Kolɔsfuɛ Mun 3:16 - NYANMIƐN NDƐ'N 1998

¹⁶ Man Krist ndɛ b'ɔ ti amun like kpa'n tran amun klun. An `kan kle amun wiengu, ngwlɛlɛ nga an si i'n, an `fɛ i kwlaa'n tu amun wun fɔ. An `tu amun klun to jue ng'ɔ o Nyanmiɛn Jue fluwa nun, nin Nyanmiɛn manmanlɛ jue mɛnmɛn i, yɛ an `lɛ i ase.

Nyanmien nde Ufle

¹⁶ Man Christ nde b'o ti amun liké kpa'n tran amun klun. Anh kan klé amun wiéngu, ngwlele kwlaa nga an sii'n anh fa tu amun wun fo. Anh tu amun klun tô psaume nin Nyanmien manmanle dyué nin asonun dyué'n menmen, anh le i asé.

Kolɔsfuɛ Mun 3:16 ပူးပေါင်းရင်းမြစ်များ

1 Famiɛn Mun 3:28

Izraɛlfuɛ'm be kwlaa be tili ndɛ sɔ'n bɔ famiɛn'n ɔ kpɛli nun klanman'n, ɔ man bé nyin yili i, afin be wunnin i kɛ Nyanmiɛn i ngwlɛlɛ'n yɛ ɔ ukɛli i jɔlɛ sɔ'n i dilɛ nun-ɔn.

1 Be Nyoliɛ 25:7

Jue tofuɛ sɔ mun'n, be nin be niaan bɔ be suannin Nyanmiɛn manmanlɛ jue mun kpa'n, bɔ be ti jue klefuɛ'n, be kwlaa be ti ya-nnyɔn-ablaɔcuɛ-nin-mɔcuɛ.

Neemi 12:46

Kɛ ɔ fɛ i lalafuɛ nun'n, David nin Azaf be blɛ su'n, jue tofuɛ'm be nyrun jranfuɛ'm be o lɛ, be tinngɛ Nyanmiɛn i ayɛ yilɛ nin i manmanlɛ jue mun.

Zɔb I Nyrɛnnɛn Wunlɛ 23:12

I mmla kun nun-man lɛ bɔ m'an fa-man su-ɔ. I nuan nun ndɛ'm be yoli cinnjin min sa nun trali m bɔbɔ min klun sa'n.

Jue Mun 119:11

N fa ɔ ndɛ'n n sie min klun kpa kɛ ɔ ko yo nan m'an fɔn-man ɔ́ wun'n ti.

Jue Mun 119:54

Kɛ bɔ n ti kɛ aofuɛ sa ti'n, sa nga a kle be mun'n yɛ be ti min jue yɛ n to-ɔ.

Jue Mun 138:1

Jue nga ti David liɛ. Anannganman, n ´tu n klun m ´manman wɔ. Ninnge nga sran'm be sɔ be'n be nyrun'n n ´to jue n yi wɔ ayɛ.

Jue Mun 28:7

Ɔ man min wunmiɛn, yɛ ɔ sasa min. N fa min wun n wlɛ i sa nun, kpɛkuun i kusu uka min. Ɔ man min klun jɔ yɛ n to jue n fa mɛnmɛn i.

Jue Mun 32:7

A ti min fiawlɛ, a sasa min, ɔ man nyrɛnnɛn tɔ-man min su. Kɛ a de min'n, n klun ti jɔwa, yɛ wɔ man jue ngunmin yɛ n sro-ɔ.

Jue Mun 71:23

Kɛ m ´bo n ´flɛ wɔ'n, wuun n ´to jue m ´manman wɔ delɛ bɔ a deli min'n ti.

Nyanndra Mun 14:8

Sran ng'ɔ ti akunndanfuɛ'n, ɔ niɛn i wun su kpa. Sinnglinfuɛ'n i sinnzin'n ti ɔ mlin.

Nyanndra Mun 18:1

Sran nga bɔ i bɔbɔ i wun akunndan yɛ ɔ bu'n, ɔ fɛ-mɛn i wun mantan-man sran. Sɛ be se kɛ be ´ukɛ i nan ɔ yo like wie'n, ɔ yo-mɛn i fɛ.

Ngɔjue Fɛfɛ Kpa'n 1:1

Ngɔjue'm be nun fɛfɛ kpa'n yɛ. Salomɔn yɛ ɔ klɛli ɔ.

