Kolɔsfuɛ Mun 3:15 - NYANMIƐN NDƐ'N 1998

¹⁵ Sɛ é wun nga Krist man ɔ jɔ ye'n ti sran'n, wuun e ´se kɛ man ɔ sie amun nin amun klun akunndan'n kwlaa, afin i sɔ'n ti yɛ Nyanmiɛn flɛli amun kɛ an `yo sran wunmuan nin-ɔn. Yɛ like kwlaa nga Nyanmiɛn yo man amun'n, nán amún wla fi.

Nyanmien nde Ufle

¹⁵ Se é wun nga Christ man o dyo yé'n ti swran'n, wuun éh séh ke, mon o sié amun nin amun klun akunndan'n kwlaa, afin i so'n ti ye o fleli amun ke an yô swran wunmuan nion. Ye liké kwlaa nga Nyanmien yô man amun'n, nanh amun wla fi.

Kolɔsfuɛ Mun 3:15 ပူးပေါင်းရင်းမြစ်များ

Jue Mun 100:4

Kɛ amun ´wlu i sua'n nun'n, an `to ye silɛ jue. Kɛ an ´wlu i awlo klun lɔ'n, amun `to jue be mɛnmɛn i. An `yi i ayɛ. An `lɛ i ase!

Jue Mun 107:22

Man be yi asenna tɛ'm be fa mɛn i. Yɛ man be bo sro be kan sa ng'ɔ yoli be mun.

Jue Mun 116:17

Asenna tɛ'n yɛ n ´yi n ´fa man wɔ-ɔ. N ´kpan n flɛ wɔ.

Jue Mun 29:11

Man Anannganman ɔ man i nvle'n nunfuɛ'm be fanngan. Man Anannganman ɔ yrɛ i nuan man i nvle'n nunfuɛ mun, ɔ `yo man bé wun jɔ be fɔuun.

Ezai 26:3

Sran ng'ɔ tran cinnjin ɔ́ sa nun'n, Anannganman, a mɛn i aunjuɛ, ɔ man i wun jɔ i fɔuun, afin ɔ fɛ i wla'n gua ɔ su.

Ezai 27:5

Sanngɛ sɛ be talo min'n, sɛ be kpata min'n, sɛ be tra n ja'n, i liɛ ɔ lɛ i wun.»

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 57:19

N ´yo man be ´bo sro. Be nga be o mmua o, be nga be o koko o, bé wun ´jɔ be, bé wun ´jɔ be sakpa! N ´kaci be.» Anannganman yɛ se sɔ-ɔ .

Zonas 2:9

Sran nga amuɛn bɔ be bɔn-man like'n yɛ be sɔ be'n, be bɔbɔ man a kwla si-man be aunnvuɛ.

Jean 14:27

N ´yo man amún wun ´jɔ amun fɔuun, yɛ amun ´di alaje kɛ min sa. Alaje nga mɛn nunfuɛ'm be yra bé nuan kɛ sran di'n, ɔ nin n liɛ'n ti-man kun. Nán amún wla bo, nán srɛ kun amun.

Jean 16:33

N kɛnnin i kwlaa sɔ'n kleli amun nan amún wun `jɔ amun fɔuun sran wunmuan bɔ min nin amun y'a kaci'n ti. Amun wa wun amún nyin su kpa, sanngɛ an `tra amun anwlɛn, mɛn nga nun wa'n, min yɛ n kwlaa-a.»

Rɔmfuɛ Mun 1:21

Afin be si kɛ ɔ ti Nyanmiɛn, sanngɛ ɔ nin i sɔ'n ngba be yi-mɛn i ayɛ'n yɛ be lɛ-mɛn i ase. Be akunndan nga be bu'n i kwlaa'n yoli ngbɛn, yɛ ngwlɛlɛ bɔ be si-mɛn i'n ti b'a wun-man sa fi wlɛ kun .

Rɔmfuɛ Mun 14:17

Nán kɛ like bɔ sran di'n nin nzan bɔ be nɔn'n yɛ ɔ kle kɛ Nyanmiɛn sie be-ɔ, sanngɛ i Wawɛ'n b'ɔ man sran kaci sran kpa'n, b'ɔ man be di alaje'n, b'ɔ man be klun jɔ'n, yɛ ɔ kle kɛ ɔ sie be-ɔ.

Rɔmfuɛ Mun 15:13

Man Nyanmiɛn bɔ é nyin o i sin'n ɔ man amun klun jɔ, yɛ an di alaje i su bɔ an lafi'n ti nan Nyanmiɛn Wawɛ'n i fanngan nun amún nyin trɛn i sin tititi.

Rɔmfuɛ Mun 5:1

I sɔ'n ti, Nyanmiɛn a bu ye sran kpa i su bɔ e lafi'n ti, ɔ man siɛn'n e Min Jésus-Krist ti e nin i e afiɛn a sɛ.

1 Korɛntfuɛ Mun 10:17

Kannzɛ e sɔnnin'n, kpaun kunngba sɔ'n ti y'a kaci sran wunmuan, afin kpaun kunngba sɔ'n yɛ e ngba e yia su e di-ɔ.

