Kolɔsfuɛ Mun 2:8 - NYANMIƐN NDƐ'N 1998

⁸ An `sasa amun wun, nán man sran fi fɛ i sa ng'ɔ si i'n nin sa ngbɛn wie fa laka amun nan ɔ `nyan amun. Sa sɔ'm be fin lalafuɛ'm be nzuɛn'n, nin ninnge nga e nannan'm be kle'n, be fin-man Krist.

Nyanmien nde Ufle

⁸ Anh sasa amun wun, nanh man swran fi fe i sa ng'o si'n nin sa ngben wié fa laka amun, o nyan amun. Sa so'm bé fin lalafue'm bé nzuen'n, nin ninngé nga é nannan'm bé klé'n, bé fi'an Christ.

Kolɔsfuɛ Mun 2:8 ပူးပေါင်းရင်းမြစ်များ

Ngɔjue Fɛfɛ Kpa'n 2:15

E vinyi'm b'a bo nyrɛ. Amun `tra nsoso mun, nnɛn kanngan sɔ'm be saci vinyi mun.

Zeremi 29:8

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Nán amun tran lɛ man be nga be tɔn bé wun suɛn kɛ be ti Nyanmiɛn nuan ijɔfuɛ nga be nin amun o lɔ'n, ɔ nin be nga be yi wunnzue'n be `lakalaka amun. Laliɛ nga amun cɛn be'n, nán an fa yo nanndoliɛ like.

Matthieu 10:17

An `sasa amún wun sran'm be lika, afin be wa fa amun kɔ jɔlɛ difuɛ'm bé ja su, be ´bo amun nin ngble be Nyanmiɛn ndɛ suanlɛ nin i srɛlɛ sua'm be nun.

Matthieu 16:6

Jésus seli be kɛ: «An `nian amún wun kpa Farizifuɛ mun nin Sadisefuɛ'm be kpaun ayre'n i lika.»

Matthieu 7:15

«An `sasa amún wun be nga be tɔn bé wun suɛn kɛ be ti Nyanmiɛn nuan ijɔfuɛ'n be lika. Be fa bua kplo wla bé wun, be ba amún wun, sanngɛ be ti gboklo be saci nnɛn mun .

Sa nga bé yôli'n 17:18

Fluwa sifuɛ dandan wie'm bɔ be flɛ be epikirfuɛ nin stɔikfuɛ'n be nin Pɔl kannin ndɛ. Be wie'm be se kɛ: «?Fiaifuɛ nga i wan nzɛ?» Yɛ wie'm be se kɛ: «Ɔ su kan nvle wie'm be amuɛn ndɛ.» Sa ti bɔ be kɛn i sɔ'n yɛlɛ kɛ ɔ kan Jésus ndɛ nin sran'm be cɛnlɛ ndɛ.

Sa nga bé yôli'n 17:32

Kɛ be tili kɛ ɔ su kan sran nga be wuli'n be cɛnlɛ ndɛ'n, wie'm be yoli i finfin, yɛ wie'm be se kɛ: «E wa tie ɔ ndɛ sɔ'n cɛn uflɛ ekun.»

Rɔmfuɛ Mun 16:17

Aniaan mun, n ´srɛ amun kpa, be nga be fa-man ndɛ nga an fali su su'n, bɔ be fa afiɛn sacilɛ'n wla amun afiɛn'n, bɔ be saci sran ti nun'n, an `nian amun wun be lika. Nán an fa amun wun mantan be.

1 Korɛntfuɛ Mun 10:12

I sɔ'n ti'n, sran ng'ɔ bu kɛ ɔ'a jran kpa'n, man ɔ niɛn i wun kpa nan ɔ'a tɔ-man!

1 Korɛntfuɛ Mun 8:9

Sanngɛ kusu an `nian amún wun kpa, nán man like nga an wun i wlɛ kɛ sɛ an yo-ɔ ɔ ti-man sa fi'n, ɔ saci be bɔ be wun-mɛn i wlɛ kpa'n.

2 Korɛntfuɛ Mun 10:5

yɛ like nga b'ɔ man sran'm be si-man Nyanmiɛn'n e saci be kwlaa, yɛ e yo man sran'm be kwlaa, sɛ be akunndan'n ti sɛ ti sɛ o, be yaci be akunndan sɔ'n bé nyin yi Krist.

Galasifuɛ Mun 1:14

N wiengu Zuif'm be nun'n n ti Nyanmiɛn sufuɛ dan kpa tra be nun kpanngban kpa, yɛ e nannan'm be nzuɛn'n lo min kpa.

Galasifuɛ Mun 4:3

E kusu, sɛ e kwla se kɛ ninnge nga e nannan'm be kle'n be ti sran'n, wuun e ´se kɛ kɛ e tɛ yo kɛ bakan sa'n, e ti be akua.

Galasifuɛ Mun 4:9

?Sanngɛ siɛn'n, kɛ amu'an si Nyanmiɛn'n, annzɛ bɔ Nyanmiɛn bɔbɔ a si amun'n, nguɛ ti yɛ an klo kɛ amun ´sa amun sin kɔ ninnge ngbɛn-ngbɛn bɔ be kwla yo-man like fi'n bé sin ekun kɛ amun ´ko yo be akua-a?

Galasifuɛ Mun 5:15

Sanngɛ sɛ an kaka amun wun bɔ an titi amun wiengu sa bui'n, an `nian amún wun kpa, sɛ ɔ ti-man sɔ'n, amun wiengu saci amun.