Ezai 10:2

Be di-man yalɛfuɛ'm be ndɛ liɛ mun. Like ng'ɔ ti min nvle nun yalɛfuɛ'm be liɛ'n, be fa man-man be. Angboti mmla'm b'a kaci kɛ bé nuan nun nnɛn sa, be di be lufle pɔɔ, yɛ be de aika'm bé sa nun ninnge mun.

Ezai 26:1

I cɛn sɔ nun'n, be ´to jue ng'ɔ o yɛ'n Zida mɛn'n nun. Be ´se kɛ: «E lɛ klɔ kun bɔ be sili i wun'n kpa. Anannganman i delɛ b'ɔ de ye'n, ɔ ti kɛ talɛ nnyɔn sa yɛ be si klɔ'n i wun-ɔn.

Ezai 30:29

Sanngɛ amun liɛ'n, amun wa to jue kɛ cɛn bɔ be di i kɔnguɛ'n sa. Amun klun wa jɔ kɛ be su bo blo nan amun su kɔ Anannganman b'ɔ ti kɛ Izraɛlfuɛ'm be yɛbuɛ sa'n i oka'n su lɔ sa.

Ezai 5:1

Min waan n ´to jue m bo flɛ min aenguɛ'n. Min aenguɛ'n ɔ nin i vinyi fie bé wun jue yɛ min waan n ´to-ɔ . Min aenguɛ'n ɔ lɛ i vinyi fie kun, i vinyi fie sɔ'n wo kpɔlɛ wie bɔ i asiɛ'n ti kpa'n su.

Zeremi 15:16

Kɛ ɔ́ nuan ndɛ'n ko to min sa'n, n ka lɛ n sɔ nun. Ɔ ndɛ'n yo min fɛ, ɔ ndɛ sɔ'n ti man min klun jɔ. Afin Anannganman Nyanmiɛn, ɔ bɔ a sie mɛn wunmuan'n, ɔ dunman'n wo min su.

Matthieu 26:30

Kɛ be toli Nyanmiɛn manmanlɛ jue'n, be ɔli Olivie Oka'n su lɔ.

JÉSUS-CHRIST I DYASIN FE'N BO LUC KLELI'N 2:51

Kɛ ɔ yoli sɔ'n, ɔ nin be ɔli Nazarɛt, i nyin yi be. I nin fa sa sɔ'n sieli i klun.

Jean 15:7

Sɛ amun nin min yo sran wunmuan bɔ e tran titi'n, bɔ an fa min ndɛ'n su'n, like nga an klo i'n, an `se Nyanmiɛn, ɔ ´fa man amun.

Rɔmfuɛ Mun 10:17

I sɔ'n ti'n, ndɛ nga sran ti'n yɛ man ɔ lafi Nyanmiɛn su-ɔ, yɛ ndɛ nga be ti'n yɛlɛ Krist ndɛ bɔ be kan'n.

Rɔmfuɛ Mun 15:14

N niaan mun, m bɔbɔ n lafi amun su kpa kɛ an ti klun-ufuefuɛ kpa, n lafi amun su kɛ amun wun sa'n kwlaa wlɛ yɛ an kwla tu amun wiengu fɔ.

1 Korɛntfuɛ Mun 14:15

?Kɛ ɔ ti kɛ nga sa'n, n ´yo i sɛ? Sɛ ɔ ti sɔ'n, kɛ n ´kan ndɛ kle Nyanmiɛn'n, ndɛ ng'ɔ fa wla min nuan kɛ n kan'n yɛ n ´kan-an, sanngɛ kusu n ´wun i wlɛ yɛ n ´kan-an. Jue nga Nyanmiɛn fa wla min nuan kɛ n to'n yɛ n to-ɔ, sanngɛ kusu n ´wun i wlɛ yɛ n ´to-ɔ.

1 Korɛntfuɛ Mun 14:26

?Aniaan mun, sɛ ɔ ti sɔ'n, kɛ amun yia'n bɔ amun kwlaa an lɛ like bɔ an yo'n, bɔ kun to jue, kun kusu kle like wie, kun kan ndɛ bɔ Nyanmiɛn kan kleli i'n, kun ijɔ aniɛn wie'n, kun kusu kaci aniɛn wie, e yo i sɛ? An `yo i kwlaa sɔ'n man asɔnun'n yo kpa.

