Kolɔsfuɛ Mun 2:9 - NYANMIƐN NDƐ'N 1998

⁹ Afin kɛ e wun Krist b'ɔ kacili sran'n, e wun wafa nga Nyanmiɛn ti'n i kwlaa.

Nyanmien nde Ufle

⁹ Afin ke é wun Christ b'o katyii swran'n, é wun wafa kwlaa nga Nyanmien ti'n.

Kolɔsfuɛ Mun 2:9 ပူးပေါင်းရင်းမြစ်များ

Ezai 7:14

I sɔ'n ti Anannganman bɔbɔ ɔ wa man amun nzɔliɛ kun. Amun `nian, talua'n bɔ si-man bian'n ɔ wa wunnzɛ, ɔ wa wu ba yasua kun. Ɔ ´tɔn i dunman Emaniɛl .

Matthieu 1:23

«An `nian, talua b'ɔ nian si-man bian'n ɔ wa wunnzɛ, ɔ ´wu ba yasua, Be ´tɔn i dunman Emaniɛl,» bɔ i bo'n kle kɛ Nyanmiɛn nin ye o nun .

JÉSUS-CHRIST I DYASIN FE'N BO LUC KLELI'N 14:22

Kɛ i sran'n wɔli b'ɔ bali'n, ɔ seli i min'n kɛ: ‹Baba, like nga a sunmannin min kɛ n ko yo'n, m'an yo, sanngɛ tranwlɛ'n wie tɛ o lɛ ekun.›

JÉSUS-CHRIST I DYASIN FE'N BO LUC KLELI'N 3:22

yɛ Nyanmiɛn Wawɛ'n jrɛli i su kɛ auble sa. Yɛ be tili sran kun nɛn nyanmiɛn su lɔ, sran sɔ'n ɔ seli kɛ: «A ti min anwlɛn su Ba, ɔ́ su yɛ m'an fa ń wla'n kwlaa a gua-a .»

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 1:16

E kwlaa e nyɛnnin i like kpakpa'n wie, ɔ yoli e ye nan ɔ'a yo e ye ekun.

Jean 10:30

Min nin n Si e ti kun.»

Jean 10:38

Sɛ n yo be'n, kannzɛ an lafi-man m bɔbɔ n su'n, sanngɛ an `lafi sa sɔ'm be su nan amu'an wun i wlɛ kpa kɛ min nin min Si e ti sran wunmuan.

Jean 14:20

I cɛn sɔ'n nun'n, amun ´wun i wlɛ kɛ min nin n Si e ti sran wunmuan, yɛ amun wun i wlɛ kɛ min nin amun kusu y'a kaci sran wunmuan.

Jean 17:21

Min Si, n ´srɛ wɔ kɛ be `kaci sran wunmuan, yɛ be nin ye e `yo sran wunmuan kɛ min nin wɔ e ti sran wunmuan'n sa nan mɛn nunfuɛ'm be lafi su kɛ wɔ yɛ a sunmannin min-ɔn.

Jean 2:21

Sanngɛ i wunnɛn b'ɔ fa sunnzun Nyanmiɛn i sua'n i ndɛ yɛ ɔ kɛn i sɔ-ɔ.

Sa nga bé yôli'n 17:29

Ɔ man sɛ e ti Nyanmiɛn mma mun'n, nán man e bu i kɛ Nyanmiɛn nin like nga sran'm be bɔbɔ be fa be akunndan be yo'n, sika ɔkwlɛ nin jɛtɛ ufue bɔ be tɔn'n, ɔ nin yɛbuɛ bɔ be sɛ'n, be ti kun.

2 Korɛntfuɛ Mun 5:19

Nyanmiɛn nin Krist be sran kun bɔ be ti'n ti'n, ɔ'a nian-man sa nga sran'm be yoli'n ti, ɔ yoli man mɛnmɛnfuɛ'm be kwlaa be nin i be afiɛn a sɛ. Yɛ ɔ fa afiɛn siesielɛ ndɛ sɔ'n wlali é sa nun.

Kolɔsfuɛ Mun 1:19

Nyanmiɛn wun kɛ ɔ ti kpa kɛ i wafa kwlaa ng'ɔ ti'n, Krist kusu yo sɔ.

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

Tite 2:13

E yo sɔ nan e minndɛ cɛn kpa nga e wla o su kɛ e Nyanmiɛn Kpli'n nin e Defuɛ Krist-Jésus be wa yi bé wun nglo'n.

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.

1 Jean 5:7

Lalofuɛ'm be ti nsan,