Efɛzfuɛ Mun 2:2

yɛ amun nzuɛn'n fa be nga be o yɛ'n be liɛ'n. Amún nyin yili nglo lɔ mmusu'm bé si'n, i yɛ ndɛkɛn ɔ wlawla sran nga bé nyin yi-man Nyanmiɛn nin-ɔn.

Efɛzfuɛ Mun 4:20

Sanngɛ amun liɛ'n, nɛ́n i sɔ yɛ an suɛnnin i Krist ndɛ'n nun-ɔn.

Efɛzfuɛ Mun 5:6

Nán man sran fi fa ndɛ ngbɛn wie laka amun, afin sa sɔ'm be ti yɛ Nyanmiɛn i ya'n ɔ wa jao be bɔ bé nyin yi-mɛn i'n be su nin-ɔn.

Mmla'n 6:12

Sanngɛ amun `nian amún wun kpa, nán amún wla fi Anannganman su. Afin i yɛ ɔ yili amun kanga'n nun fiteli Ezipt mɛn'n nun lɔ-ɔ.

Filipfuɛ Mun 3:2

An `sasa amún wun be bɔ be ti kɛ alua sa bɔ be yo sa tɛtɛ'n, bɔ be wla klɛn bé kplo'n su ngbɛn'n be lika.

Kolɔsfuɛ Mun 2:18

Sran b'ɔ klo kɛ be bu i aenvuɛfuɛ'n, b'ɔ koto anz'm be bo'n, b'ɔ fɛ i aolia nun ninnge b'ɔ wun be'n di i nuan'n, nan man ɔ de amun like kpa nga an nyɛnnin i'n. Sran sɔ'n, kɛ ɔ bu like nga ɔ si i'n i akunndan'n ɔ tu i wun, i wun tulɛ sɔ'n ti ngbɛn.

Kolɔsfuɛ Mun 2:20

?Sɛ amun nin Krist yɛ an wuli'n, bɔ amun nin asiɛ'n su ninnge'm b'a bu'n, nguɛ ti yɛ an tɛ yo amun wun kɛ an ti asiɛ'n sufuɛ sa bɔ an di wa mmla'n su-ɔ?

Kolɔsfuɛ Mun 2:22

Like sɔ'n kwlaa kɛ be ko fa ko yo like nga be waan be ´fa yo'n, wuun ɔ'a wie. Be ti sran'm be mmla nin be ndɛ be kan .

Kolɔsfuɛ Mun 2:23

Nanwlɛ, kɛ be su like nga be klo be'n, bɔ be yo bé wun kɛ be ti aenvuɛ sa'n, yɛ be kle be wun nyrɛnnɛn'n, sran'm be nyrun be ndɛ sɔ'n ti sa b'ɔ ti ngwlɛlɛ like kpa. Sanngɛ sa sɔ'm be yolɛ'n ti ngbɛn, ɔ man sran'm be kwla yaci-man konvi yolɛ'n.

1 Timote 6:20

Timote, n sran kpa, fa sa nga be kan kleli wɔ'n su kpa. Ndɛ ngbɛn-ngbɛn b'ɔ nin Nyanmiɛn ndɛ'n ti-man kun'n, nin akplowa nga be bɔ be bu bé wun kɛ be si sa'n be si'n, nán sie ɔ su bé su.

2 Timote 3:13

Sanngɛ sran nga be klun yo wi bɔ be ti gblɛfuɛ'n, bé sa tɛ nga be yo'n i tɛ'n ɔ ´tra laa liɛ'n, be ´laka sran mun yɛ be ´laka be bɔbɔ bé wun.

Hébreu 13:9

Nán an fa like wafa-wafa nga be kle amun b'ɔ nin e liɛ'n ti-man kun'n su nan an yaci atin kpafuɛ'n. Sɛ e tra ye anwlɛn kpa ye bɔ Nyanmiɛn yoli ye ti'n, ɔ ti kpa. Nán man e bu kɛ aliɛ dilɛ mmla'n bɔ e fa su'n ɔ kwla yo e kpa, afin be nga be fali su'n, ɔ'a yo-man sa fi ye a man-man be.

Hébreu 3:12

Aniaan mun, i sɔ'n ti an `nian amún wun, nán man amun nun wie i anwlɛn'n ɔ yo tɛ, yɛ nán man ɔ `yo kɛ ɔ lafi-man Nyanmiɛn su b'ɔ man ɔ ´yaci Nyanmiɛn b'ɔ lafi-man nin-ɔn.

1 Piɛr 1:18

Afin an si like nga be fa toli amun'n, b'ɔ man an nyan amún ti sa ngbɛn-ngbɛn nga amun nannan'm be fa kleli amun'n be nun'n. Nán like b'ɔ saci-ɔ, nán jɛtɛ ufue-ɔ, yɛ nán sika ɔkwlɛ-ɔ.

2 Piɛr 3:17

Sanngɛ amun bɔ an ti n sran kpa'n, bɔ an si sɔ laa'n, an `nian amun wun, kɛ ɔ ´yo nan amu'an su-man sran tɛtɛ bɔ be yo sa b'ɔ ti-mɛn i su'n, bé su nan amun ta a kpɔ-man.

2 Jean 1:8

I sɔ'n ti, an `nian amún wun kpa nan amun junman'n i nuan like'n ɔ'a to-man fuan-man amun sanngɛ amu'an nyan nun like kpa'n ti.