Efɛzfuɛ Mun 1:17

Yɛ n srɛ e Min Jésus-Krist i Nyanmiɛn b'ɔ ti e Si b'ɔ lɛ nyrun'n kɛ ɔ fɛ i Wawɛ'n man amun man an si ngwlɛlɛ. Yɛ n srɛ i kɛ ɔ `yi i wun nglo nan an si i kpa.

Efɛzfuɛ Mun 5:17

I sɔ'n ti'n, nán an yo sinnglinfuɛ, sanngɛ an `mian amún nyin kɛ amun ´si like nga e Min'n klo kɛ an yo'n.

Efɛzfuɛ Mun 5:19

Kɛ amun ´koko yalɛ'n, an `kan Nyanmiɛn Jue fluwa nun ndɛ, yɛ an `to Nyanmiɛn manmanlɛ jue. An `tu amun klun to jue manman e Min'n, yɛ an `bo flɛ i.

Efɛzfuɛ Mun 5:26

Afin Asɔnun'n ti, ɔ fɛ i wun mannin nan kɛ ɔ wunnzin i b'ɔ yo yɛiin i ndɛ'n ti, ɔ ´kaci Nyanmiɛn liɛ mlɔnmlɔn.

Kolɔsfuɛ Mun 1:28

Krist sɔ'n i ndɛ yɛ e kan kle sran'm be kwlaa nin-ɔn, e tu be kwlakwla be fɔ, yɛ e fa ngwlɛlɛ nga e si i'n i kwlaa e kle be like. E yo sɔ nan sran'm be kwlaa be `yo sran Nyanmiɛn nyrun sran wunmuan bɔ be nin Krist ti'n ti.

Kolɔsfuɛ Mun 1:9

I sɔ'n ti'n, e kusu kɛ ɔ fin cɛn nga e tili amun ndɛ bɔ be kan'n, e srɛ Nyanmiɛn titi kɛ ɔ nian amun su. E srɛ i kɛ ɔ yo man an si ngwlɛlɛ nan an wun sa nga i Wawɛ'n kle amun'n i wlɛ nan an si i klun sa'n kpa.

Kolɔsfuɛ Mun 4:6

Man amun ijɔlɛ wafa'n yo sran'm be fɛ, man amún nuan nun ndɛ'n yo fɛ kɛ njin sa nan amu'an tɛ sran ng'ɔ usa amun sa'n, i su klanman.

1 Tɛsalonikfuɛ Mun 1:8

Kɛ Nyanmiɛn ndɛ'n fin amun wun lɔ b'ɔ juli Maseduani nin Akai lɔ'n, ɔ'a ka-man lɛ ngunmin, sanngɛ amun Nyanmiɛn sulafilɛ ndɛ'n ɔ'a tru lika'n kwlaa, ɔ man e bo-man wɛ e kɛn-mɛn i kun.

1 Tɛsalonikfuɛ Mun 4:18

I sɔ'n ti, an `fa ndɛ nga cici amun wiengu wla.

2 Tɛsalonikfuɛ Mun 3:15

Sanngɛ nán amun kpɔ i, an `fɛ i bu amun niaan, yɛ an `tu i fɔ.

1 Timote 6:17

Kan kle blɛ nga e o nun yɛ'n i nun anyanbeunfuɛ'm be kɛ nán man be di tutre, yɛ nán man be fa bé wla gua be anyanbeun b'ɔ su ka-man lɛ'n su sanngɛ be `fa gua Nyanmiɛn b'ɔ man e like kwlaa b'ɔ man e klun jɔ'n i su.

2 Timote 3:15

Kɛ ɔ fin ɔ ba kaan nun'n, a si Nyanmiɛn Ndɛ nga be klɛli'n yɛ man a si ngwlɛlɛ b'ɔ man sɛ be lafi Krist su-ɔ be nyan bé ti nin-ɔn.

Tite 3:6

Afin e Defuɛ Krist-Jésus ti Nyanmiɛn fɛli i Wawɛ'n mannin ye i klun-ufue su

Jacques 1:5

Sɛ ngwlɛlɛ'n w'a ti-man amun nun wie kpa'n, man ɔ kan kle Nyanmiɛn bɔ i sa ti-man tankaan'n, b'ɔ fa like man sran'm be kwlaa ɔ ijɔ-mɛn i sin'n. Ɔ man sran sɔ'n ɔ ´wun sa wlɛ.

