Kolɔsfuɛ Mun 3:11 - NYANMIƐN NDƐ'N 1998

¹¹ I sɔ'n ti'n, ɔ lɛ-man kɛ wie ti Grɛk yɛ wie ti Zuif, ɔ lɛ-man kɛ be wlali wie klɛn yɛ b'a wla-man wie klɛn, ɔ lɛ-man kɛ wie'm bé nyin nian ti-man yɛ wie ti sinnglinfuɛ, yɛ ɔ lɛ-man kɛ wie ti kanga yɛ wie ti diewa, sanngɛ Krist ti be like kwlaa, yɛ ɔ tran be kwlaa be anwlɛn'n nun.

Nyanmien nde Ufle

¹¹ I so'n ti, o le'a ke wié ti Grec, wié ti Juif, bé wlaa wié klen, b'a wla'a wié klen, wié'm bé nyin nian timan, wié ti Scythe sinnglinfue, wié ti kanga, wié ti diéwa, sannge Christ ti bé liké kwlaa, ye o tran bé kwlaa bé awlen'n nun.

Kolɔsfuɛ Mun 3:11 ပူးပေါင်းရင်းမြစ်များ

Jue Mun 117:2

afin ɔ yo sran ye kpa lele bobo su, yɛ ɔ di nanwlɛ tititi! An `manman Anannganman!

Ezai 49:6

Ɔ seli min kɛ: «Kɛ a ti min sufuɛ'n, bɔ min waan a man Zakɔb osu'n nunfuɛ'm be su'n, nan Izraɛlfuɛ nga bé nyin o su'n a `fa be sa bé sin'n, i sɔ'n ɔ ju-man. N ´yo man a ´kpaja nvle-nvle'm be nyrun, ɔ ti sran'm be ´nyan be ti lele ju asiɛ'n i awieliɛ'n, be ´wun delɛ bɔ n de sran'n .»

Ezai 52:10

Anannganman ɔ'a kle nvle-nvle'm be nunfuɛ'm be kwlaa kɛ ɔ ti kpli. Yɛ kɛ ɔ fɛ i lele ´ju mɛn'n i awieliɛ lɔ'n, sran'm be ´wun delɛ nga Nyanmiɛn de sran'n .

Zeremi 16:19

Anannganman, wɔ bɔ a man wunmiɛn'n, bɔ a ti kɛ min sasawlɛ klɔ'n sa, kɛ sa tɔ'n, ɔ́ sin yɛ n fia-a. Nvle-nvle'm be ´fin mɛn'n i bue kun lɔ be ´ba ɔ sin be ´se kɛ: «Like nga e nannan'm be yaci é si'm bé sa nun'n, ɔ ti ato like, ɔ yo-man sa fi ye.

Ezekiɛl 47:22

Amun `tu fɔtɔ be fa cɛcɛ, yɛ nán amún wla fi aofuɛ nga be tran amun afiɛn bɔ be wu ba mɛn'n nga nun'n mun. B'a yo ɔnvuɛ amun afiɛn. Amun `bu be akunndan. Man be nyan asiɛ'n wie Izraɛlfuɛ'm be akpasua'm be su.

Ndɛ Nga Nyanmiɛn I Nuan Ijɔfuɛ Oze Kannin'n 2:23

Anannganman'n waan: «I cɛn sɔ nun'n, sɛ be srɛ min like'n m ´man. Like nga nyanmiɛn b'ɔ la nglo lɔ plaii'n ɔ srɛ'n, m ´mɛn i. Yɛ like nga asiɛ'n kusu srɛ nyanmiɛn b'ɔ la nglo lɔ plaii'n i sa nun'n ɔ ´fa mɛn i.

Amɔs 9:12

Kpɛkuun asiɛ ng'ɔ ti Edɔmfuɛ'm be liɛ laa'n nin ng'ɔ ti nvle kun nga'm be liɛ laa'n, ɔ nin ng'ɔ ti m bɔbɔ min liɛ laa'n, be ´yo Izraɛlfuɛ'm be liɛ. M bɔbɔ min Anannganman'n, min yɛ n kan sɔ-ɔ. Min bɔ n kan'n, min kusu min yɛ n ´yo m ´man amun-ɔn .»

