Kolɔsfuɛ Mun 3:10 - NYANMIƐN NDƐ'N 1998

¹⁰ yɛ amu'an fa nzuɛn uflɛ b'ɔ man amu'an yo kɛ sran bɔ Nyanmiɛn yili i uflɛ'n sa, Nyanmiɛn kaci sran sɔ'n titi lele ɔ si i kpa yɛ ɔ fɛ i mlɔnmlɔn .

Nyanmien nde Ufle

¹⁰ ye amuan fa nzuen ufle b'o man amuan yô ke swran bo Nyanmien yi i ufle sa, o katyi swran so'n titi lélé o sii kpa, ye o fe mlonmlon.

Kolɔsfuɛ Mun 3:10 ပူးပေါင်းရင်းမြစ်များ

Bo Bolɛ 5:1

Adam i mma mun, nin i anunman mun, ɔ nin i anunmannunman mun be dunman mun yɛ. Blɛ nga Nyanmiɛn ´yi sran mun'n ɔ yili be kɛ i bɔbɔ sa.

Zɔb I Nyrɛnnɛn Wunlɛ 29:14

Sɛ n ´kwla se'n, ndɛ nanwlɛ dilɛ'n yɛ ɔ ti min tralɛ yɛ n wla-a. Min kondro'n nin min wlengbi kle'n yɛlɛ sa'n i nuan su yolɛ.

Jue Mun 51:10

Kan ndɛ fɛ kle min man min wun kpaja min nan n klun jɔ. Sɛ a yo sɔ'n, min bɔ a kleli min nun'n, min wun ɔ ´sanndi min.

Ezai 52:1

Amun `tinnge! Amun `tinnge! Siɔnfuɛ mun, amun `jran kekle! Zerizalɛmfuɛ mun, amun bɔ amun tran Nyanmiɛn i klɔ'n su'n, amun `wla amun cɛn dilɛ tralɛ mun! Afin be bɔ be wla-man klɛn'n, bɔ be ti fiɛn'n, be su wlu-man wa kun .

Ezai 59:17

Sɛ e ´kwla se'n, ɔ wla sa ng'ɔ ti i nuan su'n kɛ like kokloko nga be fa kata be wue su'n sa. Sɛ e ´kwla se'n, ɔ fa delɛ b'ɔ de sran mun'n wlɛ i ti kɛ kpongbo kle sa. Ɔ fa klunngbɔ bɔ be tu'n wla i wun kɛ tralɛ sa. Ɔ fa anwlɛn bɔ be fa kun alɛ'n wla i wun kɛ tralɛ dan sa .

Ezekiɛl 11:19

N wa man amun anwlɛn kunngba. N ´fa wawɛ uflɛ n ´wla amun nun, n ´yi anwlɛn kekleke kɛ yɛbuɛ sa b'ɔ o amun nun'n, kpɛkuun m ´man amun anwlɛn wɛtɛɛ

Ezekiɛl 18:31

Amun `gua sa tɛtɛ bɔ be kacili amun nzuɛn'n be blo mmua mmua lɔ. Man amun anwlɛn'n kaci uflɛ, man amun akunndan'n ɔ yo uflɛ. ?Izraɛlfuɛ mun, nguɛ ti yɛ amun klo kɛ amun ´wu-ɔ ?

Ezekiɛl 36:26

M ´man amun anwlɛn uflɛ yɛ n ´wla amun nun akunndan uflɛ. N ´yi amun anwlɛn bɔ ɔ'a kete kɛ yɛbuɛ sa'n i blo, yɛ m ´man amun anwlɛn kun b'ɔ ti wɛtɛɛ.

Jean 17:3

Kɛ be se kɛ be ´nyan anannganman nguan'n, i bo'n yɛlɛ kɛ be ´si wɔ bɔ ɔ kunngba cɛ yɛ a ti Nyanmiɛn'n nin Jésus-Krist bɔ a sunmɛnnin i'n.

Rɔmfuɛ Mun 12:2

Nán an yo kɛ sran mun bɔ be o lɛ ndɛ'n be sa, sanngɛ man Nyanmiɛn kaci amun akunndan'n nan an kaci mlɔnmlɔn. Kɛ ɔ ko yo sɔ'n, amun ´wun Nyanmiɛn i klun sa'n i wlɛ, yɛ amun ´si sa ng'ɔ ti kpa, b'ɔ jɔ i klun, b'ɔ man amun ´yo kpa'n.

Rɔmfuɛ Mun 13:12

Lika'n ɔ'a ɔ wie, aliɛ'n su wa cɛn! I sɔ'n ti'n, man é wla sa tɛtɛ nga be fa kɔnguɛ kata bé nyin yo'n be ase, yɛ man e fa alɛ ninnge nga be fa kun alɛ wia nun'n e tanndan é wun.

Rɔmfuɛ Mun 13:14

An `fa e Min Jésus-Krist yo kɛ amun nyrɛn sa. Nán an bu like nga klɔ sran i konvi sɔ i'n i akunndan kɛ amun ´yo.

Rɔmfuɛ Mun 6:4

I sɔ'n ti'n, kɛ e nin Krist e wuli e batɛm yolɛ sɔ'n nun bɔ be sieli ye nin i'n, ɔ man kɛ e Si Nyanmiɛn cɛnnin i'n, e kusu e ´cɛn e ´nanti ajalɛ uflɛ su .