Jacques 3:17

Ngwlɛlɛ b'ɔ fin nyanmiɛn su'n, sɛ ɔ ti sran'n, wuun e ´se kɛ sa tɛ kaan sa nun-mɛn i wun. Ɔ klo-man ndɛnngan, ɔ ti wɛtɛfuɛ, be nin i kwla koko yalɛ, ɔ si aunnvuɛ dan, ɔ yo sa kpa, ɔ bu-man sran'n wie kpa tra-man wie, yɛ ɔ klo-man dunman.

Jacques 5:13

Sɛ nyrɛnnɛn wo amun nun wie su'n, man ɔ koko kle Nyanmiɛn. Sɛ amun nun wie klun ti jɔwa'n, man ɔ to jue manman Nyanmiɛn.

1 Jean 2:14

Ba kanngan mun, n ´klɛ fluwa nga m ´blɛ amun yɛlɛ kɛ an si e Si'n. N si mun, n ´klɛ fluwa sɔ'n m blɛ amun yɛlɛ kɛ an si sran ng'ɔ o lɛ i bo bolɛ nun'n. Gbanflɛn mun, n ´klɛ fluwa sɔ'n m ´blɛ amun yɛlɛ kɛ an jran kekle, an fa Nyanmiɛn ndɛ'n su, yɛ an kwlali Klunwifuɛ'n.

1 Jean 2:24

I sɔ'n ti, ndɛ nga kɛ ɔ fin i bo bolɛ nun'n an tili'n, an `fa sie amun klun kpa. Sɛ ɔ tran amun klun kpa'n, wuun amun nin e Si'n nin i Wa'n an ti kun tititi.

1 Jean 2:27

Amun liɛ'n, Krist fɛ i Wawɛ'n mannin amun. Kɛ i Wawɛ sɔ'n nin amun tɛ o lɛ'n, an bo-man wɛ kunndɛ-man sran kɛ ɔ kle amun like. Afin ɔ kle amun like'n kwlaa, like ng'ɔ kle amun'n ti nanwlɛ, ɔ ti-man ato. I sɔ'n ti, amun nin i `tran titi kɛ ɔ kan kleli amun'n sa.

2 Jean 1:2

Afin e fa ndɛ nanwlɛ'n su, yɛ e ´fa su tititi.

Sa nglô yile 14:3

Be to jue uflɛ uflɛ kun bia'n, nin like nnan bɔ be ti kɛ nnɛn sa'n, ɔ nin kpɛnngbɛn'm be nyrun lɛ. Sran fi kwla-man jue sɔ'n suan, san sran akpi-akpi ya sran akpi-akpi ablanan-nin-nnan (144.000) bɔ be kpɔli be ti asiɛ'n su'n be ngunmin cɛ.

Sa nglô yile 15:3

Be to Moiz b'ɔ ti Nyanmiɛn i sran'n nin Bua Gbanflɛn'n be jue'n, be se kɛ: «Anannganman Nyanmiɛn wɔ bɔ a kwla like kwlaa yo'n, sa dandan nga a yo be'n, be ti abonuan! Nvle-nvle'm be Famiɛn, a ti nanwlɛfuɛ yɛ a yo sa i nuan su !

Sa nglô yile 19:10

Yɛ n utuli mín nyin ase i bo lɛ kɛ m ´mɛnmɛn i, sanngɛ ɔ seli min kɛ: «Nán yo sɔ! Wɔ nin ɔ niaan nga be fa ndɛ nanwlɛ nga Jésus yili nglo'n i su'n, n ti amun wiengu junman difuɛ. Koto Nyanmiɛn bo mɛnmɛn i! Ndɛ nanwlɛ nga Jésus yili i nglo'n yɛ man Nyanmiɛn nuan ijɔfuɛ'm be kɛn i bɔbɔ Nyanmiɛn i nuan ndɛ nin-ɔn.»

Sa nglô yile 5:9

Be to jue uflɛ uflɛ kun, be se kɛ: «Wɔ yɛ a ti fluwa'n i fafuɛ-ɔ, bɔ a kwla kpɛkpɛ like nga be fa cicili i nun-ɔn. Afin be kunnin wɔ, sran'm bɔ be fin nvle-nvle'n kwlaa nun'n, nin be bɔ be aniɛn'n ti wafa-wafa'n kwlaa'n, ɔ nin be nga be fin mɛnmɛn'n kwlaa nun, a fa ɔ́ wun toli be mannin Nyanmiɛn .