Mise 4:2

Nvle-nvle be nunfuɛ mun be ´tu ajalɛ be ´kɔ, be ´se kɛ: «An `bla man e wɔ Anannganman i oka'n su lɔ. E `wɔ Zakɔb i Nyanmiɛn'n i sua'n nun lɔ nan ɔ `kle ye kɛ e `nanti'n, nan e `nanti i atin'n su, afin Siɔn lɔ yɛ mmla'n fin-ɔn. Zerizalɛm lɔ yɛ Nyanmiɛn ndɛ'n fin ba-a.»

Zakari 2:11

Siɔnfuɛ mun, an `wanndi be bla, amun bɔ an tran Babilɔni klɔ'n su'n, an `wanndi ndɛndɛ be bla.»

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

Jean 14:23

Jésus tɛli i su kɛ: «Sran ng'ɔ klo min'n, ɔ ´fa min ndɛ'n su, yɛ n Si wa klo i, e ´bɛ i wun, e nin i e ´tran.

Jean 15:5

Min yɛ n ti vinyi'n bo kpa nin-ɔn, an ti min sama. Sran ng'ɔ nin min a yo sran wunmuan bɔ e tran titi'n, ɔ ti kɛ waka sama b'ɔ su kpanngban sa, afin sɛ n nun-man nun'n, an kwla yo-man like fi.

Jean 17:23

Man min nin be e yo sran wunmuan kɛ min nin wɔ e ti sran wunmuan'n sa nan be kaci sran wunmuan mlɔnmlɔn. Man ɔ yo sɔ nan mɛn nunfuɛ'm be si kɛ wɔ yɛ a sunmannin min-ɔn, yɛ a klo be kɛ a fa klo min'n sa.

Sa nga bé yôli'n 28:2

Lɛfuɛ'm be ti-man ye aniɛn, sanngɛ be kpa bɔ be yoli ye'n, i wunsu a sɔn-man. Nzue tɔli dan kpa, ayrɛ o nun, i sɔ'n ti be trɔli sin dan kun nan b'a flɛ e kwlaa i wun lɛ.

Sa nga bé yôli'n 28:4

Kɛ lɛfuɛ'm be wunnin ɔnda sɔ'n kɛ ɔ sende i sa'n su'n, be seli be wiengu kɛ: «Bian sɔ'n ti sran kunfuɛ sakpa, afin kɛ ɔ fin nzue'n nun fiteli'n, ninnge'm be bu i kɛ sɛ ɔ ka lɛ-ɔ, ɔ ti-mɛn i nuan su.»

Rɔmfuɛ Mun 1:14

Sran nga bé nyin a ti o, be nga bé nyin nian ti-man o, be nga be si fluwa o, be nga be si-man fluwa o, be kwlaa be jasin fɛ'n i bo klelɛ kalɛ o n su.

Rɔmfuɛ Mun 10:12

Yɛlɛ kɛ ɔ lɛ-man Zuif, yɛ ɔ lɛ-man Grɛk, be kwlaa be Min'n ti kun, ɔ fɛ i ninnge kpakpa'n man be kwlaa nga be bo flɛ i'n,

Rɔmfuɛ Mun 3:22

Nyanmiɛn bu be kwlaa nga be lafi Jésus-Krist su'n be sran kpa, afin i nyrun'n, sran fi kpa tra-man wie.

Rɔmfuɛ Mun 3:29

?Nyanmiɛn'n ti Zuif'm be ngunmin be liɛ? ?Ɔ ti-man be nga be ti-man Zuif'm be liɛ wie? Ɔ ti be liɛ wie,

1 Korɛntfuɛ Mun 12:13

Afin Nyanmiɛn fɛ i Wawɛ'n yoli e batɛm, sɛ Zuif o, Grɛk o, kanga o, diewa o, ɔ man e kwlaa y'a kaci sran wunmuan, yɛ i Wawɛ'n ti e kwlaa e liɛ.

