Kolɔsfuɛ Mun 2:4 - NYANMIƐN NDƐ'N 1998

⁴ N ´kɛn i sɔ nan sran fi a fɛ-mɛn i nuan nun fɛ a laka-man amun.

Nyanmien nde Ufle

⁴ N ken i so nan swran fi a fe'e i nuan nun fe a laka'a amun.

Kolɔsfuɛ Mun 2:4 ပူးပေါင်းရင်းမြစ်များ

Matthieu 24:24

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao yɛ be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Matthieu 24:4

Jésus seli be kɛ: «An `sasa amun wun kpa, nán man be laka amun.

Marc 13:22

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao, be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Sa nga bé yôli'n 20:30

Yɛ amun nun sran wie'm be wa jao be ´kan ndɛ b'ɔ ti-mɛn i su'n be fa laka Kristfuɛ mun nan be su be su.

1 Korɛntfuɛ Mun 2:4

Min ijɔlɛ'n nin Nyanmiɛn ndɛ bɔ n kɛnnin i lɔ'n, ɔ'a yo-man ngwlɛlɛ ndɛ bɔ sɛ sran ti-ɔ ɔ fa su-ɔ, sanngɛ ɔ yoli ndɛ b'ɔ yi Nyanmiɛn Wawɛ'n nin i kwlalɛ'n nglo.

2 Korɛntfuɛ Mun 11:3

Srɛ kun min kɛ nan man be wa saci amún ti nun b'ɔ man an su fa-man amún wla'n kwlaa guɛ-mɛn i Krist su kun, ɔ ´yo kɛ kɛ wuo i gblɛ'n ti ɔ laka Ɛv b'ɔ nyɛnnin i'n sa .

Galasifuɛ Mun 2:4

San be nga be tɔn bé wun suɛn kɛ be ti e niaan'n, be yɛ be klo kɛ ɔ yo sɔ-ɔ. Be wluli e nun blɛlɛlɛlɛ kɛ be ´kpla e nian é ti bɔ e bɔ e nin Krist-Jésus y'a kaci sran wunmuan'n bɔ y'a nyɛn'n ti, be waan be ´fa e wla kanga'n nun.

Efɛzfuɛ Mun 4:14

Kɛ ɔ ko yo sɔ'n, e ti-man ba kaan kun bɔ e fa ato ndɛ kwlaa nga sran'm be gblɛ'n ti be kɛn i kɛ be ´fa lakalaka sran mun'n su, b'ɔ man e kɔ wa kɔ wa kɛ mmeli bɔ aunngban'n fɛ i kɔ wa kɔ wa'n sa.

Efɛzfuɛ Mun 4:17

I sɔ'n ti'n, e Min'n dunman nun n se amun kɛ yoo: nán amun nzuɛn'n fa be bɔ be ti-man Zuif'n be liɛ'n kun. Be lɛ-man akunndan,

Efɛzfuɛ Mun 5:6

Nán man sran fi fa ndɛ ngbɛn wie laka amun, afin sa sɔ'm be ti yɛ Nyanmiɛn i ya'n ɔ wa jao be bɔ bé nyin yi-mɛn i'n be su nin-ɔn.

Kolɔsfuɛ Mun 2:18

Sran b'ɔ klo kɛ be bu i aenvuɛfuɛ'n, b'ɔ koto anz'm be bo'n, b'ɔ fɛ i aolia nun ninnge b'ɔ wun be'n di i nuan'n, nan man ɔ de amun like kpa nga an nyɛnnin i'n. Sran sɔ'n, kɛ ɔ bu like nga ɔ si i'n i akunndan'n ɔ tu i wun, i wun tulɛ sɔ'n ti ngbɛn.

Kolɔsfuɛ Mun 2:8

An `sasa amun wun, nán man sran fi fɛ i sa ng'ɔ si i'n nin sa ngbɛn wie fa laka amun nan ɔ `nyan amun. Sa sɔ'm be fin lalafuɛ'm be nzuɛn'n, nin ninnge nga e nannan'm be kle'n, be fin-man Krist.

2 Timote 2:16

Nán fa ɔ wun wla ndɛ ngbɛn-ngbɛn bɔ be nin Nyanmiɛn ndɛ'n be ti-man kun'n be nun, afin be nga be yo sɔ'n be fa-man bé wun mantan-man Nyanmiɛn lele be nin i bu.

2 Timote 3:13

Sanngɛ sran nga be klun yo wi bɔ be ti gblɛfuɛ'n, bé sa tɛ nga be yo'n i tɛ'n ɔ ´tra laa liɛ'n, be ´laka sran mun yɛ be ´laka be bɔbɔ bé wun.

1 Jean 2:18

Ba kanngan mun, y'a ju mɛn'n i bue nuan. An tili i kɛ Krist i Kpɔfuɛ'n ɔ ´ba. Krist i kpɔfuɛ kpanngban b'a ba, ɔ man e si kɛ y'a ju mɛn'n i bue nuan.

1 Jean 2:26

Be nga be klo kɛ be ´laka amun'n, bé wun ndɛ yɛ n klɛ blɛli amun-ɔn.

1 Jean 4:1

N sran kpa mun, be nga be se kɛ be ijɔ Nyanmiɛn Wawɛ'n nuan'n, nán an lafi be ngba su. An `sa be nian, sɛ be ijɔ Nyanmiɛn nuan sakpa o, annzɛ sɛ like wie yɛ be ijɔ i nuan o. Afin be nga be tɔn bé wun suɛn kɛ be ti Nyanmiɛn nuan ijɔfuɛ'n, be kpanngban kpa b'a ba mɛn'n nun.

2 Jean 1:7

Afin sran kpanngban b'a sanndi mɛn'n nun, be laka sran mun, be waan, Jésus-Krist a kaci-man sran. Sran ng'ɔ se sɔ'n yɛ ɔ ti sran lakafuɛ nin Krist i kpɔfuɛ nin-ɔn.

Sa nglô yile 12:9

Be kannin dragɔn sroesroe dan sɔ'n nin i anz'm be bo guali be asiɛ'n su wa. I yɛ be flɛ i wuo lalaa, nin mmusu'm be si, nin Satan nin-ɔn, i yɛ ɔ laka mɛn wunmuan nunfuɛ'm be kwlaa nin-ɔn .

Sa nglô yile 13:8

Be kwlaa nga be o mɛn'n nun'n, bɔ kɛ be ´bo mɛn'n i bo'n b'a klɛ-man be dunman Bua Gbanflɛn bɔ be kunnin i'n i nguan fluwa nun'n, be ´koto i bo.

Sa nglô yile 20:3

Ɔ fɛ i yili kunman dan sɔ'n nun, ɔ toli nun yɛ ɔ tali su. Ɔ yoli i sɔ nan ɔ'a laka-man nvle-nvlefuɛ mun kun lele san afuɛ akpi'n ɔ'a ju. I sin be ´yaci i nun kan.

Sa nglô yile 20:8

Ɔ ´ko lakalaka nvle-nvlefuɛ'm be kwlaa, ɔ ´yiayia be kwlaa kɛ be wa kun alɛ. Be flɛ be Gɔg nin Magɔg, be sɔnnin kɛ jenvie nuan aunnyan'n sa .