Rɔmfuɛ Mun 8:29

Afin e bɔ Nyanmiɛn dun mmua fali ye'n, ɔ sieli e kɛ e kaci kɛ i Wa'n ti'n sa, nan i Wa'n nyan niaan kpanngban, nan ɔ yo be nyrun kpɛn.

2 Korɛntfuɛ Mun 3:18

E kwlaa nga Nyanmiɛn a yi e nyrun tannin ng'ɔ kata e nyrun'n, e wun wafa nga e Min'n i dan'n ti'n i kwlaa kɛ niannun nun sa. E ´kaci kɛ i wafa nga e fa wun i'n sa tititi lelele e ´fɛ i kpa. E Min'n i Wawɛ'n yɛ man e yo sɔ-ɔ.

2 Korɛntfuɛ Mun 4:16

I sɔ'n ti'n, é sa sin bubu-man ye. Kannzɛ e wunnɛn ng'ɔ o yɛ'n ɔ saci'n, like nga bɔ man be flɛ min sran'n, cɛn kwlaa Nyanmiɛn bo i mɔnnɛn.

2 Korɛntfuɛ Mun 4:6

Nyanmiɛn b'ɔ seli kɛ: «Man lika'n kpaja'n,» i kunngba'n yɛ man e wun sa wlɛ weiin-ɔn. Ɔ man kɛ e nian Krist'n, e wun wafa nga Nyanmiɛn ti'n i kwlaa, afin i yɛ man e sili i-ɔ .

2 Korɛntfuɛ Mun 5:17

Sɛ sran kun nin Krist be kaci sran wunmuan'n, wuun Nyanmiɛn ɔ'a bo i uflɛ, i akunndan'n nin i nzuɛn laa'n ɔ'a wie, i akunndan'n nin i nzuɛn'n kwlaa a kaci.

Galasifuɛ Mun 3:27

Amun kwlaa bɔ kɛ an yoli batɛm'n amun nin Krist amu'an kaci sran wunmuan'n, amun nzuɛn liɛ'n ɔ'a fɛ i liɛ'n.

Galasifuɛ Mun 6:15

Sɛ be wla klɛn o, sɛ b'a wla-man klɛn o, nɛ́n i li yɛ be nian-an, nga be nian'n yɛlɛ uflɛ bɔ Nyanmiɛn bo ye'n.

Efɛzfuɛ Mun 2:10

Afin e ti i sa nuan like, kɛ e nin Krist-Jésus e yoli sran wunmuan'n, Nyanmiɛn boli ye uflɛ nan e `yo nyoliɛ kpakpa ng'ɔ dun mmua sieli ye kɛ e `yo'n.

Efɛzfuɛ Mun 2:15

toli mmla'n nin i nun ndɛ'n nan be nvle nnyɔn sɔ'n be kaci nvle uflɛ kun sran wunmuan bɔ be nin i b'a kaci'n ti yɛ be `di anuansɛ.

Kolɔsfuɛ Mun 3:12

An ti Nyanmiɛn i sran, ɔ klo amun, yɛ ɔ fali amun. I sɔ'n ti'n, man sran'm be yo amun annvɔ, an `yo be kpa, an `yo amun wun aenvuɛ, an `yo wɛtɛɛfuɛ, yɛ an `blu sa'm be su. An `fa like sɔ mun ´cici amún ti.

Kolɔsfuɛ Mun 3:14

Yɛ sa ng'ɔ ti cinnjin trɛ i ngba b'ɔ man i kwlaa sɔ'n kwla yo ye'n yɛlɛ kɛ an `klo amun wiengu.

Filemɔn 1:6

N ´srɛ Nyanmiɛn kɛ anuansɛ bɔ Krist bɔ e lafili i su'n ti e di'n, ɔ man a wun like kpakpa kwlaa ng'ɔ ti e liɛ sran wunmuan bɔ e nin Krist y'a kaci'n ti'n i wlɛ kpa weiin.

Hébreu 6:6

ɔ nin i sɔ'n ngba sɛ ɔ yaci atin'n, be kwla yo-man man ɔ sɛ-mɛn i sin kaci-mɛn i nzuɛn'n kun. Afin sɛ ɔ ko yaci atin'n, wuun i kusu su bobo Nyanmiɛn Wa'n waka'n su ekun, ɔ guɛ i nyin ase nzra nun.

1 Jean 2:3

Sɛ e fa Nyanmiɛn ndɛ'n su'n, i sɔ'n nun yɛ e ´si kɛ e si i sakpa-a.

1 Jean 2:5

Sanngɛ sran ng'ɔ fa i ndɛ'n su'n, i sɔfuɛ'n yɛ ɔ klo i kpa sakpa-a. Sa nga e ´yo nan y'a si weiin kɛ e nin i y'a yo kun'n yɛ:

Sa nglô yile 21:5

Sran ng'ɔ ti bia'n su'n seli kɛ: «Nian, m'an kaci like'n kwlaa uflɛ.» Yɛ ɔ seli ekun kɛ: «Klɛ ndɛ nga, afin min ndɛ'n ti nanwlɛ, be kwla fa su .»