1 Korɛntfuɛ Mun 14:11

I sɔ'n ti'n, sɛ n ti-man ndɛ bɔ sran kun kan'n i bo'n, n ti kɛ nvle wie nunfuɛ sa i nyrun yɛ i kusu ti kɛ nvle wie nunfuɛ sa min nyrun.

1 Korɛntfuɛ Mun 7:19

Sɛ be wla klɛn o, sɛ b'a wla-man klɛn o, ɔ ti-man sa cinnjin, sa ng'ɔ ti cinnjin'n yɛlɛ Nyanmiɛn mmla'n i su falɛ'n.

Galasifuɛ Mun 2:20

ɔ man olɛ nga n wo yɛ'n nán n ngunmin yɛ n wo-ɔ, min nin Krist yɛ e wo-ɔ, yɛ sulafilɛ bɔ n lafi Nyanmiɛn i Wa b'ɔ kloli min b'ɔ fɛ i wun mannin min ti'n, i ti yɛ n wo lɛ-ɔ.

Galasifuɛ Mun 5:6

Kɛ e nin Krist-Jésus y'a kaci sran wunmuan'n, sɛ e wla klɛn o, sɛ y'a wla-man klɛn o, nɛ́n i li yɛ be nian-an, sanngɛ klolɛ bɔ e fa klo sran nin Nyanmiɛn'n i su bɔ e lafi'n i li yɛ be nian-an.

Efɛzfuɛ Mun 1:23

Kristfuɛ'm be kwlaa be ti i wunnɛn, i bɔbɔ yɛ ɔ ti i ti nin-ɔn. I b'ɔ o lika'n kwlaa'n, ɔ wo Asɔnun'n nun.

Efɛzfuɛ Mun 2:14

Afin i yɛ ɔ ti ye afiɛn siesiefuɛ-ɔ, be nga be ti Zuif nin be nga be ti-man Zuif'n, ɔ kan be boli nun, yɛ sa ng'ɔ o be afiɛn b'ɔ ti kɛ talɛ sa'n, ɔ bubuli i. Ɔ fɛ i wun

Efɛzfuɛ Mun 2:15

toli mmla'n nin i nun ndɛ'n nan be nvle nnyɔn sɔ'n be kaci nvle uflɛ kun sran wunmuan bɔ be nin i b'a kaci'n ti yɛ be `di anuansɛ.

Efɛzfuɛ Mun 3:17

n srɛ kɛ Krist su bɔ an lafi'n ti'n, ɔ ´tran amun anwlɛn'n nun. Yɛ n srɛ i kɛ ɔ man an wun klolɛ b'ɔ fa klo amun b'ɔ man an jran kekle'n, i wlɛ weiin,

Efɛzfuɛ Mun 3:6

Sa sɔ'n yɛlɛ kɛ like nga Nyanmiɛn waan ɔ ´fa mɛn i sran mun'n, ɔ nin like ng'ɔ se kɛ ɔ ´yo man be'n, be nga be ti-man Zuif'n be dunman ´tɛ nun wie, yɛ be nin Zuif mun b'a yo kun jasin fɛ b'ɔ man be nin Krist-Jésus b'a kaci sran wunmuan'n ti.

Efɛzfuɛ Mun 6:8

Afin an si kɛ like kpa kwlaa nga sran kun yo'n, sɛ kanga o, sɛ diewa o, like ng'ɔ yo'n, ɔ ´nyɛn i nuan like e Min'n sa nun.

Kolɔsfuɛ Mun 2:10

Ɔ man sran wunmuan bɔ amun nin Krist b'ɔ o mmusu mun nin kpɛnngbɛn'm be kwlaa bé ti su'n amun ti'n ti, like'n kwlaa ti a sin a yia amun.

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.

2 Jean 1:9

Sran nga ndɛ nga Krist kle'n ju-mɛn i'n, b'ɔ uka su'n, wuun ɔ si-man Nyanmiɛn, sanngɛ sran ng'ɔ fa like ng'ɔ kle su'n, ɔ si e Si'n nin i Wa'n.