1 Korɛntfuɛ Mun 7:15

Sanngɛ sɛ yasua o, sɛ bla o b'ɔ lafi-man Krist su'n i waan ɔ ´yrɛ i yi annzɛ i wun'n, man ɔ yrɛ i, e niaan Kristfuɛ'n ti-man mianfuɛ i sɔ sa liɛ'n nun. Afin Nyanmiɛn flɛli ye kɛ e di anuansɛ.

2 Korɛntfuɛ Mun 4:15

Amun ye yolɛ ti yɛ sa sɔ'n kwlaa yoli sɔ-ɔ, ɔ man kɛ Nyanmiɛn yo sran kpanngban bɔ bé nuan uka su titi'n be ye dan'n, ɔ man sran sɔ'm be kusu be wa lɛ i ase, yɛ be ´bo i dunman.

2 Korɛntfuɛ Mun 9:11

Nyanmiɛn ´man amun like'n kwlaa bɔ amun ´fa yo aklunye titi, yɛ amun nɛnnɛn nga amun ´di bɔ e ´fa ko man be'n, ɔ man be ´la Nyanmiɛn ase.

Efɛzfuɛ Mun 4:16

I yɛ man wunnɛn wunmuan'n kwlaa o lɛ-ɔ, yɛ wunnɛn sɔ'n i lika kun junman liɛ nga be kleli i kɛ ɔ di'n yɛ ɔ di-ɔ, afin be kwlaa be sasa su. Ɔ yo man wunnɛn sɔ'n ɔ nyin, yɛ ɔ yo kpa klolɛ bɔ i lika sɔ'n be klo be wun'n ti.

Efɛzfuɛ Mun 4:4

Kɛ Nyanmiɛn flɛli amun bɔ like nga an fa amún wla gua su'n ti kunngba'n, i kunngba nin-ɔn, wunnɛn'n ti kun, yɛ Nyanmiɛn Wawɛ'n kusu ti kun.

Efɛzfuɛ Mun 5:1

Kɛ an ti Nyanmiɛn i anwlɛn su ba'n, an `nian like ng'ɔ yo'n su, an `yo.

Efɛzfuɛ Mun 5:20

Sa'n kwlakwla nun'n, an `la é si Nyanmiɛn ase titi e Min Jésus-Krist dunman nun.

Kolɔsfuɛ Mun 1:12

An `la e Si'n i ase, afin i yɛ man amun dunman'n tɛ like ng'ɔ sie mɛn i sran mun lika b'ɔ kpaja nun lɔ'n i nun wie-ɔ.

Kolɔsfuɛ Mun 2:7

ɔ man i ti an jran kekle kɛ sua bɔ be wlɛ i bo ase kpa'n sa. An `lafi i su kpa kɛ be kleli amun'n sa, an `lɛ i ase tititi.

Kolɔsfuɛ Mun 3:17

Sɛ amun ´yo like wie o, sɛ amun ´kan ndɛ wie o, like kwlaa nga amun ´yo'n, an `yo i e Min Jésus dunman nun, yɛ i ti an `la e Si Nyanmiɛn'n i ase.

1 Tɛsalonikfuɛ Mun 5:18

Sa'n kwlaa nun, an `la Nyanmiɛn ase, afin kɛ amun nin Krist-Jésus amu'an kaci sran wunmuan'n ti'n, Nyanmiɛn klo kɛ an yo sɔ.

1 Timote 2:1

Afɔtuɛ nga n waan m ´man wɔ'n i klikli'n yɛ: an `kan sran'm be kwlaa be ndɛ kle Nyanmiɛn, an `srɛ i kɛ ɔ nian bé su, an `srɛ i aunnvuɛ su, an `lɛ i ase.

1 Timote 6:12

Mian ɔ́ nyin man sran'm be lafi Nyanmiɛn su kpa, afin sɛ a mian ɔ́ nyin sɔ'n, ɔ ti kpa. Anannganman nguan bɔ i ti yɛ Nyanmiɛn flɛli wɔ'n, bɔ i ti yɛ a kan Nyanmiɛn su bɔ a lafi'n i ndɛ fɛfɛ'n sran kpanngban be nyrun'n, trɛ i kekle.

Hébreu 13:15

I sɔ'n ti, man manmanlɛ nga e manman Nyanmiɛn titi'n ɔ yo kɛ asenna like bɔ e fa man Jésus kɛ ɔ fa mɛn i'n sa. Kɛ e ´yo sɔ'n e bo i dunman .

Sa nglô yile 7:12

se kɛ: «Man ɔ yo sɔ! Man e yi e Nyanmiɛn i ayɛ tititi, yɛ e yɛyɛ i, man e se kɛ ngwlɛlɛ'n ti i liɛ, man e lɛ i ase, yɛ e mɛnmɛn i, e se kɛ ɔ kwla like'n kwlaa yo, yɛ ɔ cɛnnin! Man ɔ yo sɔ!»