé yôli'n 4:30

Tinngɛ ɔ́ sa'n tukpacɛfuɛ'm bé wun, man be yo juejue, yi atrɛ, yɛ yo abonuan sa ɔ sran Jésus i dunman nun.»

Rɔmfuɛ Mun 1:8

Jésus-Krist ti n la min Nyanmiɛn'n i ase amun ndɛ bɔ n tili'n ti, afin be kan amun Nyanmiɛn sulafilɛ ndɛ'n mɛn wunmuan'n nun.

1 Korɛntfuɛ Mun 10:31

I sɔ'n ti'n, sɛ amun ´di like o, sɛ amun ´nɔn nzue annzɛ nzan o, sɛ amun ´yo like wie o, an `yo i kwlaa sɔ'n i nuan su man Nyanmiɛn nyan nyrun.

Efɛzfuɛ Mun 1:17

Yɛ n srɛ e Min Jésus-Krist i Nyanmiɛn b'ɔ ti e Si b'ɔ lɛ nyrun'n kɛ ɔ fɛ i Wawɛ'n man amun man an si ngwlɛlɛ. Yɛ n srɛ i kɛ ɔ `yi i wun nglo nan an si i kpa.

Efɛzfuɛ Mun 5:20

Sa'n kwlakwla nun'n, an `la é si Nyanmiɛn ase titi e Min Jésus-Krist dunman nun.

Filipfuɛ Mun 1:11

Yɛ Jésus-Krist man amun ´yo sa kpakpa Nyanmiɛn manmanlɛ nin i kɔmin su manlɛ'n ti.

Filipfuɛ Mun 2:11

yɛ ɔ `fite be kwlaa bé nuan kɛ Jésus-Krist ti be Min, nan e Si Nyanmiɛn'n `nyan nyrun .

Kolɔsfuɛ Mun 1:12

An `la e Si'n i ase, afin i yɛ man amun dunman'n tɛ like ng'ɔ sie mɛn i sran mun lika b'ɔ kpaja nun lɔ'n i nun wie-ɔ.

Kolɔsfuɛ Mun 2:7

ɔ man i ti an jran kekle kɛ sua bɔ be wlɛ i bo ase kpa'n sa. An `lafi i su kpa kɛ be kleli amun'n sa, an `lɛ i ase tititi.

Kolɔsfuɛ Mun 3:15

Sɛ é wun nga Krist man ɔ jɔ ye'n ti sran'n, wuun e ´se kɛ man ɔ sie amun nin amun klun akunndan'n kwlaa, afin i sɔ'n ti yɛ Nyanmiɛn flɛli amun kɛ an `yo sran wunmuan nin-ɔn. Yɛ like kwlaa nga Nyanmiɛn yo man amun'n, nán amún wla fi.

Kolɔsfuɛ Mun 3:23

Like kwlaa nga amun ´yo'n, an `tu amun klun yo i kɛ e Min'n yɛ an su yo mɛn i sa, nán an bu i kɛ sran yɛ an su yo mɛn i-ɔ.

1 Tɛsalonikfuɛ Mun 1:1

M Pɔl, min nin Silvɛn, ɔ nin Timote e ´klɛ fluwa nga blɛ amun asɔnunfuɛ bɔ an wo Tɛsalonik lɔ'n, bɔ amun nin e Si Nyanmiɛn nin e Min Jésus-Krist amu'an yo sran wunmuan'n. E ´yra é nuan kɛ an nyan ye, yɛ man amún wun jɔ amun fɔuun!

1 Tɛsalonikfuɛ Mun 5:18

Sa'n kwlaa nun, an `la Nyanmiɛn ase, afin kɛ amun nin Krist-Jésus amu'an kaci sran wunmuan'n ti'n, Nyanmiɛn klo kɛ an yo sɔ.

2 Tɛsalonikfuɛ Mun 2:17

be wla amun yakpa, man an jran kekle yo sa kwlaa ng'ɔ ti kpa'n, yɛ an kan ndɛ kwlaa ng'ɔ ti kpa'n.

Hébreu 1:5

?Afin anz'm be nun onin yɛ Nyanmiɛn seli i kɛ: «A ti n wa, ndɛkɛn m'an kaci ɔ si-ɔ?» ?Yɛ be nun onin ekun yɛ ɔ kɛn i ndɛ kɛ: «N ´yo i si, yɛ i kusu ɔ ´yo n wa-a ?»

Hébreu 13:15

I sɔ'n ti, man manmanlɛ nga e manman Nyanmiɛn titi'n ɔ yo kɛ asenna like bɔ e fa man Jésus kɛ ɔ fa mɛn i'n sa. Kɛ e ´yo sɔ'n e bo i dunman .

1 Piɛr 2:5

Amun kusu an ti kɛ yɛbuɛ b'ɔ o lɛ tititi'n sa, man be fa amun wla Nyanmiɛn sua bɔ i Wawɛ'n kplan'n nun wie, yɛ amun ´kaci Nyanmiɛn nyrun jranfuɛ mun bɔ i Wawɛ'n man amun ´sɔ i wafa uflɛ su. Jésus-Krist ti, i sɔlɛ sɔ'n ɔ ´jɔ i klun.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

1 Piɛr 4:11

Sran ng'ɔ kan Nyanmiɛn ndɛ'n, man ɔ kan ndɛ nga Nyanmiɛn kleli i'n, yɛ nga kusu b'ɔ nian asɔnunfuɛ'm be lika'n, man ɔ fa wunmiɛn ng'ɔ mɛnnin i'n, di junman sɔ'n, nan sa'n kwlaa nun Jésus-Krist b'ɔ lɛ nyrun'n, b'ɔ kwla like kwlaa yo'n, i ti man Nyanmiɛn nyan nyrun tititi. Man ɔ yo sɔ!

1 Jean 2:23

Sran ng'ɔ sɔ-man Nyanmiɛn Wa'n nun'n, wuun ɔ'a sɔ-mɛn i bɔbɔ nun. Sran ng'ɔ sɔ i nun'n, wuun ɔ'a sɔ i Si'n nun.

1 Jean 3:18

M mma mun, nán man amun sran klolɛ'n yo amún nuan bui su, nin nuan nun fɛ su, sanngɛ man be wun i sakpa like nga amun yo'n nun.